1 Korindut 9:12 - Ala Wone Peenok Peebi Mbanak

¹² It iyaalok Ala wone kinikime awi yappinagulik mendek nen, “It inamendek ando wo'niraagun,” mba'nuk, kinoba aberak wonogwe iinok, wogorogo monggotak kwe, nit iyaalok yappinagareegurak nogo nen, “Wo'niraanip o,” yinuk, yokkiroorak meek mbakop? Yokkiroorak op aret kwe, obeelom wone Keritut yo'niragagerak wone nogo wiganit nage me, non mbambukwak nduk, “Wo'niraanip o,” yokkiraga'lek nineenggi paga nen mban eekko'net nogo ogoorik o.

1 Korindut 9:12 ပူးပေါင်းရင်းမြစ်များ

Wakkagagerak 24:56

Yogo mbareegwa, at Abarakam ayeloman nen, “Noweewi o. An yilunogo yime panogo logorak negen yogwe ti mage o. An yime wagarak nogo ti, Aliku nogoba ALA nen ndak-ndak aret eeppanegerak me, an nogoba wonage me, Nak aret, yo'ninip o.”

Nekemiya 4:8

Age nagagerik, it abok aret iniki ambit eeppunuk, wone mbanggo logonet, “O Yerutalem pak wukwi ti, naalop-kaalop eerogo piyaawok nduk, ninom wim eeri nawok o,” yinuk, wone mbaneegwaarak kwe,

Lukat 11:52

Kit Ala wone liiru mbanak unde yi, yi wone ndi wone aakumi ineenu ogwe iyo, tu kunci kit aret kumaapporogo wonogwe me, kinabuwa! Nit aret wone nineenu aruwok, mbaka'lek logonet, it ando ineenu ariyak mbakwi nogo ineenu ogwe iyo, non mbambiigo ogotik o,” yinuk, yoragagerak.

Nappiigak 18:3

mbogoyum o wuriyak yum penggaakwi me, Pawulut iya nage nagagerik, at kunduk, yum o wuriyak penggaakwi eenu me, inom logonet, penggaake nagagerak.

Oroma 15:22

An aap awo konengga'lek mendek mban yoranet noorak mbareegirak nogo, yoranet nage neegak, yiluk ari me, pekkiya waga'lek wonagagirak kwe,

1 Korindut 13:7

It maluk eeppiigwi iigak kwe, inabuwa mbakwi, it-it yogo logonet, ambi ari kenok abet ari mbakak eekwi, iniki lunik nogo mondok eerigin aret mbakwi, eerulik kagak, “Eekotak o,” yinuk, inoone inoba piigwi iigak, yanggo yinuk, waganggwi, eekwi nogo ti, lek aga'lek mondok kundugu tit aret eeko menggaarak.

1 Korindut 6:7

It aap abet mbaka'lek mendek nen inawone amburu mbanuwak nduk, kit kinoreewi aret kwe, wogoren piya nogo monggotak ti paga kit Ala apuri mendek kinayuk lek eekkologwe kiigi o. Kit maluk eerogo pinagagwi, kinamendek ineengginabut waganggwi, eekwi iigak, kinendage op logorak nduk, onggo yoraga'lek puk logorak meek mbakop?

1 Korindut 9:14

Ti ndak-ndak it aap wone obeelom wone yorogwe nogo, ineebe obeelom logowak nduk, “It waganggo menggaarak nogo nen yi mendek ndi mendek wogorogo logowak o,” yinuk, ninowe nen koonogo pereegerak.

1 Korindut 9:15

Koonogo pereegerak kwe, “Kinamendek ambi wo'ninip o,” yinuk, an yokkirage logolik o. Ndi, yogondak kunduk, kit ambi eeppanubagip nduk, liiru yi mbanggirage lek mban. An kambuurak op aret mbake kwe, “An Ala ake pugu waagin abu lek o,” ari minggirak ti, iya lombok mbake me, aakumi nen lek eerogo paniyak lek aret o.

1 Korindut 9:16

An obeelom wone yoranet nege minggirak nogo ti, Ala nen, “Yoranet nege logot o,” ari kenok, yoranet nege minggirak ti paga an wogoppatiyak abu lek o. An wone obeelom wone yoranet nege lek neenok, maluk eeppaniyak me, nagabiti mba'nuk, yoranet nege minggirak.

1 Korindut 9:18

Togop me, an onggo koloorak ti, ngge mbakop? Lek o. An yabu eeke onggo ti, wone yokkirage nogo paga, “Onggo wo'ninip o,” yokkiroorak op kagak, tebenogo punuk, obeelom wone onggo lek we aret kineenu eeppinagit nege minggirak nogo ti, an onggo kolage ti aret o.

1 Korindut 9:2

It aap ando nen, “Kat nappiigak mendek lek o,” yo'nugwi iigak kwe, kit nen perak, an yokkirage neegak, kit Ala apuri ogogutak ti paga liippaninuk nappiigak mendek abet aret wonage nombakwi nogo lek a?

2 Korindut 11:12

An ti eeke logorak yokkiragarak alom ti, it aakumi wone alik yokkirogo menggaarak nen, “Pawulut inom eeko menggaarak nogo nit ndak-ndak aret eeko monggoorak o,” yinuk, wogoppatit nugwi nogo, inoone mondok lek eerogo piyaakit nduk, “An eeke minggirak ti, aret eeke logogin,” mba'nuk, yokkiragarak.

2 Korindut 11:20

It aakumi nen inayeloman eekkinakwi, kinamendek lek eerogo nenet nugwi, inabu'me tebenogo pinagagwi, tiyappako logonet, meek eerogo pinagagwi, kinetenggen paga tela eerogo kinookwi, eekwi iigak, “Op aret o,” yinuk, puk ogwe kiigirak kwe,

2 Korindut 2:12

An Keritut eeke nagagerak obeelom wone yoraakit nduk, o Torowat wage nagagirik, obeelom wone yorage logokit nduk, “Ala nen tu koonogo paneegerak kagi,” mbareegirak kwe,

2 Korindut 6:3

Nit ambi eerumonggoorak paga yiluk ari kenok wone yokkirogo logorak unde eeppinaneegerak nogo, meek eerogo pukwak nduk, nit mondok liippunuk mban eeko ogoorik o.