1 Korindut 8:9 - Ala Wone Peenok Peebi Mbanak

⁹ Togop me, kugi aanggo warak nogo kit nen ugun nenet noorak op aret kwe, kinoreewi ambi iniki abet mbakwi awo kole aga'lek nogo nggelenogo piyookwak, liippinip o.

1 Korindut 8:9 ပူးပေါင်းရင်းမြစ်များ

Yetaya 35:3

Kineenggi ndeyak aago wonogwe, kinendop yilugu wonogwe, eerak wonogwe yi, kinomaawi eekkologo logonip o.

Yetaya 57:14

Aap ambi nen ari logonet, “Tu koonogo piige, tu koonogo piige, eeke logot o. An napuri woraawam inaru non mbanak wonage nogo worenogo mbo pege logot o,” yinuk, yigin o.

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

Yetikiyen 44:12

inagugi ogut inenggaanom paga it aakumi ti, inake eekwi paga Iterali mendek inaganak waganogo nggimbiyaawak nduk, eereegwaarak me, it maluk eeko nogogwaarak onggo eeppiyoorak ti, it inobaalombok aret inoba logogin o, yinuk, kumbuk mbaneegirak o.

Ala Unde 19:14

Naliku ALA an aret me, inogoba Ala an nayuk wuko logonet, aap inaruk logu iinok kugi pulunogo piigwi, aap inigen mbuk iinok inaganak waawak nduk, yugum inenaame pi wogwe, eeriyak mage o.

Matiyut 18:10

Yorage nagagerik, ambinom yorage logonet, “It elege-aabologwe inarum wako menggaarak malayikat nogo nen an nogoba mbogut paga mendek enggaanom paga mondok-mondok paganogo yogo menggaarak me, kit nen elege-aabologwe yi, meek inombakwi kiyo, kiniki liippogo logonip o.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

1 Korindut 10:24

Kit kinobaalombok mban eekko'net nogo logorak lek o. Ata, kinoreewi inikilom mbaruwak nduk inom aret eeppiinet nogo logonip o.

1 Korindut 10:28

aap alik ambi nen, “Yi kugi ake nggomoorak larak o,” yinuk, yokkirage kenok perak, kit ugun noorak op aret kwe, at yokkirage nogo nen, “An op namun ilik, lek a?” iniki aaninggin kenok, yokkirage me, at ake nen noorak lek mbo puurak aret o. Mbo puurak op aret kwe, kit ando nen, “An ugun noorak op mbake neegak, at ambi noorak paga nonggop nduk mage yo'nirage,

1 Korindut 10:32

An aakumi inale'nggen mbaruwak nduk, inake yi eekak ndi eekak eeke logonet, an obeelom logokit mba'nuk, eekkolage lek o. Ata, Ala nen it inagap ndaruwak nduk, obeelom eeppiinet nage minggirak nogo ndak-ndak, kit togon, it Yakuri mendek inom, Yunani mendek inom, Ala apuri yi awi ndi awi kuwak eerit nogo menggaarak abok aret eeppiinet nogo logonet, non mbanogo piyookwak, liippunuk, eeppiinet nogo logonip o.

1 Korindut 8:10

It kinoreewi ando iniki awo kole aga'lek mendek nogo nen, kugi aanggo warak kit ugun noorak kineenu me, ugun nunggwi kiinok, “It kugi aanggo warak kagak nunggwi me, nit togon nawi aret o,” yinuk, iniki maan mendek abeko logonet, nagun lek mbakop? Nunggwi aret iyoorak me,

1 Korindut 8:12

Ti eerumonggotak paga iniki warogo piigo logonet, Keritut kunduk inom aret maluk eeppumunggup o.

1 Korindut 9:22

Ndi, it aakumi iniki awo kole aga'lek mendek nogo iniki kole eerogo piyaakit nduk, it inenggela'me logonet, it eeko menggaarak an ndak-ndak aret eeke minggirak. An yi aap ndi aap abok inenggela'me nege logonet, it ambitak Ala nen inagap ndaruwak nduk, it eeko menggaarak abok aret an ndak-ndak eerit nage minggirak.

2 Korindut 11:21

nit perak, togop eeppinagarak ninagabiti nen ninoone yanggorogon yokkirogogurak me, ninenggali aga o. It aap kumili negen ugun yogo mengga kwak, an togop yuurak neebi mbake kwe, it aakumi ando inagabiti lek, ambi eekaarak paga wogoppakwi me, an togon nagabiti lek mbuuluk wogoppatiyak mban tit mbake agarik o.

2 Korindut 11:29

It aakumi iniki aaninggin ogwe iinok, an kunduk niniki aaninggin age, it maluk eekwi iinok, “Ao,” mbake logonet, niniki wakkolage, eeke minggirak.

2 Korindut 6:3

Nit ambi eerumonggoorak paga yiluk ari kenok wone yokkirogo logorak unde eeppinaneegerak nogo, meek eerogo pukwak nduk, nit mondok liippunuk mban eeko ogoorik o.

Nggalatiya 5:13

Noreewi o. Kit perak, wondet aago nugu logobagip nduk, Ala nen miikkinabeegerak kwe, “An nanonggwan wondet agago paneegerak me, niniki nengge kenok ugun eerit nage logi o,” yinuk, yuurak ti mage o. Ata, nabuwa-kabuwa mbako logonet, kinoreewi kinom yeenggwa-yeenggwa eeko logonip o.

Kolote 2:8

It aakumi ambi eeppiyoorak lek kagak we inambokan laganuwok nduk, iniki koonogo yorogo menggaarak nogo ti, Keritut wone lek o. Ti, it inombomini wandek inom, it kugi inayuk wuko menggaarak nogo inom, inoone mamunik aret agan nugwi me, keele maarak negen it inabu'me logonet, inoone mban konenggo logobagip nduk, kit kinambokan laganggwi iyo, tum wakkologo logonip o.

1 Peterut 2:16

Kit aakumi inayeloman kwak lek o. Kit it aakumi we ugun wondet aago nugu menggaarak nogo mendek aret wonogwe me, “An wondet eerogo paneegerak me,” yinuk, kiniki teeluk logonet, ugun maluk eerit nogo logorak mage o. Ata, “An Ala ayeloman aret o,” yinuk, at yokkirage kenok mban eerit nogo logonip o.

Wayu 2:14

Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,