1 Korindut 8:1 - Ala Wone Peenok Peebi Mbanak

¹ “Wam kugi aanggo warak noorak ilik, mage a?” yinuk, wone ambi yokkira o. “Nit abok nineenu o,” yogwe ti, abet aret yogwe kwe, it aap nen “Abok nineenu,” mbakwi ti, wogoppako menggaarak. Ndi, aakumi inabuwa mbako logonet, obeelom eeppiigwi kenok perak, iniki kole eerogo piigo menggaarak o.

1 Korindut 8:1 ပူးပေါင်းရင်းမြစ်များ

Yetaya 47:10

An maluk eerit nage yi paga ambi eeppanega'lek op aret wonage mbake, It ambi nen inigen neega'lek aret, ari, Eeke menggendak o. Niniki warak wonage, yi wone ndi wone neenu wonage, Eeke ti paga tu maluk me pagi nage kagak kwe, an kwak ambi lek an iya aret o, yinuk, ari menggendak.

Yetaya 5:21

It aap nen, “Nit abu niniki warak aret,” yogwe, “Nit yi wone ndi wone abu nineenu aret,” yogwe, Eekwi ti, Mondok inabuwa o!

Linggineegwaarak 25:2

Nogo mbareegwa, it kumi Mowap mendek nen inagugi aanggo warogo lako logonet, “Ninom laruwi o,” yinuk, it aap Iterali mendek yorogwe iinok, inom aret inagugi alut eekwi, kugi aanggo warak larak nogo nunggwi, eeko nogogwaarak.

Nappiigak 15:10

Togop me, nit inom, ninombomini inom, eyo aaninggin tapi inuut paga pogo mengga kwak ninoba luurogo pinaneegwaarak aaninggin abu meek kogo nogogurak wone nogo, kit yogondak nonggop nduk wone ti, it Yetut oone waganggwi inoba luurogo piinok, Ala nonggop eeppinanege kaamun? yinuk, abut mbanuwok nduk yogo ogotik?

Nappiigak 15:29

Kugi aanggo warak nunggwi, amiya nunggwi, yi mendek ndi mendek amiya wungga'lek kagak warak kenok, nunggwi, mbabi eekwi, eekwi nogo, kit eeriyak lek mbo pogo logonip o. Mbo pumonggotak ti paga, wone yugu nogo, Abu aret eeko agaarik o, yinuk, kinombako logogun o. Ninoreewi wa. Abu aret yokkirogo o,” yinuk, liiru mbanogo punuk, nappiyareegwaarak.

Nappiigak 21:25

Ndi, it endekem mendek nen Yetut oone abet mbareegwaarak nogo ti, Kugi aanggo warak noorak mage o. Amiya noorak mage o. Yi mendek ndi mendek amiya wungga'lek kagak warak nogo noorak mage o. Mbabi eeriyak mage o, yinuk, koonogo pereegurak nogo muk liiru mbanogo nappiyareegurak o,” yinuk, yoreegwaarak.

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

Oroma 12:16

Kinoreewi kinom kiniki ambit eeppunuk, eerit nogo logonip o. “An iya,” yinuk, “It aap inendage lek ninom eeriyak nineebi o,” yuurak mage o. Ata, kinom aret eerit nogo logonip o. “An abu neenu me, an iya,” mbako logogup o.

Oroma 14:10

Nit abok ndak-ndak ninowak loongge menggim Ala enggaanom paga mi'narugun me, kit nonggop nduk nabok-kabok yogwe, nonggop nduk kinoreewi miyuk-meya eerogo piigwi, eeko ogotik?

Oroma 14:14

Yi mendek ndi mendek aburen mage ageelik o. Aakumi nen, “Yi mage o,” yinuk, iniki aberak wonogwe iinok ti, “Mage mendek aret age menggerak o,” yinuk, an nen yokkirage lek o. Ata, ninowe Yetut nimbirak ambit a'nuk yo'nege kenok, “Abet aret kagi,” yinuk, yokkirage agarik o.

Oroma 14:19

Ti kenok, aakumi iniki ambit lambunik logowak nduk, eerogo piinet nugwi, ndi, aakumi iniki eyak wat-wat yogo logowak nduk, koonogo piinet nugwi, eeriyak wone ti mendek kenok mban liirogon eerit nogo logowok o.

Oroma 14:22

Wone yokkiragarak ti, kit eeko logorak op mbakwi kenok, “Aakumi inenggaanom paga lek o. Ala enggaanom paga mban eeko logowok,” mba'nuk, eeko logorak op aret o. Ndi, “Eeko logorak op,” mba'nuk eekwi kenok, “Maluk eekirak kagi,” mba'nuk, kiniki wakkoloorak mage o. Ata, kiniki ale'nggen logonet aret eeko logorak op kwe,

Oroma 14:3

At yi mendek ndi mendek ugun nengge menggerak nogo nen, at we mbi-mbiingga mban nengge nogo, meek eerogo punuk, abok mbaniyak lek o. Ndi, at mbi-mbiingga mban nengge nogo nen, at ugun nengge menggerak nogo Ala nen, “Aap yi kunduk, an naput aret,” mba'nuk, ari me, abok mbaniyak lek mban o.

Oroma 15:14

Noreewi o. Kit kiniki mondok obeelom yi mendek ndi mendek abok aret kineenu logonet, kit-kit aret, “At ambi mamunegak eeko logorak op aret,” mba'nuk, yokkirage agarik o.

1 Korindut 1:5

Keritut nit ninake eereegerak wone yokkirogogurak ndak-ndak, kinikime nu'lek eerogo pinagareegerak me, kit Keritut kinom kunik logonet, yi wone ndi wone yuurak inom, yi eekwi ndi eekwi kineenu ariyak inom, abok aret unde eeppinagareegerak kenok, Ala, “Wa,” yinuk, yoge minggirak.

1 Korindut 10:15

Kit aap kiniki warak aret me, wone yokkirage yi, kit mban kiniki wakkogo logonip o.

1 Korindut 10:28

aap alik ambi nen, “Yi kugi ake nggomoorak larak o,” yinuk, yokkirage kenok perak, kit ugun noorak op aret kwe, at yokkirage nogo nen, “An op namun ilik, lek a?” iniki aaninggin kenok, yokkirage me, at ake nen noorak lek mbo puurak aret o. Mbo puurak op aret kwe, kit ando nen, “An ugun noorak op mbake neegak, at ambi noorak paga nonggop nduk mage yo'nirage,

1 Korindut 14:20

Noreewi o. Kit kiniki koonggwi nogo ti, it wologwe-mbuulogwe iniki koonggo mengga kwak, kiniki togop koonggo logogup o. Ata, it aap iniki warak koonggo menggaarak pogom koonggo logonip o. Maluk eeriyak eekkinake kero, elege awo ngget ndarak maluk ineenggo'lek menggaarak nogo pogom, kit togop aret logonip o.

1 Korindut 15:34

It ando kinenggela'me Ala wone ineenggo'lek iigak, kit maluk eekwi me, maluk eeko monggotak nogo mbo punuk, kiniki warak a'nip o. Wone yokkirage yi, kit kinenggali arubagip nduk, yokkiragi o.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

1 Korindut 4:18

Kit ando nen, “At niya woraagin lek o,” yinuk, wogoppakwi kwe,

1 Korindut 4:6

Togop me noreewi o. “Wone liiru mbanak kagak, alik eekwi mage o,” yogwe nogo, Apolot nimbirak eeko monggoorak kit mamunggolaabagip nduk, an wone yokkiragi ti, nit nineebe paga wakkagak yokkiragi o. Mamunggologwe kiinok, kit nen, “At ambi iya, at ambi meek,” yogo logonet, wogoppako logomunggup lek o.

1 Korindut 5:2

Kit Ala apuri nen aap nogo maluk eekerak paga kiniki wakkologo logonet, kinenggela'me nen nggiginogo wumbuurak op aret kagak, “Yi iya eekerak lek o,” yinuk, taganogo punuk, wogoppatit nugwi kiigi o.

1 Korindut 5:6

Kit wogoppakwi ti, maluk aret o. Roti piike menggerak mendek mbuuluk roti enggela'me pugwi iinok, roti eebe abok aret piike menggerak nogo kineenggo'lek ya?

1 Korindut 8:2

Aap ambit-ambi nen, “An abok neenu,” mbake kenok, at abe liirogon eenu ariyak mendek awo eenggo'lek kagak ari me, eenggo'lek nen aret ari mbariyak o.

1 Korindut 8:4

Ti kenok, “Wam kugi aanggo warak noorak ilik, mage a?” yinuk, yogwe ti, at Ala alik ambit aret menggerak me, nggween paga yime kugiwak abe mendek ambi wonage lek ti, nineenu aret o.

1 Korindut 8:7

Wone ti, nit nineenu aret kwe, it ando perak, awo liippega'lek aret agaarik o. It nen maan kugi aanggo warak nonggo nogogwaarak me, yogondak iniki mari eeppunuk, wam ti, ugun noorak op aret kwe, iniki kole aga'lek me, “Inagugi aanggo wakaarak kagak, nonggo,” yinuk, abeko nagaatik, “Maluk eekkologoorak kogo,” yinuk, mbako menggaarak o.

Epetut 4:16

Nineenggi-niniyok yeregerak-peregerak abok aret eeriyak ake punik alitak lombok wonage kwe, nineebe ambit ninomanggen paga yinik-kunik eerak logonet, eerit nage kenok, nineebe mondok op aret menggerak nogo kokwak, nit Ala apuri ninanobak kwak Keritut ninom togop aret kunik me, niniki-kiniki kunik eeko logonet, ninalitak eeriyak unde eeppinaneegerak nogo ndak-ndak eerit nugwi niinok, Keritut eebe mondok obeelom aret logonet, nit nineebe paga wiganit nage logogin.

Kolote 2:18

It aakumi nggween paga mendek mban iniki koonit nogo menggaarak nogo nen, it aap iya lek kagak iniki wogoppako logonet, “Nabinggaanggo paga wone yo'nege menggerak me, an iya o,” yinuk, inabi kagaatak mbinuk-mbenak agan wogo logonet, inoone omaawi paga, “Malayikat inalut eeko logonip o,” yinuk, yokkirogwe, ndi, iniki tebenak nege mbaruwak nduk, inagabiti nggo-nggo nugwi, eerit nogwe nogo, kit liippugwi kiinok, Ala nen wokkiroorak kiniki ale'nggen mbakwi nogo, lek eerogo pakwi kiyo, inoone konenggo logogup o.

Wayu 2:14

Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,

Wayu 2:20

mbuuluk ambi ninggin eekwi iigirak me, yoraawak nduk, yoriyak, yokkiri o. Kwe Iteben nogo nen, An Ala wone yorage minggirak mendek aret o, yinuk, an nayeloman mini ineebe ambik nomoniren nage logonet, kumi ugun-ugun wurinabit nogwe, ndi, kugi aanggo warak nunggwi, eerit nogo logowak nduk, mamunirage kagak kwe, mberega'lek, Op aret o, yinuk teppugwi iigirak me, abu neebi lombok ee'nake kenok yagi o.