1 Korindut 7:5 - Ala Wone Peenok Peebi Mbanak

⁵ Wone alik paga lek o. Ata, tamban mban eeko logowak nduk, ogonggelo akweegelo imbirak wone koonggo logonet, “We luulu ne ndogop paga lambungga'lek puk logowok o,” yinuk, iniki ambit a'nuk, tayoppunuk, puk logorak ti, op aret kwe, elaambirik wonogwe iinok, Ibilit nen iniki nggagangge kenok, iniki nengge kero, logonuk lek mbet-mbet aret lambunuwak o.

1 Korindut 7:5 ပူးပေါင်းရင်းမြစ်များ

Wundeegwaarak 19:15

“Ko'lukwak ti paga ambi eerigin me, kinakuwi ambi piginaka'lek we mondok pipuk aago mban logomunggup o,” yinuk, yoragagerak.

Wundeegwaarak 21:10

Ti'nuk, apuluk nogo kwe alik ambi wagangge kenok, akwe aa'nduk kolamenggerak nogo mbo puurak mage o. Ata, ambi noorak inom, ayum inom, wogoge logonet, imbirak nogo yege logowak o.

Yowen 2:16

Aakumi yi abok aret kuwak eerogo piigwi, Kuwak eeppiinok, Ala inikilom mbaruwak nduk nggomoorogo piigwi, It aap inoweewi inom, elege mbuulogwe inom, elege ngget ndarak awo inelak nunggwi inom, abok aret kuwak eerogo piigwi, Eeko logonip o. It aap tawe inakuwi inom lambumbiyoorak nogo inago ogoorak me nen wundi wogwe, It komologwe tawe aap inom lambumbiyoorak nogo inago ogoorak me nen wundi wogwe, Eeruwak o.

Matiyut 17:21

Kugi togop ti, we nggiginogo wumbiigulik o. Ata, kinambe mage negen logonet, tamban mban eekwi kiinok ti, nggiginogo wumbiyoorak op aret me, nduk yokkiragi o,” yinuk, yoragagerak.)

Matiyut 19:11

Yogo mbareegwa, at Yetut nen, “Aakumi abok aret wone yi waagun lek o. Ata, Ala nen, Woorak, kooneegerak mban aret waagun o.

Matiyut 4:10

Yoge mbareegi, Yetut nen at yoge logonet, “An kinogoba Ala mban nayuk wuko logonet, nalut eekwi, an ari neenok mban liippunuk, eerit nogwe, eeko logonip o, yinuk, Ala yereegerak liiru mbanak wonage me, kat Ibilit yi, nak o.”

1 Korindut 7:4

At kwe eebe ti, at alik unde lek at ogonggelo unde aret wonage, ndi, aap ti, eebe at alik unde lek at akwe unde wonage, eekwi me, akwe nen eeriyak mbake kagak, ogonggelo nen at eebe ili yikkolage, ndi, ogonggelo nen eeriyak mbake kagak, akwe nen at eebe ili yikkolage, eeriyak mage o.

1 Tetalonika 3:5

Togop me, an ambinom puk logorak abu meek ee'nake mbareegi, at niniki nggagangge menggerak nogo nen kit kiniki nggaganiyak kagak nit aanom warogo wone yokkirogo nogogurak kero, niniki piirik logonet, kit kiniki abet mbakwi nogo nonggop wonogwe an neenu arikit nduk, aap Timotiyut kinake nappi wagagirak nogo o.