1 Korindut 7:39 - Ala Wone Peenok Peebi Mbanak

³⁹ Kwe ogonggelo awo eenik wonage kenok ti, wone yugu paga imbirak lambunik wonage kwe, ogonggelo kangge kenok perak, nanu pemenggerak wondet aago wonage me, kwe nogo nen, “Aap alik kolaakit,” mbake kenok ti, koloorak op aret kwe, kolage logonet, Ala aput kenok mban kolage logowak o.

1 Korindut 7:39 ပူးပေါင်းရင်းမြစ်များ

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

Maleyaki 2:11

It Yekura mendek inom eeko logorak koonogo pereegwaarak nogo, lalenogo pugwi, it Iterali menggam inom, o kota Yerutalem inom, maluk inamineeri ne agan noorak nogo mendek eereegwaarak nogo ti, it Yekura mendek nen inogoba Ala lek aakumi inambik inagugi eeko menggaarak mendek inapuri komologwe wogonabeegwaarak paga at Aliku ALA awi wurik alik leenak iniki kunik nogo, enete maluk eerogo pugwi, eereegwaarak ti aret.

1 Korindut 7:10

Ndi, kit kinakuwi warak nogo perak, ambi yokkira o. “Kit aap nen kinakuwi mbo piyoorak ti mage o. Ndi, kit kumi kunduk, kinogonggelomini mbo piinok, mbaganiyak ti mage mban. Kit kumi nen kinogonggelomini mbo piinok, mbaganggwi kiinok ti, tawe aret logorak ilik, kiniyokan kinogonggelomini iya woroorak a, ti op aret kwe, aap alik koloorak ti perak, mondok lek o,” yinuk, yokkirage ti, an nen lek o. Ata, ninowe nen yo'nege kenok wone lengganogo yokkiragi o.

1 Korindut 7:15

Ndi, at ambi iniki abet mbaka'lek nogo nen, ore iniki abet mbareegerak nogo mbo puurak mbake kenok ti, iniki abet mbaka'lek nen, “Mbo pikit,” koonggerak me, obaalombok koonuwak nduk mbo pinip o. Ndi, kwe ilik, aap a, mbo pugu nogo ti, Ala nen iniki ambit ale'nggen paga lambunik logorak mbareegerak kwe, lambunik logorak meek kenok, inalitak logorak op aret o.

1 Korindut 7:38

Togop me, at aap akwe koloorak mbake nogo ti, maluk lek op aret kwe, tawe logorak mbake kenok ti perak, abu obeelom aret o.