1 Korindut 7:38 - Ala Wone Peenok Peebi Mbanak

³⁸ Togop me, at aap akwe koloorak mbake nogo ti, maluk lek op aret kwe, tawe logorak mbake kenok ti perak, abu obeelom aret o.

1 Korindut 7:38 ပူးပေါင်းရင်းမြစ်များ

Matiyut 5:32

an nen perak, Aap ambi akwe aap alik nen wuka'lek kagak mbo pege kenok, kwe nogo aap alik ambi nen kundugume wuruwak nduk eeppege me, maluk eeke ti aret o. Ndi, aap ambi nen kwe mbo pegetak nogo wagangge kenok ti, kwe kundugume kagak aret wagangge me, maluk eeke ti aret o,” yinuk, yoragagerak.

1 Korindut 7:26

O yogondak aaninggin-paaninggin alik negen ninoba wonage me, an niniki nen, “Kit yogondak nonggop wonogwe nogo ti, togop aret logorak,” mbakirak o.

1 Korindut 7:37

aap alik ambi nen yiindi pege nagaatik, iniki mondok nu'lek logonet, aganggen eeke nogo tebenogo punuk, at iniki nen, “Nakwe mbet-mbet lambumbaniyak lek o,” yinuk, mbake kenok, ti kunduk op mban aret o.

1 Korindut 7:39

Kwe ogonggelo awo eenik wonage kenok ti, wone yugu paga imbirak lambunik wonage kwe, ogonggelo kangge kenok perak, nanu pemenggerak wondet aago wonage me, kwe nogo nen, “Aap alik kolaakit,” mbake kenok ti, koloorak op aret kwe, kolage logonet, Ala aput kenok mban kolage logowak o.

1 Korindut 7:8

It kumi tawe aap tawe inoreewi kolaga'lek inom, kumi togwe inom, nogo yorage logonet, “An wonage minggirak pogom kit ndak-ndak logorak ti op aret o,” yinuk, yorage minggirak kwe,

Iberani 13:4

It aap kumi kundugume wurinabit nugwi, komologwe tawe ugun wurinabit nugwi, eekwi iinok, Ala nen inowak loonogo maluk onggo wogoraagin me, aap ambi akwe koloorak nduk, lambumbiigwi nogo ti, abu obeelom aret me, tiyappuurak aret o. Ndi, kolage logomenggerik, imbirak nogo yuurak ti kunduk, abu obeelom mban aret me, nogo yugu menggam maluk age kero, arum liirogon logowak o.