1 Korindut 7:34 - Ala Wone Peenok Peebi Mbanak

³⁴ “Ambi yi, eeppi ilik, ambi ti, eeppi a?” yinuk, iniki koonit nage menggerak. Ndi, at kolaga ogonggelo lek tawe wonage kenok perak, “Niniki inom, neebe inom, maluk eeka'lek mondok ninowe ake leenak logokit nduk, ninowe obaalombok mban eerit nage logokit,” mba'nuk, eerit nage menggerak kwe, at kwe ogonggelo warak nogo nen perak, ogonggelo iniki ale'nggen mbaruwak nduk, yi mendek ndi mendek nggween paga eeriyak mendek nogo mban iniki koonit nage menggerak o.

1 Korindut 7:34 ပူးပေါင်းရင်းမြစ်များ

Yaya 10:13

It aap ndomba liirogon piirogo wonogwe lek we, Onggo kolaawok, mba'nuk, piirogo menggaarak me, mba'ngge wage kenok, ndomba mbo piinok, mbaganggo menggaarak.

Oroma 6:13

Ndi, “Maluk eeriyak ee'ninake nogo, nineenggi-niniyok paga eeriyak op aret o,” yinuk, wondet agago mbo pugup o. Ata, aakumi kanggaatak ineenik agago mippiigo mengga kwak, kit togop aret ogogutak me, obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

1 Korindut 7:33

at aap akwe warak nogo nen perak, “Nonggop togon nakwe iniki ale'nggen eeppumun?” yinuk, wone nggween paga wone mban mugurok nage logonet,

1 Korindut 7:35

An wone yokkirage yi, kit nen eeriyak mage me nduk, yokkirage ti lek o. Ata, kineebe obeelom logobagip nduk, yokkiragi o. Kit obeelom mban eerit nogo logonet, ninowe alik kinengga lolo agago punuk, mugurok nogo logobagip nduk, yokkiragi o.

2 Korindut 11:28

Ti we nagabolo paga mban ee'nabeegerak me, yagi o. Ndi, niniki nen perak, Ala apuri yi awi ndi awi kuwak eekwi nogo abok aret ko'lu-kii'me inoba aberit nage minggirak ti inom aaninggin mban aret o.

2 Korindut 8:16

Nit nen kinoba aberak me, yeenggwaagiroorak mbako monggoorak nogo kokwak, aap Titut togop aret yeenggwaagirage logowak nduk, Ala nen iniki koonggerak me, “Ala wa,” yoge minggirak.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

1 Timotiyut 3:5

Aap ambi nen at apuri lombok liirogon kooninake logorak kobak menggerak kenok, Ala apuri ti, nonggop togon kooninake logogin mbakop?

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

Titut 3:8

An wone yokkigi ti, abet aret o. It aakumi iniki Ala oba panggombunuk, abet mbakwi nogo iniki liippunuk, obeelom mban eeko logowak nduk, an yokkigirak ti, kulinik-kalinik koone omaawi paga yorage logot o. “Wone yi, obeelom aret o,” yinuk, waganggwi paga obeelom ambi eekkoloorak aret me, yorage logot o.