1 Korindut 7:32 - Ala Wone Peenok Peebi Mbanak

³² Ti yokkiragarak paga kit kiniki piirik wonogwe kiyo, ambinom yokkira. Aap ambi akwe lek kenok, at iniki mbake logonet, “Nowe iniki ale'nggen nombaruwak nduk, at obaalombok mban eeke logokit,” mba'nuk, eerit nage menggerak kwe,

1 Korindut 7:32 ပူးပေါင်းရင်းမြစ်များ

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Marakut 4:19

nggween paga mendek mban iniki aberit nugwi, inamendek lek ariyak kagak inikilom mbarit nugwi, yi mendek ndi mendek iniki uugwe mbarit nugwi, ti eerit nugwi paga nen, Ala wone waganeegwaarak nogo mbanogo wuppugwi me, anggen yega'lek nogo pogom aret menggaarak o.

Yaya 10:13

It aap ndomba liirogon piirogo wonogwe lek we, Onggo kolaawok, mba'nuk, piirogo menggaarak me, mba'ngge wage kenok, ndomba mbo piinok, mbaganggo menggaarak.

1 Korindut 7:33

at aap akwe warak nogo nen perak, “Nonggop togon nakwe iniki ale'nggen eeppumun?” yinuk, wone nggween paga wone mban mugurok nage logonet,

Pilipi 4:6

Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.