1 Korindut 7:26 - Ala Wone Peenok Peebi Mbanak

²⁶ O yogondak aaninggin-paaninggin alik negen ninoba wonage me, an niniki nen, “Kit yogondak nonggop wonogwe nogo ti, togop aret logorak,” mbakirak o.

1 Korindut 7:26 ပူးပေါင်းရင်းမြစ်များ

Matiyut 24:19

O ti eyom paga it kumi inabila inom, inaagalogwe awo inelak kuninakwi inom, ti perak, inabuwa o.

Lukat 21:23

Ti eyom paga Ala nen o nggween paga yime aaninggin-paaninggin abu alik lombok eeppege logonet, it aakumi yi, anini eeppiyaagin me, kumi inabila wonogwe inom, inaagalogwe inelak kuninakwi inom, inabuwa o.

1 Korindut 7:1

Kit liiru mbanogo nappani wogogutak nogo, yogondak an wone onggo ambi yokkira o. Aap nen kwe kolaga'lek we logorak ti op aret kwe,

1 Korindut 7:27

Kinakuwi warak kenok, mbo piyoorak mbarugup o. Ndi, awo wagangga'lek wonogwe kenok, koloorak kiniki koonggo logogup o, yinuk, yokkirage kwe,

1 Korindut 7:28

kit ando kumi wogonakwi kenok ti, maluk lek o. Ndi, kit tawe nen kinogonggelomini kologwe kenok ti kunduk, maluk lek mban kwe, kinoreewi wogonako logomonggotik, kinom logonet, aaninggin-paaninggin kinoba agago pakwi kiyo nduk, yokkiragi o.

1 Korindut 7:8

It kumi tawe aap tawe inoreewi kolaga'lek inom, kumi togwe inom, nogo yorage logonet, “An wonage minggirak pogom kit ndak-ndak logorak ti op aret o,” yinuk, yorage minggirak kwe,

2 Tetalonika 2:2

Ninoreewi o. It aakumi nen, “Ninowe woroorak eyom abu panggoni wagaarak o,” agan wogo logonet, at ambi nen, “Ala nen wone yo'nege kenok, yokkiragi o,” ari, ndi, ambi nen, “Lek o. Pawulut nen liiru mbaneegerak me, yokkira o,” yinuk, ari, agan wogwe iinok, kinagabiti nen kiniki ma'nogwe kiyo nduk, yokkirogo o.

1 Peterut 4:17

At Ala nen ari logonet, “It aakumi iniki abe koonak nogo aaninggin eeppiinet unggwogwe iigak inagap ndarigin me, It an noone konengga'lek maluk mban eerit nogwe nogo perak, nonggop togon eeppiyaagin mbakop?” yinuk, yereegerak ndak-ndak, at Ala nen nit yi aap ndi aap abok aret ninawone mbanogo ninowak loonninaburak eyom abu panggo yi wagaarak me, nit Ala apuri aa'nduk ninawone mbambunuk, at oone yugu ndak-ndak eeka'lek logomonggoorak kenok, onggo eeppinanigin me, it Ala wone obeelom wone nogo mondok wagangga'lek iinok ti, inawone mbangga'lek teppiyaagin mbakop? Lek o. Inawone abu mbanogo punuk, mondok alik negen eeppiyaagin o.