1 Korindut 7:18 - Ala Wone Peenok Peebi Mbanak

¹⁸ At Ala nen kit kinagabolo mbanak kagak wiigiragagerak kenok, kinagabolo mbanak aret logonip. Ndi, kinagabolo mbanak lek kagak wiigiragagerak kenok, kinagabolo mbanak lek aret logonip.

1 Korindut 7:18 ပူးပေါင်းရင်းမြစ်များ

Nappiigak 15:19

Liiru togop mbaneegwaarak me, it endekem mendek iniki koombunuk Ala wone waganggwi nogo, iniki aaninggin ariyak mendek eerogo piyoorak lek o.

Nappiigak 15:24

It ando ninom monggoorak nogo, nit nen nappiya woroolik kagak, kinowagam wogo nagaarik, Yogop ee'nip o, yinuk, yokkiragaarak nogo paga, kiniki taganogo pinagago mbaka, kiniki piirik wonogwe nogo, ninaruk konenggoorak o.

Nappiigak 15:28

Aberiniki ninom nen kit eeko logorak mbakoorak nogo ti, aaninggin mendek ambinom kinoba luurogo pinagaga'lek, we, eeriyak mendek kenok mban eeko logorak mbakoorak nogo yi aret o.

Nappiigak 15:5

Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, “Lek o. It endekem mendek kunduk, inagabolo mbanogo punuk, Ala wone yugu Muta liiru mbaneegerak nogo eeko logowak nduk yoroorak aret o,” yinuk, yorogogwaarak.

Nappiigak 21:21

It aakumi nen, Lek o! At Pawulut nen, it Yakuri mendek kumi-aap endekem mendek inenggela'me menggaarak nogo mamunirage logonet, At Muta nen yereegerak wone nogo mbo pinip o, ari logonet, Kit kinapuri inagabolo mbanggwi, it aap Yakuri eeko menggaarak nogo eekwi, eerugup, yorage menggerak o, yinuk, yoranet nugwi nogo inaruk konenggaarak o.

Kolote 3:11

Nit niniki ngget ogobakkigirogo pinanemenggerak nogo paga eerit nogo logonet, “Yi Yakuri mendek yi Yunani mendek, yi inagabolo mbanak yi inagabolo mbanak lek, yi aap ineenggo'lek mendek yi aakumi nengga mendek, yi aap inayeloman aago mendek yi aap inayeloman aago lek mendek,” yinuk, togop agan nogo logorak lek o. Ata, at yi o ndi o abok aret endak warak menggerak Keritut nogo, nit abok ninowe aret me, at mban tiyappogo logowok o.