1 Korindut 7:10 - Ala Wone Peenok Peebi Mbanak

^10-11 Ndi, kit kinakuwi warak nogo perak, ambi yokkira o. “Kit aap nen kinakuwi mbo piyoorak ti mage o. Ndi, kit kumi kunduk, kinogonggelomini mbo piinok, mbaganiyak ti mage mban. Kit kumi nen kinogonggelomini mbo piinok, mbaganggwi kiinok ti, tawe aret logorak ilik, kiniyokan kinogonggelomini iya woroorak a, ti op aret kwe, aap alik koloorak ti perak, mondok lek o,” yinuk, yokkirage ti, an nen lek o. Ata, ninowe nen yo'nege kenok wone lengganogo yokkiragi o.

1 Korindut 7:10 ပူးပေါင်းရင်းမြစ်များ

Yeremiya 3:20

It Iterali paga wiganak ti, Kwe ambi ogonggelo mbo punuk ugun-ugun eerit nage menggi kwak, an mbo paninuk ugun-ugun eerit nogwe iigi o,” yinuk, yegerak me, yokkiragi o.

Matiyut 5:32

an nen perak, Aap ambi akwe aap alik nen wuka'lek kagak mbo pege kenok, kwe nogo aap alik ambi nen kundugume wuruwak nduk eeppege me, maluk eeke ti aret o. Ndi, aap ambi nen kwe mbo pegetak nogo wagangge kenok ti, kwe kundugume kagak aret wagangge me, maluk eeke ti aret o,” yinuk, yoragagerak.

Marakut 10:2

Mamunirage me, it Pariti mendek ando at owagam wogo nogogwaarik, abut mbanuwok nduk yogo logonet, “Aap nen inakuwi mbo piyoorak op o, yinuk, Ala yereegerak Muta nen liiru mbaneegerak ambi wonage ilik, lek a?”

Lukat 16:18

Aap ambi akwe mbo punuk, alik ambi wagangge kenok ti, mbabi aret eeke o. Ndi, aap ambi kwe mbo pugu nogo wagangge kenok, at kunduk, mbabi aret eeke o,” yinuk, yoragagerak.

1 Korindut 7:12

Ndi, ando yi yokkirage nogo ti, ninowe nen lek o. Ata, an nen aret yokkira. Kit aap Ala apuri ambi nen akwe iniki abet mbaka'lek mendek kolegerak imbirak wonage logonet, kwe nogo nen, “Nogonggelo nimbirak logorak obeelom,” mbake kagak, aap nogo nen, “Nakwe yi neebi o,” yinuk, mbo puurak ti mage.

1 Korindut 7:15

Ndi, at ambi iniki abet mbaka'lek nogo nen, ore iniki abet mbareegerak nogo mbo puurak mbake kenok ti, iniki abet mbaka'lek nen, “Mbo pikit,” koonggerak me, obaalombok koonuwak nduk mbo pinip o. Ndi, kwe ilik, aap a, mbo pugu nogo ti, Ala nen iniki ambit ale'nggen paga lambunik logorak mbareegerak kwe, lambunik logorak meek kenok, inalitak logorak op aret o.

1 Korindut 7:25

Kit komologwe tawe eeko logorak Ala nen wone ambi lengganogo yo'nirulik kwe, it aakumi Ala nen inabuwa mbake menggerak me, “Ninoone abet mban yogo logowok o,” yinuk, mbakwi nogo ndak-ndak an kunduk togop logonet, niniki mbakirak nogo ambi yokkira o.

1 Korindut 7:40

Aap kolaga'lek we logorak mbake kenok perak, iniki ale'nggen ambik kage logogin mbake agarik o. An mbake logonet, yokkiragarak ti, Ala Aberiniki nen yo'nege kagak yokkirage mbake agarik o.

1 Korindut 7:6

An wone yokkiragarak ti, noone omaawi paga lengganogo yokkirage lek o. Ata, “Togop eeriyak op ilik?” yinuk, yokkiragi o.