1 Korindut 6:11 - Ala Wone Peenok Peebi Mbanak

¹¹ Kit maan nen aap togop aret wonogogutak kwe, ninowe Yetut Keritut eereegerak paga ninogoba Ala Aberiniki nogo nen kinomaluk koorogo pinagage, Ala ake leenogo pinagage, ndi, “Aap yi, oba lek o,” yinuk, kiniki obeelom agago pinagage, eereegerak o.

1 Korindut 6:11 ပူးပေါင်းရင်းမြစ်များ

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

1 Korindut 1:2

kit Ala apuri o Korindut kuwak eeko monggotak nogo, wone ambi yokkiraawi o. Kit Ala apuri logobagip nduk, kinayonggo pinaganuk, Keritut Yetut kinom kunik logobagip nduk, eerogo pinagage nagagerik, leenogo pinagareegerak inom, it yi awi ndi awi, “Ninowe Yetut Keritut aret o,” yinuk, yogo menggaarak inom, kit abok aret wone yokkirogo o. Yetut Keritut ti, nit inom, it inom, abok ninowe aret me,

Nappiigak 22:16

Ndi, yogondak komaluk nogo kogoba kookkabuwak nduk, mbet-mbet yoru o. Yiime wuppagawam, kiniki yungguppegak eerugun o, yinuk, yo'nereegerak o,” yoragagerak.

Oroma 8:30

Nit nda'naga'lek niigak mii'ninake nagagerik, leenogo pinaneegerak nogo aret ninayonggo pereegerak. Ndi, ninayonggo pereegerak nogo aret obeelom agago pinaneegerak. Ndi, obeelom agago pinaneegerak nogo aret at ninom tiyappinaneegerak.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Epetut 5:26

Nit Ala apuri yi awi ndi awi monggoorak ninake kambeegerak nogo ti, “An napuri inoba mili lenggenak yinik-pinik aago ineebe yinuk-punuk eerak iigak koloorak neebi o. Ata, ineebe kikak naka'lek mondok alik leenak abe kigirikwe lombok iinok kolaakit o,” yinuk, ngguu'mo wappiigo mengga kwak, at oone waganggwi paga ninomaluk lek eerogo pinanege logomenggerik, Ala ake leenak logowok nduk, ninabuwa mbake logonet, ninake kambeegerak o.

Epetut 5:8

Kit aa'nduk o apit paga nogo nogogutak kwe, yogondak kinowe nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Oroma 8:33

Nit mii'ninabeegerak Ala nogo nen, “Kit maluk lek aret o,” yinuk, yo'nirage me, ta nen, “Kit maluk o,” yinuk, yo'nirage kero nduk, yogo ogotik?

Oroma 5:1

Togop me, yogondak niniki at oba panggombunuk abet mbakwi paga at Ala nen, “Aap yi, oba lek o,” yinuk, obeelom agago pinaneegerak me, ninowe Yetut Keritut eereegerak paga ninikiigun tayenak Ala ninom kunik aret ogoorik o.

2 Tetalonika 2:13

Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

Nappiigak 13:39

Ala yereegerak Muta nen liiru mbaneegerak eerit nogo logonet, maluk eekwi nogo, Kinoba lek o, yinuk, obeelom agago pinagarak meek aret kwe, kiniki Yetut oba panggombunuk abet mbakwi paga perak, Ala nen, Kit maluk eekwi nogo kinoba lek o, yinuk, obeelom agago pinagagin aret o, yinuk, yokkirage agarik o.

Nggalatiya 3:11

“It aap iniki abe koonak nogo perak, abet mbakwi ti paga, ineenik aret logogun o,” yinuk, yereegerak liiru mbanak ti paga, wone Muta yoreegerak ndak-ndak eekwi paga Ala nen, “Aap yi, oba lek o,” yinuk, obeelom eerogo piyaagin lek nineenu aret o.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,

Nggalatiya 2:16

Ala nen wone Muta yoreegerak nogo ndak-ndak eekwi niinok, “Aap yi, oba lek o,” yinuk, obeelom agago pinanigin lek o. Ata, Keritut Yetut abet mbakwi nogo paga, “Aap yi, oba lek o,” yinuk, obeelom eeppinanege menggerak nineenu me, nit togon Keritut Yetut abet mbareegurak o. Wone Muta yoreegerak nogo eekwi paga, “Aap yi, oba lek o,” yinuk, obeelom agago piyaagin lek me, nit Yakuri mendek kunduk, obeelom agago pinanuwak nduk, wone Muta yoreegerak nogo eekwi lek o. Nit togon, Keritut abet mbareegurak aret o.

1 Korindut 12:2

Kit aa'nduk, Ala wone konengga'lek wonogo logonet, kugiwak nebet-ndalok ariilik mendek kagak, “Ndogop yo'nirage kogo,” yinuk, mugurok nogo nogogutak nogo, kineenu aret o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Ndawi 51:7

Wumukot amburu paga noba koorogo panege keenok, Niniki abu koorak aret age, Ndi, yi paga koorogo panege keenok, Ndugu-ndugu kwak niniki yanggwi lombok age, Eeruwak nduk, eeppanu o.

Ndawi 51:2

Nomaluk abok aret koorogo panege, Maluk noba lenggennagaarak yi, mbeenogo panege, Eeru o.

Iberani 2:11

At Yetut nen ninomaluk lek eerogo punuk Ala ake leenogo pinanege menggerak nit inom, at leenogo pinanega inom, ninogoba Ala ambit aret me, ninowe Yetut nen, “Nawuri o,” yinuk, yo'niroorak agabiti mbaka'lek logonet,

Nggalatiya 3:24

Togop me, Keritut wage kenok, “Kit abet mbakwi paga, kinoba lek o, yinuk, obeelom agago pinagarak,” yo'niraawak nduk, wone Muta yoreegerak nogo nen we luulu aret ninarum wonagagerak kwe,

Oroma 5:9

Ndi, yogondak at amiya paga Ala nen, “Aap yi, oba lek o,” yinuk, obeelom agago pinaneegerak me, “Peebi Ala nen ninagap ndarigin lek, anini eeppinanigin o,” yinuk, yogo ogotik? Mondok lek o. Ninagap ndarigin aret mbako logowok o.

Oroma 3:24

Ndak-ndak aga'lek aret wonogwe kwe, at Yetut Keritut nen ninonggo mbambunuk piinogo pinaneegerak nogo paga Ala nen, “Aap yi, oba lek o,” yinuk, ninabuwa nen onggo lek we aret obeelom agago pinaneegerak wonogo ogoorik o.

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Yetaya 45:25

It Iterali paga wiganak nogo perak, abok aret Aliku ALA nen, “Aakumi yi iniki abe koonak aret o,” yinuk, eeppiige paga at endage tiyappogo logogun o.

1 Peterut 3:21

Ndi, it ineebe 8 niyo ndonggoninake kero, niyo nen wogoren laganeegerak paga inagap ndareegerak nogo ndak-ndak, nit yogondak niyome wuppinanugwi paga ninagap ndake ti, we ninagabolo mili kenok, koo'ninabuwak nduk, eekwi lek o. Ata, nit nen Ala yogo logonet, “An pilit lek, abet aret yiluk-maluk mbo pigirak me, kat kabu'me logokit o,” yinuk, Ala enggaanom paganggwi niinok, niyome aret wuppinanugwi, ndi, at Yetut Keritut eenik eerogo mippereegerak paga ninagap ndake menggerak ndak-ndak, niyome nen pilanogo mippinanugwi, eeko menggaarak o.

1 Peterut 1:22

“Iri'ngga-kale'ngga ero kwit agan lagangge nagaatik, ti'nuk, mbuk age, Ndi, iri'ngga anggen laambu yege kenok, aakumi nen, Wi! egaatak kwe, ne ambit liingge mono-mono wangge, Eeke menggerak nogo ti, Nit aakumi nineebe ti kwak aret kwe, Ala wone ti perak, mondok itok aret menggerak o,” yinuk, yereegerak liiru mbanak ndak-ndak, Ala wone lek ageelik mondok itok menggerak nogo aakumi waganggwi iinok, ineenik eeginake menggerak obeelom wone nogo aret yokkirogogwaarak waganggo mbareegup, mondok kineenik logobagip nduk, kiniki ngget ndakkinabeegerak nogo ti, aakumi inapuri ndaganakaatak kambit nogwe nogo pogom lek o. Ata, at mondok eenik menggerak Ala nen aret ndakkinabeegerak me, kit Ala ari menggerak wone konembunuk, “Ndak-ndak eeko logowok o,” yinuk, eerit nogo logonet, maluk kinikime wonage nogo mbo pereegutak me, yogondak kiniki laakot paga kinoreewi Ala apuri kinom kunik aganako logogup o. Ata, kiniki abe paga aret kinoreewi kinom niniki-kiniki kunik eeko logonip o.

Nggalatiya 3:8

Obeelom wone awo kenom ari waga'lek kagak, at Ala nen, “Yi aakumi ndi aakumi o nggween paga yime abok aret kat paga inale'nggen kogo logogun o,” yinuk, Abarakam yoreegerak ti paga it aap Ala nen yorage kagak yoraga nen, “Aakumi endekem mendek abet mbakwi iinok, Ala nen, It yi, inoba lek o, yinuk, obeelom agago piyaagin,” yelok kaawak nduk, Abarakam yoreegerak me, yelok kogo nogogwaarik, liiru mbaneegwaarak.

Oroma 4:5

Kit nen, “Ala nen obeelom agago panuwak nduk, nonggop eeri?” mbaka'lek logonet, it maluk eekwi obeelom agago piige menggerak Ala nogo, kiniki oba panggombunuk abet mbakwi kiinok, kit abet mbakwi ti paga Ala nen, “Kit obeelom aret kiigi o,” yinuk, yokkiraagin o.

Yetaya 1:16

It ineenggi kookwi, Inalitak lombok inoba mbeenogo pakwi, Nenegen neegak, maluk eeriyak eeginake nogo mbo pugwi, Maluk eekwi nogo yogondak aret puk ogwe, Eeruwak o.

Kini Wuppiige 30:12

It aap ando inapuri nen, “Nit abu kikak naka'lek aret wonogwe,” mbakwi kwe, maluk inoba lenggenak kagak yogwe,

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yaya 13:10

Yoge mbareegi, at Yetut nen, “Aap ambit ambi ngguu'mo warak wonage kenok, at eebe abok aret koorak wonage me, ambinom ngguu'mo wappuurak lek o. Ata, iyok mban kooriyak perak op o. Kit yi, abok koorak wonogwe kwe, aap ambiriluk perak, koorak lek wonage kagi o,” yinuk, yoragagerak.

Ala Unde 8:6

yorage nagagerik, Karun apuri inom woraawak nduk, wiiragagerak owagam wogo mbareegwa, niyo paga inabin koorinake nagagerik,

Yaya 13:8

Yoge mbareegi, at Peterut nen, “Kat nen an niyok koo'naburak mondok lek o.” Yoge mbareegi, at Yetut nen, “An kiyok kookkaburak lek kenok, kat an noone waganggwi nogo mendek logorak lek aret o.”

Iberani 10:29

Togop aret eeko menggaarak me, nit Ala wone koonogo yo'niragagerak nogo, abet mbako logonet, at apuri inomaluk lek eerogo punuk, ake leenak logowak nduk, amiya wundeegerak nogo, aap ambi nen, “Wone ti, abe lek o,” yinuk, Ala aput iyok kenden aambele eerogo negen pege, ndi, at iniki kunik en obeelom eeppinanege menggerak Aberiniki nogo inom miyuk-meya eerogo pege, eeke kenok, at teppigin mbakop? Mondok lek o. Ala nen maluk onggo mondok alik negen at oba kwippege kaamunggup o.

1 Yaya 2:12

Napuri niniki kunik yi wae. At Keritut eereegerak nogo paga Ala nen kinomaluk lek eerogo pinagareegerak me, Kinake liiru yi, mbanggirage,

Ala Unde 14:48

Ndi, yugum nenenogo nappugu obaane'me mbenenogo pemenggaarak nogo aap an neebe unde nogo pekka nage logomenggerik, anggira o nogo paga ndoonogo pit naga'lek kage kenok perak, Anggira ndoonak lek aret me, o yi abu obeelom aret agaarak o, yinuk, yoruwak o.

Matiyut 20:4

Wologwe. Kit kunduk, an neyabu eekwi me, kinom eeri nanip o. Eeri nogwe kiinok, onggo ti, eerumonggotak pekkagak ndak-ndak aret wokkiraagin o, yorage mbareegi, nogogwaarak.

Yaya 5:4

Ne ambi paga Ala yonggo nappiya wage menggerak malayikat ambi nen niyo Mbetetera yenggenak nogome wambi woraanuk, niyo abolok eeke kenok, aap andi ambi aa'nduk niyome unggwage kenok, at andi nogo lek aret age nagagerak.)