1 Korindut 5:8 - Ala Wone Peenok Peebi Mbanak

⁸ Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.

1 Korindut 5:8 ပူးပေါင်းရင်းမြစ်များ

Ndawi 32:2

It aap inomaluk mbo pereegwaarak nogo Aliku ALA nen eenggi lingginggeelik kenok, Iniki mbere lek ambit eeppunuk wonogwe iige kenok, Inale'nggen aret mbako logowak o.

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 12:19

Oroti piiruwak nduk, pugwi ragi nogo ti, ne aa'nduk nen nok ne 7 kuli ti paga iname porogo logorak mondok mage o. Aap ambit-ambi aworak a, nggiru a, oroti piiruwak nduk, ragi nogo yi mendek ndi mendek inom punuk, worarogo nengge kenok, it Iterali inenggela'me nen aap ti enggaawak lek eerogo pogo logowak o.

Wundeegwaarak 12:8

oonikiya ti paga aret enggaanggum kani paga worarogo nonggo logonet, mbiingga ale mendek inom, oroti piiruwak nduk ragi pega'lek kagak worarak mendek inom, nonggo logowak o.

Wundeegwaarak 13:6

oroti piiruwak nduk, ragi pega'lek kagak larogo nenet nogwe kiigak, ne aa'nduk nen nok

Wundeegwaarak 13:7

aret ari nagin me, irip paga ti, Aliku ALA alut eeko logonet, kinale'nggen paga laago nggwok lako logomunggup o. 7 Oroti piiruwak nduk ragi pega'lek nenet nogwe kiigak, ne 7 eeriyak me, oroti piiruwak nduk, ragi pogo menggaarak nogo mendek kineenggime inom, kiname inom, porogo logubok o.

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yetaya 30:29

Ndi, inale'nggen eeko logorak ne leenak nogo paga oonikiya inale'nggen logonet, eeko mengga kwak, Kit perak, kinale'nggen nen ndawi wakwi, It aakumi inale'nggen nen mbuti luu'ngget oone eerit Aliku ALA abuut paga laganggwi, Yugum Lunik kwak Iterali inogoba nogo alut eerit laganggwi, Eeko mengga kwak, Kit togop aret kinale'nggen mbakwi, Eeko logomunggup o.

Ala Unde 23:6

Ndi, lako logomenggaarik, ko'lu tanggal 15 paga ti, Naliku ALA noba abeppunuk nalut eeko logonet, laago Oroti Piika'lek Mendek nawak nduk, ragi oroti inom pega'lek kagak worarogo nenet nogwe iigak, ne 7 aret ari nawak o.

Matiyut 16:12

Yoragagerak ti paga it nen, “At Yetut ari ti, roti piiruwak nduk pogo menggaarak nogo mendek kenok, yo'nirage lek o. Ata, it aap Pariti aap Taruki inom nen inoone mamunirogo menggaarak nogo waganggwi niyo, niniki tum wako logowok nduk, yo'nirage kogo o,” yinuk, mbareegwaarak.

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

Marakut 8:15

Yetut nen, “It aap Pariti mendek inom, at Keroret inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.

Lukat 12:1

Wone ti yorage wonage kagak, it aakumi ineenggi lingginiyak abu meek ribu-ribu aret kuwak eeppunuk, inobogom nen taga'mbit eerogo piigwi iigak, at Yetut nen at oone waganggwi mendek inaa'nduk yorage logonet, “It aap Pariti nogo nen iniki laakot logonet, yokkirogo menggaarak me, roti piike menggi kwak inoone agan nugwi nogo waganggwi kiyo, tum wakkologo logonip o.

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

1 Korindut 5:1

Noreewi o. Kit kinenggela'me time kumi ugun eeginabit nogwe konenggirak me, ambi yokkira o. Aap ambi nen at ogoba akwe kagak, “Ndinggerak,” konengge nagarik, yokkiragi. Wologo wae. It aakumi Ala wone konenggulik mendek nen kit eekotak ti, it ndak-ndak abu eekulik kagak, eekotak o.

1 Korindut 5:6

Kit wogoppakwi ti, maluk aret o. Roti piike menggerak mendek mbuuluk roti enggela'me pugwi iinok, roti eebe abok aret piike menggerak nogo kineenggo'lek ya?

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 2:17

It ando nen Ala wone yorogwe paga, “Ambi kolaawok o,” yinuk, yokkirogo menggaarak kwe, nit perak, togop lek o. Yokkiraawok nduk, Ala nen nappinani wagagerak me, at enegen kagak Keritut ayeloman logonet, we ale'nggen paga aret yokkirogo monggoorak.

2 Korindut 8:8

An wone yokkiragi yi nogo ti, noone omaawi paga yokkirage lek o. Ata, it ando an noone konembunuk, iniki aganggen kerek togon eekaarak nogo ndak-ndak, kit an noone konembunuk, “Ndak-ndak eerumonggotak paga kiniki kunik ee'nakwi kiyaamun ilik?” yinuk, yokkiragi o.

Epetut 6:24

Ninowe Yetut Keritut kit kiniki kunik eekwi nogo, lek aga'lek mondok kundugu wonogwe kiinok, kinabuwa mbake logonet, kinarum logogin o. An Pawulut nen abu aret yokkiragi o. Noreewi wa!

Pelaareegerak 16:16

Kit Iterali kinenggela'me aap mban abok aret tahun ambit eerak ne kenagan, ambi laago Oroti Piika'lek kagak lakwi paga inom, ambi laago Anggen Mbanak Kuwak Eekwi paga inom, ambi laago Ooliya Wureegwaarak aberogo lakwi inom, at Aliku kinogoba Ala leenogo pemenggim enggaanom paga woraawak o. Ndi, wogo logonet, ineenggime lek we wogo logorak mage o.

Pelaareegerak 16:3

Laago ti lako logonet, yi mendek ndi mendek piika ragi nogo inom punuk, worarogo nunggo logorak mage o. Kit aaninggin-paaninggin kinoba wonage kagak, o Metit nen mbet-mbet aret wundi wogogutak nogo, kit kangga'lek kineenik awo wonogo logonet, aberak logomunggup nduk, laago endage Obagambo Nagagerak lako logonet, oroti piika ragi nogo oroti inom pega'lek mendek worarogo nenet nogwe kiigak, ne 1 nen 7 aret ari nawak o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.