1 Korindut 5:7 - Ala Wone Peenok Peebi Mbanak

⁷ Kit time apit eeka'lek neenu aret kwe, roti piiruwak nduk enggela'me pega'lek kwak logobagip nduk, roti piike menggerak mendek kinengge-la'me wonage ti, mbo pinip o. Laago Obaga Nagagerak ndomba ninake wariyak Keritut nogo ti, muk wareegwaarak me, nit laago noorak abu pipuk eerak wonage o.

1 Korindut 5:7 ပူးပေါင်းရင်းမြစ်များ

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Matiyut 13:33

Yorage nagagerik, wone ambi eegu laarogo yorage logonet, “At mbogut paga abu'me piyoorak nogo ti, roti piike menggerak nogo pogom aret me, kwe ambi nen roti piike menggerak nogo waganogo gandum anggen yigirik ambik pugume kilirogo wuppunuk, inom nombongge kenok, abok aret piike menggerak o,” yoragagerak.

Marakut 14:12

Laago Roti Piika'lek Mendek lappunuk, ne aa'nduk nonggo logonet, laago Obaga Mbo Nagagerak lariyak ndomba wako nogogwaarak me, at Yetut oone waganggwi nogo nen at yogo logonet, “Yetut wae. Kabugo laago Obaga Mbo Nagagerak noorak nggeeme pipuk eerogo pagagwi a nawi o?”

Yaya 1:29

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

Yaya 1:36

Yetut nage enegen kage nagagerik, “Wologo wae! Ala andomba nage ti, kaanip o.”

Yaya 19:14

Kwi'nagagerak nogo ti, laago Obaga Mbo Nagagerak pipuk eekwi iigak, o kuubondendok oonegen 6 paga aret kwi'nagagerak. Kwi'nage nagagerik, Pilatut nen it aap Yakuri mendek yorage logonet, “Wologwe! Kinogoba endagembogut yi kaanip o.”

Oroma 3:25

Maan aa'nduk it aakumi maluk eekwi iigak, Ala iniki yanggonak logonet, maluk onggo eeppiiga'lek teppiyareegerak kwe, yogondak perak, maluk eekwi niinok, irip kunduk eeke menggerak nineenu aruwak nduk, it Yetut abet mbakwi iinok, at amiya wundemenggerak paga it maluk eekwi nogo, inomaluk lek eerogo piige, Ala iniki yanggo ari, eeruwak nduk, Ala nen, “Yetut waruwak o,” yinuk, punogo pereegerak o.

1 Korindut 10:17

Roti ambit worarak wonage, ndi, nineebe apit aret kwe, roti ambit worarak ti aret karerogo mak-mak nunggwi me, nineebe ambit lambunik aret ogoorik o.

Epetut 4:22

“Niniki nengge kenok mugurok nogo nogoorak nogo ti, maluk ee'ninaburak kagak mugurok nogo nogoorak kogo,” yinuk, mamunggologogutak me, kinobaabut maan mendek nogo, nggonenogo mbo punuk,

Wayu 5:12

“Ndomba Aagaluk wareegwaarak nogo, yi aakumi ndi aakumi abok at abu'me tebe yi unggwogwe, Yi mendek ndi mendek abok aret at wogogwi, Yi wone ndi wone abok kat mban keenu aret o, yinuk, yogwi, Kat kalik mondok komaawi aret o, yinuk, ayuk wukwi, endage tiyappugwi, Kat obeelom aret o, yinuk, inale'nggen ombakwi, Eeko logorak op aret o,” yinuk, yogwe iigak,