1 Korindut 5:12 - Ala Wone Peenok Peebi Mbanak

^12-13 It endekem mendek inowak looninaburak nogo ti, an nobaalombok lek o. Ala nen mban inawone amburu mbanogo inowak loongge kaagun. Togop kwe, “Aap ambi maluk eeke nogo, kinenggela'me nen waganogo wumbinip o,” yinuk, liiru mbanak ndak-ndak, it Ala apuri kinom kuwak eeko monggotak mendek ambi nen maluk eeke kenok, kit nen at owak looniyak lek mbakop? Owak looniyak aret o.

1 Korindut 5:12 ပူးပေါင်းရင်းမြစ်များ

Marakut 4:11

Yogo mbareegwa, at Yetut nogo nen it yorage logonet, “Ala abu'me pinagarak wone inikime lubuk wonagagerak nogo, Ala nen kilikkiroorak mbareegerak kwe, it weelek perak, yi wone ndi wone eegu laarogo mban yorage agarik o.

Lukat 12:14

Yoge mbareegi, at Yetut nen, “Wulaga! Kinowak loonogo kineyate tumbukkiragak yuwak nduk, an aret mippaneegerak mbaken?”

Yaya 18:36

Yoge mbareegi, Yetut nen at yoge logonet, “An nendagembogut logonet, nabu'me piige menggim nogo ti, o nggween paga yime lek o. Nabu'me piige menggim o nggween paga yime logonetak en, an neebe waganogo it aap Yakuri wogorogwe iyo, an nawuri inom wim nambuko logonetak o. An nabu'me piige minggim nogo ti, o alik ambi me wonage o.”

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

1 Timotiyut 3:7

Mippugwi iinok, maluk eeremenggerak paga aakumi nen abok mbanggwi iinok, pagi keele pugu enggaanok nggerok ari menggi kwak, Ibilit nen aap ti, togop aret iniki nomongge kero, it aap endekem mendek nen at eeke abok mbanggo logonet, “Aap ti, obaabut koonak aret o,” yogwe iinok mban mippuurak o.