1 Korindut 4:9 - Ala Wone Peenok Peebi Mbanak

⁹ It Ala yonggo mbogut paga nugu menggaarak inom, aakumi nggween paga mendek inom, abok aret inigen iigak, eeppinanugwi me, aakumi abok inenggaanom paga aap kambuwak nduk, inooko logonet, inendage tebenak lombok kenok irip paga lombok mbigimbiinok, inooko mengga kwak, at Ala nen nit nappiigak nogo, mondok irip paga lombok mippinaneegerak kagi o, obak!

1 Korindut 4:9 ပူးပေါင်းရင်းမြစ်များ

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Ndawi 71:7

An op logorak narum waka komaawi lombok kat aret me, Aakumi ambik in wakkagak an aret agarik o.

Yeremiya 20:18

Aaninggin-paaninggin noba paniyak mendek inom, niniki puru yuurak mendek inom, kage, Ndi, nda'nagagirak yobo yi nage kagak nenggali age, Eeriyak kagak, Nonggop nduk nagalo inikime nen wundi wagagirak ai?” Yinuk, Aliku ALA yoreegirak.

Nappiigak 19:29

Keekok yogo mbareegwa, o kota lombok time nggigi-nggigi wundit wogo nogogwaarik, noone-koone yogo logonet, it aap o Makendoniya mendek Pawulut inom nugu menggaarak, Nggayut Aritarukut imbirak pigiren, nano mendek pekkoorak kuwak eeri nogo menggam kole lombok nogome puu'nuk piya unggwogogwaarak.

Nappiigak 19:31

it o Atiya mendek inoweewi at Pawulut inom kunik menggaarak nogo nen, o kuwak eeko menggam kole nogome unggwi nage kero, “Mage,” yoruwak nduk, inawuri nappiya wogogwaarak.

Oroma 8:36

“Nit kapuri ogogurak paga Kubondendok nen nok oonikiya ari nage kagak, Ninooremengga ilik? mbarit nugu monggoorak. Ndomba wariyak wonok nogo mengga kwak, Togop aret eeppiyaawok, ninombako menggaarak o,” yinuk, liiru mbanak nogo ndak-ndak eeppinanit wogo agaarik o.

1 Korindut 15:19

Ndi, nit togon we nggween paga yayi nen mban Keritut obeelom eeppinanigin mba'nuk, niniki lunik wonogwe niinok, “Kit abet mbaka'lek mendek kinabuwa o,” yinuk, yorogo monggoorak kwe, it nen, “Kit perak, kinabuwa nggwok lombok mbakkologo logonip o,” yinuk, yo'nirogo logonetak.

2 Korindut 11:23

“Keritut ayeloman logonet, ake eeko monggoorak,” mbakwi me, an kunduk, Keritut ayeloman mondok iya lombok eeke minggirak. Wone yi, aap kumili nen yogo mengga kwak ari kwe, abet aret me, konenggo logonip o. Keritut ayeloman logonet, ake eerit nage neegak, ndonggoppanege, keele maarogo mambiigo menggam kulinik-kalinik mambanugwi, ineenggi lingginiyak meek nookwi, kambikit nduk, nabenak mban an ee'nabeegerak mendek neenik age, it ando teeluk negen eeppiigo logonet, an perak, mondok iya lombok eeppanugo nogogwaarak.

2 Korindut 6:9

it ando nen, “Aap yi, inendage lek mendek o,” yinuk, ninombakwi kwe, it ando nen perak, “Aap yi, inendage warak o,” yogwe, kambuurak kwe, nineenik wonogwe, ninookwi kwe, kangga'lek aret wonogwe,

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

Iberani 10:33

Mondok alik negen eeppinagago logonet, kit ando nggwok paga kinendage miyuk-meya eerogo maluk eeppinagagwi, ndi, it ando inookwi iinok, kinagabiti mbaka'lek, inili yogwe me, kinom aret kinookwi, eeko nogogwaarak nogo o.

Iberani 11:36

it ando miyuk-meya eerogo piinok yawi inookwi, ando mbutigeele paga ineenggi-iniyok maarogo mambiigo menggam mambiigwi,