Aap kanggo menggaarak ti, kambunuk inogoma nggigik togon nogwe iinok, Inagabolo iyokan nggween aret ari nogwe iigak, Ne ti eyom paga aret it eeriyak koonemenggaarak nogo Lek aret arigin me, It nagawan-nagawan nen kinagap ndakkinaburak meek Kanggo menggaarak mendek iigak, It paga kiniki panggombunuk logorak mage o.
1 Korindut 4:6 - Ala Wone Peenok Peebi Mbanak6 Togop me noreewi o. “Wone liiru mbanak kagak, alik eekwi mage o,” yogwe nogo, Apolot nimbirak eeko monggoorak kit mamunggolaabagip nduk, an wone yokkiragi ti, nit nineebe paga wakkagak yokkiragi o. Mamunggologwe kiinok, kit nen, “At ambi iya, at ambi meek,” yogo logonet, wogoppako logomunggup lek o. အခန်းကိုကြည့်ပါ။ |
1 Korindut 4:6
35 ပူးပေါင်းရင်းမြစ်များ
Ala nen, “At yi, an noone yoranet nege logowak o,” yinuk, iniki kunik en onggo lek we aret unde eeppaneegerak nogo paga kit abok aret wone ambi yokkira o. Kit obeelom wone abet mbako mbareegup, Ala eyabu eeko logobagip nduk, kinalitak lombok unde eeppinagareegerak nogo, liippunuk, “An yi aret unde eeppanegerak kagi,” yinuk, ndak-ndak eerit nogo logonet, kat mbuuluk unde eeppagareegerak kagak, “An iya lombok unde eeppanegerak kagi,” yinuk, wogoppako logogup o. Ata, “An yi aret wo'negerak me,” yinuk, kiniki tebenak logonet, eerit nogo logonip o.
It aakumi nggween paga mendek nen, “Abok nineenu me, niniki warak aret o,” yinuk, mbakwi nogo, Ala nen, “Yi wi negen aret agan nugwi,” inombake menggerak. Aap ambi ari logonet, “Iniki ngget paga maluk eeriyak koonggwi nogo, Awo koonggwi iigak, Ala nen nggerok togon wagangge menggerak o,” yinuk, ari,
ti kenok, it aakumi iniki nen mban koombunuk, eerit nugwi nogo wogoppiyaagup o. An Pawulut inom, at Apolot inom, Kepat inom, yi mendek ndi mendek Ala nen wakkagagerak inom, nineenik wonogwe inom, kanggwi inom, yogondak wonage inom, peebi logorak nogo inom, yi mendek ndi mendek abok tigitogon ti, kit unde aret o.
Ala nen, “O time yora nanip o,” yo'niraga'lek kenok, aap alik nen yorogwe iigak obeelom wone waganggwi iinok, “Nit ninapuri aret o,” yinuk, yugun lek kwe, kit abet mbakwi nogo mondok mugurok nogwe paga kiniki kole arit nogwe kiinok, nit yoranet nugu logorak Ala nen koonogo pereegerak nogo ti, ambinom nggwok togon wiganinuk noorak, “Ao,” mbako ogoorik o.
Kit Yetut waabagip nduk, wone aa'nduk yokkirogo nogogurak nogo kagak, it aakumi alik nen wogo nagaatik, “Yetut ambi yi aret o,” yinuk, yokkirogwe, Aberiniki waganeegutak nogo kagak, “Aberiniki ambi yi aret o,” yinuk, yokkirogwe, ndi, wone obeelom wone abet mba'nuk, waganeegutak nogo kagak, “Wone obeelom wone ambi yi o,” yinuk, agan wogwe, eekwi iigak, “Nonggop yogwe iyaamun?” yinuk, “Puk wonogwe,” yogwe iigirak me, nagabiti mbake logonet, yokkirage agarik o.
An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.
An wogoppatiyak mba'netak en, abet aret nenegen kagagirak kenok ari me, “Kumili nen ari,” nombariyak lek kwe, an eerit nage neegwi inom, noone ari konenggwi inom, nogo mban liippaninuk wogoppaniyak kagak, nenegen kagagirak mbininogo yokkirage paga, “Pawulut ti, aap mondok iya,” nombakwi kiyo, mbininogo yokkiroorak neebi mbake agarik o.
It aakumi nggween paga mendek mban iniki koonit nogo menggaarak nogo nen, it aap iya lek kagak iniki wogoppako logonet, “Nabinggaanggo paga wone yo'nege menggerak me, an iya o,” yinuk, inabi kagaatak mbinuk-mbenak agan wogo logonet, inoone omaawi paga, “Malayikat inalut eeko logonip o,” yinuk, yokkirogwe, ndi, iniki tebenak nege mbaruwak nduk, inagabiti nggo-nggo nugwi, eerit nogwe nogo, kit liippugwi kiinok, Ala nen wokkiroorak kiniki ale'nggen mbakwi nogo, lek eerogo pakwi kiyo, inoone konenggo logogup o.
Nit nen wone obeelom wone yokkira wogogurak nogo ti, we nit ninoone paga mban lek o. Ata, Aberiniki omaawi eeppinanege kagak, yokkirogogurak paga kinikime nen, “Ie! Wone yi, mondok abet aret yo'nirogwe iigo o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogo nogogurak nogo ti, kineenu aret o.
ကြော်ငြာတွေ