1 Korindut 4:17 - Ala Wone Peenok Peebi Mbanak

¹⁷ An eeke minggirak kit ndak-ndak eeko logobagip nduk, an naput niniki kunik mondok liippunuk, ninogoba wone mugurok nage menggerak Timotiyut nogo aret, kinowagam nappi wagarak kinenggela'me logonet, an Keritut Yetut nimbirak kunik logonet eeke, ndi, Ala apuri yi awi ndi awi kuwak eerit nogo menggaarak nogo yoranet nage, eeke minggirak wone nogo at nen yokkirage logogin o.

1 Korindut 4:17 ပူးပေါင်းရင်းမြစ်များ

Kini Wuppiige 13:17

It wone yugu ndak-ndak yogolik yonggo nappiigwi iinok, aap a'nggan waganogo piinet nugu menggaarak kwe, Wone yugu ndak-ndak yaga yonggo nappiigwi iinok perak, aakumi iniki kwippiinet nogo menggaarak.

Linggineegwaarak 12:7

Togop eeke minggirak kwe, an nayeloman Muta perak, Nimbirak togop eeka'lek minggirak o. At Muta ti, an napuri abok wonogwe iigak, Alik mban noone abu liirogon woppunuk eeke menggerak me,

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

Matiyut 25:21

Yoge mbareegi, ogoba nogo nen, Naput wa. Kat nayeloman liirogon obeelom eeke menggendak yi, mondok op aret eekendak o. Kamendek mbuuluk paga liippunuk unde wonagandak me, nggwok apit unde logonok nduk, mippagaminggirak logonet, an kogoba nale'nggen kage minggirak nimbirak ndak-ndak kage logonok nduk, mok o.

Matiyut 25:23

Yoge mbareegi, ogoba nogo nen, Naput wa. Kat nayeloman liirogon obeelom eeke menggendak yi, mondok op aret eekendak o. Kamendek mbuuluk paga liippunuk unde wonagandak me, nggwok apit unde logonok nduk, mippagaminggirak logonet, an kogoba nale'nggen kage minggirak nogo nimbirak ndak-ndak kage logonok nduk, mok o.

Nappiigak 16:1

Yoranet nege logonet, o Nderebe unggwi nage, ti'nuk, o Litera unggwi nage, eereegerak. O Litera time aap ambi Yetut oone waganeegerak endage Timotiyut wonagagerak me, at agalo ti, Yakuri mendek kwe, abet mbareegerak, ndi, ogoba ti perak, Yunani mendek aret o.

1 Korindut 11:16

Ti eekwi nogo paga it aap ando kinenggela'me nen, “Yogop eeriyak lek o,” yinuk, inoone nabenak mban yogwe iinok, “Nit yime inom, it Ala apuri ando yi awi ndi awi kuwak eerit nogo menggaarak inom, alik eekulik ti mban aret eeko monggoorak o,” yinuk, yoraanip o.

1 Korindut 11:2

Kit nen kulinik-kalinik noba aberak logonet, yi wone ndi wone yokkirage nagagirak nogo, liippunuk eerit nogwe me, “Kit iya lombok,” kinombake agarik o.

1 Korindut 11:34

Ndi, mbi-amburu noorak nduk, kuwak eeko logonet, mbi abu nen ndonggok togon nunggwi kiinok, Ala nen maluk eerogo pinagage kero, kinambi weelek kiname nen mondok ndonggok togon nenok, wogo logonu o. Wone ando ti, an pekkiya wage logominggirik, ninom logonet, yokkiraagin o.

1 Korindut 16:1

Kit nen, “It Ala apuri inake wu kuwak eerogo punuk wogoraawok o,” yinuk, yogwe nogo, an wone ambi yokkira o. An nen it Ala apuri o Nggalatiya kuwak eerit nogo menggaarak wone lengganogo yoragagirak nogo, kit ndak-ndak eeko logobagip nduk yokkiragi o.

1 Korindut 16:10

An nen ninowe eyabu eeke minggirak pogom, at Timotiyut togon, togop aret eeke menggerak me, wage logomenggerik, kinenggela'me logonet, agabiti mbake logokwak, at eebe liirogon aret waamunggup o.

1 Korindut 4:14

An wone liiru mbanggiragi yi ti, kinenggali wappinagakit nduk, mbanggiragi lek o. Ata, kit an napuri niniki kunik me, we kinaruk wake agarik o.

1 Korindut 4:15

Kinarum logonet, Keritut eeke nagagerak wone mamunggirogo logorak nogo, ineebe apit sepuluh ribu negen logorak op aret kwe, abok kinogobamini lek o. Keritut Yetut nen nappaneegerak kinenggela'me logonet, obeelom wone iyaalok yokkirage nagagirak nalik aret me, kinogoba an nalik aret o.

1 Korindut 4:2

Inogobamini nen inayeloman mini eeriyak unde eeppiinok, eerit nogwe iigak, “An yoragarak liippunuk, eekwi iyaamun ilik lek a?” yinuk, inigen wogonako menggaarak o.

1 Korindut 7:17

Ala nen, “Aap ti, togop logowak o,” yinuk, koonogo pinagareegerak nogo togop aret logonet, ambi eeko logobagip nduk, unde eeppinagareegerak nogo ndak-ndak aret eeko logonip o. It Ala apuri kuwak eerit nogo menggaarak nogo, wone ambit ti mban aret lengganogo yorage minggirak.

1 Korindut 7:25

Kit komologwe tawe eeko logorak Ala nen wone ambi lengganogo yo'nirulik kwe, it aakumi Ala nen inabuwa mbake menggerak me, “Ninoone abet mban yogo logowok o,” yinuk, mbakwi nogo ndak-ndak an kunduk togop logonet, niniki mbakirak nogo ambi yokkira o.

2 Korindut 8:18

Kiya wage me, ninoreeluk ambi wone obeelom wone Ala apuri kuwak eekwi me abok aret yoranet nege paga endage tiya yereegerak nogo, imbirak nappiya wogo ti o.

Epetut 6:21

At ninawot niniki kunik ninowe eyabu liirogon eeke menggerak Tikikut nogo nen, an neebe nonggop logonet, eeke minggirak wone nogo, abok aret kineenu arubagip nduk, yokkira woraagin o.

Pilipi 2:19

Kit nonggop wonogwe nogo liippinaganuk yo'niri woramenggerak neenu age logominggirik, niniki ugun tayenak logokit nduk, ninowe Yetut nen niniki koonnege kenok, Timotiyut mbet-mbet pekkiya woraawak nduk, kinowagam nappi woroorak mbakirak o.

Pilipi 2:22

Aap ambi apuluk nen ogoba yeenggwaage menggi kwak, an obeelom wone yoranet nage neegak, at ko'lu-kii'me yeenggwaanege nagagerak ti paga, at obaabut kineenu aret me,

Kolote 1:7

Wone obeelom wone ti nogo, at ninom niniki kunik Ala ayeloman logonet, ndak-ndak eeko monggoorak Epaparat nogo nen aret mamunggiragagerak o. At Keritut ayeloman logonet, nit kinake eeriyak meek kenok ninobaane'me at aret kulinik-kalinik eeke menggerak me,

Kolote 4:9

Kinawot Onetimut kunduk ninom niniki kunik me, ninowe Keritut wone mondok liirogon mugurok nage menggerak nogo, imbirak nappiya woraagin me, wogo logomenggaarik, nit yime niigak eeppinanugwi nogo, abok aret yokkira wogwe iyaamunggup o.

1 Timotiyut 1:18

Ndi, naput Timotiyut wae. Wone lengganogo yokkigirak ti, mondok unde logonok nduk, yokkigi o. Kat awo eeka'lek keegak, “Peebi ndogop eeke logomunggun o,” yinuk, yokkereegwaarak wone nogo ndak-ndak aret yokkigi o. Kiniki abet mbariyak inom, kiniki obeelom koonnage kenok mban eeriyak inom, mondok nggirik-nggerok agago porogo logonet, aap wim waka'ngget menggi kwak, kat togop aret kalilaakwi eerit nage logot o. It aap ando iniki obeelom koonnage nogo taganogo punuk, alik eerit nugwi me, yiiro eyo paga lik ari logonet, yigirik-noonom age menggi kwak, it abet mba'nuk waganeegwaarak wone nogo togop aret yigirogo mbo pereegwaarak me nduk yokkigi o.

2 Timotiyut 1:2

At ninogoba Ala inom, ninowe Keritut Yetut inom, imbirak iniki kunik nen wokkugwi, kabuwa nen obeelom eeppagagwi, ndi, kiniki ugun tayenak ale'nggen logonok nduk, eeppagagwi, eeko logogun o.

2 Timotiyut 2:2

Aakumi apit inenggaanom paga an yi wone ndi wone yokkege koneneegindak nogo, it aap abe mamumbunuk aakumi liirogon mamuniroorak op iigendak kenok, unde logowak nduk, mamunirage logot o.

2 Timotiyut 3:10

Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o.

Titut 1:5

An eeka'lek kagak wagagirak nogo eeke, ndi, o kota lombok Ala apuri unde logowak nduk, “Aap ti mendek mippiyoorak,” yokkereegirak nogo mippiige, eeke logonok nduk, kat o Kereta time keegak, an wagagirak nogo o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

Wayu 2:13

it an napuri o Peragamut time nggeeme wonogwe nogo an neenu o. It Ibilit oone konenggo menggam inenggela'me inom time aret menggaarak kwe, naput ambi noone liirogon woppunuk ko'lu-kii'me yoranet nege nagagerak Andipat nogo, it inenggela'me Tile wonage menggim inagota time aret wako mbareegwa, it iniki abet mba'nuk, an noone waganeegwaarak nogo, Mugurok noorak nineebi o, yinuk, yuurak kwe, kagak, Lek o. Nit ninowe Keritut aret me, at oone waganggoorak nogo ti, mondok aret porogo logowok o, yinuk, yogwe iigirak o.