1 Korindut 4:11 - Ala Wone Peenok Peebi Mbanak

¹¹ O maan nen yogondak kuli nit nggween paga yayi wonogo logonet, ninagi-ninambi abu ee'ninake, ninayum nibi-nibi aago kagak nugwi, yawi ninookwi, ninawi wurik lek me ugun ambime nogo yegak eerit nugwi, eerit nugu ogoorik o.

1 Korindut 4:11 ပူးပေါင်းရင်းမြစ်များ

Ayup 22:6

Alom lek kagak, kat nen, Ambi nabenggolaakit, mba'nuk, Kore kawu wogoge logonet, amendek wagangge, Aap ineenggi lek inayum wagangge logonet, inagap mbelanak teppiige,

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Nappiigak 14:19

Teppogo mbareegwa, it aap Yakuri mendek o Andiyokiya inom, o Ikoniyum inom, nen wogo nogogwaarik, it inom aruwok nduk, aakumi inikime manabi nogo mbareegwa, it aakumi nogo nen Pawulut yugum toguurit wappogo nogogwaarik, “Abu kanggi o,” yinuk, niigogo o kota endekem nggwe mbo wumbereegwaarak.

Nappiigak 16:23

yawi nggwi eerogo inooppunuk, niigogo o keele maarogo mambiigo menggam mbo mambiigo nogogwaarik, aap inarum waka nogo, “Inarum mondok liirogon logot o,” yinuk, aruk wareegwaarak.

Nappiigak 23:2

Yoragagerak ti paga, at Ala unde inowe nggwok Ananiyat nogo nen it aap Pawulut owagam mi'ndak wonogwe nogo yorage logonet, “Ambe toguk togon wa'nip o,”

Oroma 8:35

Keritut ninom kunik lombok wonogwe me, ta nen ogoorogo ninalitak eeppinanigin mbakop? Andi-pandi ninoba kwi'nage, aaninggin-paaninggin ninoba age, piyak-payak eerogo pinanugwi, mbi noogelo ee'ninake, ninageerok ndinggologo logonet, we ninagap mbelanak eerogo pinanugwi, wim kurumbi yo'nirogwe, karugum ne eerogo ninookwi, ti mendek abok aret ninoba aremenggerak paga nen Keritut ninom ogoorogo pinanigin mbakop? Mondok lek o.

1 Korindut 9:4

“Lek o. An Ala eyabu eeke nogo onggo kinambi-kinagi ma'ninip o,” yokkiroorak meek mbakop?

2 Korindut 11:20

It aakumi nen inayeloman eekkinakwi, kinamendek lek eerogo nenet nugwi, inabu'me tebenogo pinagagwi, tiyappako logonet, meek eerogo pinagagwi, kinetenggen paga tela eerogo kinookwi, eekwi iigak, “Op aret o,” yinuk, puk ogwe kiigirak kwe,

2 Korindut 4:8

Taga'mbit agago pinanegaatak kwe, aan lebenogo pinanegeelik o. “Nonggop eeruwi o,” yinuk, niniki piirik wonogwe kwe, nineebe lek aga'lek, kagak aret monggoorak.

Pilipi 4:12

An namendek lek kenok, wonage kenok, ti neenu aret o. An mbi ndonggoppanege, abu ee'nake, ti neenu mban. Ndi, namendek ka'let age, namendek lek age, yi mendek ndi mendek op-maluk abok aret noba age nogo kagak niniki ugun tayenak logorak mamunggolagagirak.

2 Timotiyut 3:11

Ndi, an o Andiyokiya inom, o Ikoniyum inom, o Litera inom, wonage me, piyak-payak ee'-nakwi iigak, nogogumbuk logonet wagangge nagagirak kwak, yogondak ee'nakwi iinok, wagangge minggirak abok aret kat keenu aret o. An o time wonage me eeppanugwi iigak, nogogumbuk logonet wagangge neegak, nowe nen nagap ndareegerak me, iya!