1 Korindut 4:10 - Ala Wone Peenok Peebi Mbanak

¹⁰ Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

1 Korindut 4:10 ပူးပေါင်းရင်းမြစ်များ

2 Endagembogut 9:11

Mbagangge kagak at Yeku nogo oreewi wonogwe me iya wungge mbareegi, at oreewi ambi nen at yogo logonet, “Wone ambi wonage ilik, lek a? Aap iniki mbanak nogo ti, nonggop nduk keya wagaarak?” Yoge mbareegi, at Yeku nen, “Aap ti, eebe inom, ari menggerak inom, abu kineenu aret o.”

Kini Wuppiige 11:12

Aap iniki awo kole aga'lek nogo nen inoreewi meek eerogo piinet nugu menggaarak kwe, Aap iniki koleewak kenok perak, inoone yuurak aganake kenok, tebenogo pogo menggaarak.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Oteya 9:7

Aaninggin kinoba kwippinagarak eyom muk panggoni wage, Maluk eekwi onggo ndak-ndak eeppinagarak ne muk panggo yi wage, Eeke me, Kit Iterali kineenu eeppinagagi o. Kit maluk nggwok lombok eerit nugwi, At kineebi lombok ombakwi, Eekwi me, At nen yorage kagak yokkiraga nogo ti, “Wi nen aret ari,” mbakwi, Ndi, it aap iniki warak nen yokkiraga ti, “Iniki mbanak nen aret ari,” yogwe, Eeko ogotik.

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Matiyut 5:11

Kit awo lek kiigak, it aa'nduk Ala nen yorage kagak yoraga nogo piyak-payak aganako nogogwaarak pogom, kit togon, an wo'nakotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

Lukat 10:16

Yorage nagagerik, at oone waganggwi mendek ambinom yorage logonet, “It aakumi kit kinoone konenggwi kenok ti, an noone aret konenggwi, kit mbo pinagagwi kenok ti, an aret mbo panugwi, ndi, it nen an mbo panugwi kenok ti, at nappani wagagerak nogo aret mbo pugwi, eeko menggaarak aret o,” yinuk, yorage nagagerik, nappiyareegerak.

Lukat 18:9

Yorage nagagerik, it aakumi ando iniki nen, “Aakumi ando ti, abu meek o, ndi, nit perak, niniki abe koonak aret o,” mbako nogogwaarak me, Yetut nen wone yi eegu laarogo yorage logonet,

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Nappiigak 17:18

Eeke me, it aap yi wone ndi wone alom kibingga mendek Epikurot wone ari inom, Towa wone ari inom, agan nogo nogogwaarak nogo nen, Pawulut inom wone onggo-onggo yogo logonet, “Wone yogwe iigetak kambok agan nege menggerak yi, nonggop mba'nuk agan nege mbakop?” yogwe, ndi, at Pawulut nen wone obeelom wone Yetut eeke nagagerak wone inom, at eenik a'nuk mi'nagagerak wone inom, yorage kenok, it ando nen, “Lek o. Aakumi alik inagugi awone wonok wage nagaarik, ari kogo o,” yinuk, yogwe, eekwi me, yogo nogogwaarak.

Nappiigak 17:32

At Pawulut nen kambunuk ineenik ariyak wone ari konembogo nogogwaarik, it ando nogo nen miyuk-meya eerogo pugwi iigak kwe, it ando nen perak, “Wone ti, ambinom ari keyaawi o,” yinuk, yogo mbareegwa,

Nappiigak 26:24

Pawulut nen wone ti awo yorage kagak, at Petut nogo oone nggwok paga ari logonet, “Pawulut wae. Kat kumili aret keegi o. Yi wone ndi wone mamunggo'net nege paga kumili negen aret agan nege keegi o.”

Nappiigak 9:16

Ndi, at Tawulut nogo, an naana'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

1 Korindut 1:23

nit perak, Keritut eyo karo-karo paga wareegwaarak wone nogo mban paganogo yorogo monggoorak. Wone ti, it Yakuri nen konembunuk, “Wone yi yogwe paga yilunogo pinanege me, woorak nineebi o,” yinuk, yogwe, ndi, it endekem konenggulik mendek nen konembunuk, “Ti wi wone negen aret kogo,” yinuk, yogwe, eeko menggaarak kwe,

1 Korindut 1:25

Aakumi nen wone aaninggin ambik me, iniki mondok kwippunuk togon kooniyak mbakwi nogo ti, Ala nen kooniyak teeluk aret kage, ndi, aakumi nen, “Aaninggin ambik me, nit apit ninomaawi paga eeriyak op,” mbakwi nogo ti, at Ala nen eeriyak teeluk aret mbake, eeke menggerak.

1 Korindut 10:12

Ti kenok, aap ambit-ambi, “An Ala wone abu liippigirak me, maluk eerigin lek o,” mbake kenok, yigeebu wangge kero, iniki liippatinuk, logowak o.

1 Korindut 2:14

Ala Aberiniki nen koonogo yo'nirage nogo ti, Aberiniki ninikime wonage kenok mban yelok kogo monggoorak me, it aakumi nggween paga mendek nogo, Aberiniki inikime wonage lek me, wone ti, konembunuk, ugun kobak logonet, “Yi wi wone negen aret kogo,” yinuk, mbo pogo menggaarak kwe,

1 Korindut 2:3

An neebe lebenak aret me, nagabiti nen naganak wake kagak ninom wonagagirak.

1 Korindut 3:18

Kit nen, “An abu neenu,” mba'nuk, eekko'net nugwi paga kinambokan laganggologwe me, togop mbarugup o. It aakumi nggween paga mendek nen, “Nit abok nineenu me, niniki warak aret o,” yinuk, mbakwi ndak-ndak, kit ambi togoti mbakwi kiinok, Ala nen kiniki warak kinombaruwak nduk, wi negen a'nuk, logonip o.

1 Korindut 3:2

Kina mbi omaawi mendek noorak wokkiraakit mbareegirak kwe, kit kiniki kole aga'lek kiinok, we yilak amburu negen mban aret wokkiragagirak nogo o. Kinobaabut maan mendek nogo lek aga'lek awo aret wonage me, yogondak kunduk, omaawi mendek wokkiroorak meek mban kiigi o. Kinenggela'me, “An iya, kat iya,” yogwe, wone wakwi, eekwi tit kagak kwe, kinobaabut maan mendek aakumi nggween paga mendek eeko mengga kwak eeka'lek me nduk yogo ogotik?

1 Korindut 4:8

Nit awo eeppinanega'lek kagak kit nduk obeelom aret eeppinagage, kit nduk kineenggi warak agago pinagage, kit aa'nduk kinendage nggwok agago tiyappinagage, eereegerak kenok op aret o. Kit abet aret kinendage nggwok logonetak en, nit ninom ndak-ndak ninendage tiyanak logonetak kwe, lek me, “Ao,” mbako ogoorik o.

2 Korindut 11:19

It aap wi nen yogwe iinok, “Nit abok nineenu nogo ari me, ari logowak a!” yinuk, teppiigo monggotak me, an ndak-ndak ari neegak teppanubagip nduk yokkiragi o.

2 Korindut 11:29

It aakumi iniki aaninggin ogwe iinok, an kunduk niniki aaninggin age, it maluk eekwi iinok, “Ao,” mbake logonet, niniki wakkolage, eeke minggirak.

2 Korindut 13:9

Kit kiniki abu kole eekkinabuwak nduk, tamban eeko monggoorak me, nit ninoone omaawi yokkiraga'lek niigak, kit-kit mban koombunuk, eerit nugwi kiinok, ale'nggen mban aret mbarugun o.

2 Korindut 4:12

Togop me, nit wone yokkirogo monggoorak ti paga, nineebe ninookwi iinok, kanggwi niigak kwe, kit perak, waganggwi paga kineenik eekkinake agaarik o.

2 Korindut 6:8

tiyappinanugwi, tebembinanugwi, ninabok mbanggwi, ninayuk wukwi, abet kenok mban yorogo monggoorak kwe, pilit ninoba pinanugwi,

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.

1 Peterut 4:14

It aakumi nen, “Kit Keritut oone wagangga mendek o,” yinuk, miyuk-meya eerogo pinagagwi iinok, “Ala Aberiniki mondok tiyanak menggerak nogo nit ninoba wuppi wagaarak ninom wonage kenok, yo'nirogwe iigo o,” yinuk, kiniki ale'nggen logonip o.