1 Korindut 3:9 - Ala Wone Peenok Peebi Mbanak

⁹ Nit Ala ninom kunik logonet, eeko monggoorak me, Ala eyabu aago inom, at awi wurik inom, ti kit kineebe aret ogotik o.

1 Korindut 3:9 ပူးပေါင်းရင်းမြစ်များ

Ndawi 118:22

It yugum paga o wuka nen O wuko logonet yugum ambi mbo pereegwaarak nogo Yugum ogowa ndoonnaga o.

Ndawi 72:16

O at unde menggim gandum mban yagabit aago wonage, Puut-puut paga yarak yoguk-yagak lagangge, Nggween o Libanon paga yarak nogo, anggen li aago yugu menggi kwak wonage, Iri'ngga mili-mili kwit agan lagangge menggi kwak, Gandum yarak togop aret kwit agan lagangge, Eeke logowak o.

Kini Wuppiige 9:1

Iniki warak nen awi wukkolage logonet, eyo 7 loonak paga o eyak mippunuk wureegerak.

Yetaya 32:20

Kit perak, niyo eneeri wundit wage menggim abok aret yi mendek ndi mendek awi yumbunit nogwe, Kinaanggumi tapi inom, keledai inom, inagari'ngga mbanogo nenet nugu logowak nduk, wondet eerogo teppiigwi, Eeko logonet, Kinale'nggen mban mbako logomunggup o.

Yetaya 61:11

Nggween nen yi mendek ndi mendek awi mbilanogo nippit wage, Yabu wogome anggen yumbunggaatak mbilanogo nippit wa'nuk, anggen kole eerogo pege, Eeke menggi kwak, Aliku Itok Menggerak ALA nen obeelom mban eerit nugu logorak inom, inale'nggen nen at endage tiyappogo logorak inom, Yi aakumi ndi aakumi inenggaanom paga eekwi ti, togop aret kin eerogo wumbigin o,” yinuk, yegerak o.

Yetaya 61:5

It aap endekem mendek nen kinaanggumi kambin-ndomba ndegeninakwi, It aap nggiru nen kineyabu eeppinagagwi, It kineyabu anggur yarak me wola yippinagagwi, Eekwi iigak,

Yeremiya 2:21

Eyo anggur awi abu abe kero leenogo yako mengga kwak it togop aret eerogo piyareegirak kwe, Yogondak an mbakirak ndak-ndak aga'lek eyo anggur abe lek ogun penaame mendek kwak ogogwaarak ti, Nonggop eeginabeegerak paga ogogwaarak?

Matiyut 15:13

Yogo mbareegwa, Yetut nen, “Iri'ngga-kale'ngga awi an nogoba mbogut paga mendek nen yarulik kenok ti, mondok kinigin aret o.

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Matiyut 9:37

Inabuwa lombok mbake nagagerik, at oone waganggwi nogo yorage logonet, “Anggen yugu ka'let agaarak kwe, mbanggo menggaarak ineebe mbereeluk me,

Marakut 16:20

Ndi, it at oone waganggwi nogo yi awi ndi awi abok aret wone yoranet nugwi iigak, ninowe Yetut nen yeenggwaaranet nege nagagerak me, inagabiti warak ineenu ariyak mendek eerit nugwi paga it aakumi apit nogo nen, “Wone yi abet aret kogo o,” yinuk, waganggo nogogwaarak.

Nappiigak 4:11

Ala nen ari logonet, It yugum paga o wuka nen, O wuko logonet, yugum ambi mbo pereegwaarak nogo, Yugum ogowa ndoonnaga o, yinuk, yereegerak ti, at Yetut aret nduk yereegerak o.

1 Korindut 3:16

Kit Ala apuri kineebe lambuk togon ti, Ala awi wurik aret me, Aberiniki kinenggela'me kinom wonage nogo kineenggo'lek a?

1 Korindut 3:6

An nen awi yake, ndi, Apolot nen niyo kilike, eekwi niigak, Ala nen perak, awi yarak mbilanuwak nduk eereegerak.

1 Korindut 6:19

Kit kineebe ti, Aberiniki awi wurik wonage nogo kineenggo'lek a? At Ala nen onggo nggwok paga kinonggo mbangge nagagerik, Aberiniki wokkiragagerak kinikime wonage me, kit kineebe ti, kit unde lek o. At Ala aret unde me, at endage tiyak yuwak nduk, kineebe paga obeelom mban eeko logonip o.

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

1 Timotiyut 3:15

ambi yiluk ari kagak eerukwak, Ala apuri inenggela'me logonet, nonggop eerit nege logorak keenu a'nok nduk, liiru yi mbanggege agarik o. Wone Ala ari menggerak wone o eyak nu'lek wuraberak ti, Ala mondok eenik menggerak apuri kuwak eeko menggaarak nogo aret.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

3 Yaya 1:8

It aap Ala ndogop menggerak wone nogo nggwok wiganit nage logowak nduk, eerit nogwe nogo nen, “Ninom ndak-ndak yoranet nogwe o,” yinuk, ninombaruwak nduk, yeenggwaarogo logorak ti op aret o.