1 Korindut 3:18 - Ala Wone Peenok Peebi Mbanak

¹⁸ Kit nen, “An abu neenu,” mba'nuk, eekko'net nugwi paga kinambokan laganggologwe me, togop mbarugup o. It aakumi nggween paga mendek nen, “Nit abok nineenu me, niniki warak aret o,” yinuk, mbakwi ndak-ndak, kit ambi togoti mbakwi kiinok, Ala nen kiniki warak kinombaruwak nduk, wi negen a'nuk, logonip o.

1 Korindut 3:18 ပူးပေါင်းရင်းမြစ်များ

Kini Wuppiige 26:12

Aap ambi iniki lek kagak iniki warak ombaruwak nduk wogoppake nogo kage menggendak ilik, lek a? Aap iniki abe wi nen iniki warak eekkoloorak ti, op negen kwe, aap ti perak, iniki warak eekkoloorak abu meek aret o.

Kini Wuppiige 3:5

Yi wone ndi wone keenu agagindak paga kiniki panggombunuk logorak mage o. Ata, kiniki ambit eeppunuk, at Aliku ALA oba panggombunuk logot o.

Kini Wuppiige 3:7

“An wone abok neenu aret o,” mbake ti mage o. Ata, Aliku ALA kagabiti mbake, maluk kenok ogole nen mbagangge, Eeke logot o.

Kini Wuppiige 5:7

Togop me, napuri yi wae. Wone yokkirage yi, kinaruk konenggwi, Noone yokkirage yi, mbo punuk nomo agan nogwe, Eeriyak mage o.

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Yetaya 5:21

It aap nen, “Nit abu niniki warak aret,” yogwe, “Nit yi wone ndi wone abu nineenu aret,” yogwe, Eekwi ti, Mondok inabuwa o!

Yeremiya 37:9

Aliku ALA nen yegerak nogo yi aret. It aap Mbaben mendek nogo iname mondok aret nagaarak me, iniyokan woraagun lek, mbakwi ti paga it aret inambokan laganggologwe me, togop mbarugwaarik o. Woraagun aret!

Yeremiya 8:8

It aap liiru mbangga nen eeko logorak wone Naliku ALA yoragagirak nogo liiru mbanggo logonet, Eebe yugu kagak alik pugunogo liiru mbaneegwaarak kagak waganeegwaarak me, Eeko logorak wone Aliku ALA nen yereegerak nit porogo wonogwe me, niniki warak aret o, Yinuk, yogwe ti, nonggop togon yogwe mbakop?

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Matiyut 18:4

Aap ambi nen elege yi pogom iniki tebeppake kenok ti, at mbogut paga mendek abu'me piige menggim mondok nggwok lombok at aret logogin o.

Marakut 10:15

It elege-aabologwe Ala abu'me logorak nduk unggwi nogo mengga kwak, kit togop unggwi naga'lek kiinok ti, unggwi namunggup lek o, yinuk, abet aret yokkirage agarik o.”

Lukat 18:17

It elege-aabologwe Ala abu'me logorak nduk, unggwi nogo mengga kwak, kit togop aret unggwi naga'lek kiinok ti, unggwi namunggup lek aret o, yinuk, abet aret yokkiragi o,” yoragagerak.

Lukat 21:8

Yogo mbareegwa, at Yetut nen yorage logonet, “Aakumi nomongginakwi iyo, kiniki tum wakkologo logonip o. It aakumi apit an nendage kunit wogo logonet, at ambi nen, At woroorak nogo ti, an aret wagi o, ari, ndi, at ambi nen, At woroorak eyom muk panggo yi wagaarak o, ari, agan woraagun me, inoone konembunuk, muguren noobok o.

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

Oroma 12:16

Kinoreewi kinom kiniki ambit eeppunuk, eerit nogo logonip o. “An iya,” yinuk, “It aap inendage lek ninom eeriyak nineebi o,” yuurak mage o. Ata, kinom aret eerit nogo logonip o. “An abu neenu me, an iya,” mbako logogup o.

1 Korindut 15:33

“Kit kinobaabut obeelom wonogwe nogo nen aakumi maluk eekwi kinom nugwi kiinok, kinom maluk eekkolaamunggup o,” yinuk, yogo menggaarak nogo ti, abet aret yogwe me, aakumi nen wone alik yokkirogo logonet, kinambokan laganggwi iyo, kiniki liippinip o.

1 Korindut 3:17

Ala awi wurik mondok obeelom alik mbeenak nogo ti, kit kineebe aret me, aap ambi nen Ala awi wurik nogo maluk eeppege kenok, onggo Ala nen aap ti, mondok lek eerogo pigin aret o.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

1 Korindut 6:9

Ndi, it maluk eeko menggaarak kenok, Ala abu'me piige menggim piyaagin lek nogo, kit kineenggo'lek a? It aap kumi paga mban iniki lunik logonet, eeginabit nega inom, kugiwak amili kungga inom, mbabi eeka inom, aap-aap wut-wut yaga inom, yogoot iyagalo inom, uugwe-uugwe mbaka inom, amburu nonggo nagaatik, kumili negen agan nega inom, aakumi inabok mbangga inom, inageerok nggwok aruwak nduk, aakumi inambokan lagangga inom, aakumi ti mendek ti, Ala abu'me piige menggim piyaagin mondok lek me, aakumi nen kinambokan laganggo logonet, alik yokkirogwe iinok, inoone koneniyak mondok mage o.

Nggalatiya 6:3

Kit aap iya lek kwe, “Nit iya o,” mbakwi kiinok, kit aret kinambokan laganggologo ogotik o.

Nggalatiya 6:7

Ala ambokan laganggulik kagak, ambokan laganggwi kiinok, kit aret kinambokan laganggologwe me, liippako logonip o. Aap ambi awi yaremenggerak nogo ti, anggen ti mendek aret mbanggolage menggerak me,

Epetut 5:6

It Ala wone tagambunuk, maluk ti mendek eerit nogwe iinok, Ala anini inoba piige menggerak me, it ugun kobak menggaarak nogo nen inoone amburu ndik-ndik agan wogo logonet, kinambokan laganggwi iyo, liippogo logonip o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Yakobut 1:22

Ala wone kinaruk mban konenggwi kenok, kit aret kinambokan laganggologwe me, kinaruk mban konenggak eeko logorak ti mage o. Ata, konembunuk, eebe aret eeko logonip o.

Yakobut 1:26

Kit ambi nen, “An Ala wone liippunuk eeke agarik o,” yinuk, yogo monggotak kwe, kinambe liirogon arum wonaga'lek kinamili irip paga ugun agan nugwi kiinok, kit aret kinambokan laganggologwe, ndi, “An Ala wone liippunuk eeke agarik o,” yogo monggotak nogo ti, aanom warogo aret yogwe, eeko monggotak kiigi o.

1 Yaya 1:8

Nit maluk eeko logonet kwe, “Nit maluk eekulik o,” yogwe niinok, pilit aret ninambokan laganggologwe me, Ala ndogop menggerak wone nogo ninikime wonage abu lek aret o.