1 Korindut 2:6 - Ala Wone Peenok Peebi Mbanak

⁶ It aap iniki kole kenok perak, wone nit nineenu nogo yorogo monggoorak aret kwe, wone nit nineenu logonet, yorogwe nogo ti, nggween paga wone nogo mendek lek o. Ndi, it aap inayuk warak nggween paga yime menggaarak yogondak lek arit nogwe nogo, wone ineenu logonet, yorogwe nogo mendek lek mban.

1 Korindut 2:6 ပူးပေါင်းရင်းမြစ်များ

Ayup 1:1

Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.

Ayup 12:19

It aap Ala unde nogo inagap mbelanak iigak wogoren nege, Aap inengga warak nogo tebenogo piige,

Ayup 12:21

Aap inengga warak nogo meek eerogo piige, Inomaawi ambik nogo inomaawi lek eerogo piige,

Ndawi 33:10

Yi aakumi ndi aakumi eeriyak koonogo pegaatak nogo At nen lek eerogo pege, It aakumi inanebunu lombok nen, “Ndogop eeruwok,” mbakwi nogo At nen non mbanogo piige, Eeke menggerak kwe,

Ndawi 37:37

It aap mage mili mbangga nogo Inapuri ambik wigannarit wundi wogo menggaarak me, It aap maluk inoba lenggenggulik nogo liippiigwi, It aap iniki koonak nogo maloppiigwi, Eeko logonip o.

Yetaya 40:23

It aap inendage warak wonogwe nogo inendage lek eerogo piige, Aakumi inarum waka o nggween paga wonogwe nogo tebenogo piige, Eeke menggerak o.

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Matiyut 19:21

Yoge mbareegi, Yetut nen, “Wulaga. An aap abu obeelom lombok logokit, mbake keenok, kamendek abok aret onggo mbangge logomenggendik, it inamendek lek nogo tumburira nak o. Tumburira nage keenok, kamendek abe mendek mbogut paga aret kolaamunggun o. Ti abu eeke logomenggendik perak, nimbirak nugu logowok nduk wa'nu o.”

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Lukat 16:8

Ayeloman eereegerak ogoba nogo konengge nagagerik, ayeloman at ambokan laganeegerak kagak kwe, iniki mondok iya lombok kooneegerak mbareegi, Wi! ireegerak. It aakumi inikiigun nggween paga mendek yogondak wonogwe nogo it inom eeko logonet, iniki ngget paga iya negen koonggo menggaarak kwe, it Ala apuri iniki eya aganabeegerak nogo perak, iniki lek logonet, meek negen koonggo menggaarak iigi o.

1 Korindut 1:28

It aakumi nen Ala enggaanom paga wogoppakwi iyo, it o nggween paga yime menggaarak mondok iya mbakwi nogo, lek eerogo puwak nduk, Ala nen inendage lek mendek inom, ineebe meek inombakwi mendek inom, meek mba'nuk mbo piigwi mendek inom, aap ti mendek kenok mban miirinake menggerak.

1 Korindut 12:8

Aberiniki ambit nogo nen aap ambi iniki warak logonet, wone koonogo yorage logowak nduk, unde eeppege, ambi, yi wone ndi wone alom neenu a'nuk, liirogon yorage logowak nduk, unde eeppege,

1 Korindut 14:20

Noreewi o. Kit kiniki koonggwi nogo ti, it wologwe-mbuulogwe iniki koonggo mengga kwak, kiniki togop koonggo logogup o. Ata, it aap iniki warak koonggo menggaarak pogom koonggo logonip o. Maluk eeriyak eekkinake kero, elege awo ngget ndarak maluk ineenggo'lek menggaarak nogo pogom, kit togop aret logonip o.

1 Korindut 2:1

Noreewi o. Maan aa'nduk Ala wone kote kumaarak wonagagerak nogo yokkiraakit nduk kinowagam wage nagagirik, kit kiniki ale'nggen mbarubagip nduk, “An abok neenu,” mbake logonet, noone amburu paga yokkiroolik o.

1 Korindut 2:13

Ti kenok, Ala nen wo'niragagerak yokkirogwe nogo ti, it aakumi nggween paga mendek iniki nen, “An neenu nogo yokkira o,” yinuk, yorogo mengga kwak, yokkirogwe lek o. Ata, it aakumi Aberiniki inikime wonage kenok mban, Aberiniki ninikime logonet, mamunnirage kagak, wone alom nogo liirogon mbininogo yorogo monggoorak.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

1 Korindut 3:1

Noreewi o. An aa'nduk kiya wage nagagirik, it aakumi Aberiniki inom kunik wonogwe iinok, yorage minggirak nogo pogom, an nen kit togop yokkiroorak mbarulik o. Kit muk Keritut abet mbareegutak kwe, aakumi o nggween paga mendek mbakwi nogo pogom logonet, kiniki awo kole aga'lek elege ngget ndarak pogom wonogwe kiige nagagirik, yokkiragagirak nogo o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

2 Korindut 4:3

Nit obeelom wone yorogo monggoorak nogo yelok kaga'lek nobarak wonage kenok ti, it abet mbaka'lek logonet, kambit nogwe nogo nen mban wone ti, yelok kaga'lek wonogwe o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Kolote 1:28

Togop me, noreewi o. Kit ninapuri abok aret Keritut kinom kunik logonet, kiniki muk kole agaarak kenok, “Ala owagam wokkiren pinagi nawok,” mba'nuk, Keritut eeke nagagerak wone yokkirogo logonet, kinaruk wakwi, niniki abu kwippunuk, eekkinake mugurok mamunggirogwe, eerit nogo ogoorik o.

Kolote 4:12

Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.

Iberani 6:1

Togop me, nit abet mbaruwok nduk, Keritut eeke nagagerak wone aa'nduk mamunik nogo mendek mban mugurok nogo logorak lek o. Ata, nit niniki kole ee'ninaburak wone nogo mendek inom woppunuk, mugurok nogo logowok o. “Nit obeelom eekkolaawok,” mba'nuk, eeko logonet kwe, kagak kanggo nogogurak wone nogo, mbo punuk, Ala abet mbakwi wone inom, niyome wanggwi wone inom, inanobak nineenggi tebembiinok, tamban eekwi wone inom, aakumi kanggaatak ineenik agago mippiyoorak wone inom, o age yobok paga inowak loonogo aaninggin inoba kwippiyamenggerak mondok-mondok yagan wako logorak wone inom, wone ti mendek abok aret ti, ogowa pugu pogom wonage op aret kwe, uum pega'lek ogowa mban pit nogwe ti mage o.

Yakobut 3:15

Kit kinoreeluk ambi anini eeppogo logonet, worokot liinik agan nugwi, “An koongge mban eeriyak,” mbako logonet, eerit nugwi, eekwi kiinok, abu naalop-kaalop age logonet, yi maluk ndi maluk abok aret age kogo monggoorak nogo ti, at iniki warak agi menggerak Ala nen koonogo pinagage kagak eekwi lek o. Ata, at Tile nen it aakumi nggween paga mendek iniki koonogo piige kagak, iniki nengge kenok, eeko menggaarak nogo mendek aret eekwi kiigi o.

Yakobut 3:2

Nit abok aret niniyogobit lik togon yigeebu wanggo monggoorak o. Nit ninoone yogootak paga irip paga maluk age lek kenok, nit mondok obeelom logonet, nineenggi-niniyok paga maluk eeriyak ee'ninake nogo, abok aret tebenogo pogo logorak op aret o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.