1 Korindut 2:16 - Ala Wone Peenok Peebi Mbanak

¹⁶ “Ala iniki mbake menggerak nogo, ta nen eenu me, at mamuniriyak op mbakop? Mondok lek aret o,” yinuk, yereegerak liiru mbanak aret wonage kwe, Keritut iniki mbake nogo unde monggoorak nit aret o.

1 Korindut 2:16 ပူးပေါင်းရင်းမြစ်များ

Wakkagagerak 1:12

nggween me nen iri'ngga-kale'ngga alitik-alitak etenggen lombok abok aret it mendek mban anggen yi'nage, it mendek mban agarip wundit nage, eeke mbareegi, at Ala nen, “Obeelom aret kagi,” mbareegerak.

Ayup 15:8

Ala wone kote koongge nogo, kat karuk nggoongge, Aap niniki warak an mban aret, mbake, Eeke menggendak ya?

Ayup 22:2

“Aap iniki warak ambi nen, Ndogop eekkolaakit o, yinuk, eekkoloorak op kwe, At Ala ambi eekkolaawak nduk, aakumi nen, Yi eeru o, yinuk, Yoriyak op mbakop? Meek aret o.

Ayup 40:2

“Ayup wae. At Omaawi Lombok Menggerak nen niniki koonogo paniyak, mbakendak nogo, Abu yogirak mbake agandik ilik, ambinom yorikit mbake agandik a? Ala nen maluk eeppanegerak o, At ari nogo nen aret an Ala eekirak ti, Ndogop eeppanggendak, yo'niruwak o,” yinuk, yoreegerak.

Yeremiya 23:18

Naliku ALA nen eeke nogo neegwi, noone ari nogo inaruk liirogon konenggwi, Eeruwak nduk, It aap ti mendek ambi ta nen nit wone eeriyak koonggwi me time ninom wonagagerak? An wone ari nogo ta nen liippege, aruk konengge, eereegerak?

Yaya 15:15

Ogoba eeke nogo ayeloman mini ineenggo'lek menggaarak kwe, an yi wone ndi wone abok nogoba nen yo'nereegerak nogo yokkiragarak me, yogondak yi kuli paga nen, Nayeloman mini o, yinuk, yokkiraagin lek o. Ata, Noreewi aret o, yinuk, yokkirage logogin o.

Oroma 11:34

“Ta nen ninogoba Ala iniki mbake nogo, Neenu, mbake, Ta nen ninogoba owa'na nigaka a'nuk, yoge,

1 Korindut 12:8

Aberiniki ambit nogo nen aap ambi iniki warak logonet, wone koonogo yorage logowak nduk, unde eeppege, ambi, yi wone ndi wone alom neenu a'nuk, liirogon yorage logowak nduk, unde eeppege,