1 Korindut 15:4 - Ala Wone Peenok Peebi Mbanak

⁴ Kangge mbareegi, at eebe waganogo ndoome mambereegwaarak. Mambogo mbareegwa, Ala wone liiru mbanak ndak-ndak, nogo mbere yinuk, eenik agago mippereegerak.

1 Korindut 15:4 ပူးပေါင်းရင်းမြစ်များ

Ndawi 16:8

Kaliku ALA mondok-mondok Nenggaawak paga punuk nege minggirak. Kat Ala an nimbirak wonage menggendak me, An mondok nu'lek aret minggirak o.

Ndawi 2:7

An nendagembogut nogo nen Aliku ALA wone lengganeegerak nogo yokkira o. “At nen an yo'nege logonet, Yogondak kat an naput age, Ndi, an kat kogoba age, Eekoorak o.

Oteya 6:2

Mugurok nogwe niinok, nogo mbere yippunuk, nineebe andi lek eerogo pinanege, Ndi, nogo mbere yippunuk ko'lu nit ninomaawi eerogo mippinanege, Eeke logomenggerik, Ninarum wonage kagak, eerit nogo logogun o.

Yunut 1:17

Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o.

Matiyut 12:40

At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Matiyut 16:21

Inaruk wareegerak ti eyom paga nen at Yetut nogo at oone waganggwi yorage logonet, “An o Yerutalem time noorak agaarak me mondok nage agarik o. Nage neenok, It aap inanggok inom, it Ala unde inoweewi inom, it Ala wone liiru mbanak unde inom, nen noba aaninggin-paaninggin agago paninuk, noorugun o. Nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, paganogo yoragagerak.

Matiyut 20:19

Wone mbambunuk, it aap endekem konenggulik mendek nen nenggali wakwi, ya'mbiran nggora eerogo nookwi, neebe eyo karo-karo paga nabenogo panugwi, ee'nabuwak nduk, wogoraagun o. Wogorogwe iinok, nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, yoragagerak.

Lukat 24:26

At Ala nen leenogo mippereegerak Mesias nogo aaninggin-paaninggin oba pegaarak yogotak nogo, oba pega'lek kagak, at tiyappuurak mbakop? Lek o. Oba puurak agaarak me, pegaarak o,” yinuk, yorage nagagerik,

Lukat 24:46

Iniki eya eeppiige nagagerik, yorage logonet, “At Ala nen leenogo mippereegerak Mesias nogo aaninggin-paaninggin oba pugwi iinok, nogo mbere yinuk, kanggo menggam nen eenik age logomenggerik, mi'narigin o.

Lukat 9:22

Inaruk wappunuk, yorage logonet, “An aap aret nda'nagagirak nogo mondok noba aaninggin-paaninggin agago panugun o. It aap inanggok inom, Ala unde inoweewi inom, Ala wone liiru mbanak unde inom, ineebi nen mbo panugo logonet, nooko mbaremengga, nogo mbere yinuk, ko'lu Ala nen neenik agago mippanigin o.”

Yaya 19:38

Ti eeppogo mbareegwa, aap awi Arimateya mendek endage Yutup nen Yetut eebe waakit nduk, Pilatut yori wagagerak. At Yutup nogo ti, Yetut oone wagangge nagagerak kwe, aakumi Yakuri mendek ineebe paga agabiti nen at oone kote negen wagangge nagagerak. Yetut eebe waakit nduk, Pilatut yoge nagagerik, at Pilatut nen, “E o,” yoge mbareegi, Yutup nage nagagerik, Yetut eebe wonok nagagerak.

Nappiigak 1:3

At wareegwaarak nogo eenik age nagagerik, “It nawuri ti nen an abet aret neenik agarak ineenu aruwak o,” yinuk, nigiige, ndi, Ala abu'me piyoorak wone nogo yorage, eerit nage kagak, nogo 40 aret yege nagagerak.

Nappiigak 17:31

At ambi leenogo mippereegerak nen aakumi abok eekwi ndak-ndak owak looninaburak ne ambi koonogo pereegerak o. Ndi, ne ambi koonogo pereegerak nogo nit aakumi abok nineenu aruwok nduk, at nogo ti, kambunuk nogo menggam nen eenik agago mippereegerak o, yinuk, yokkirage agarik o,” yoragagerak.

Oroma 6:4

Keritut kangge mbareegi, ndoome pi nogogwaarak nogo ti, at ninom ambit kunik me, niyome wambeegurak nogo paga ninom kanggo mbareegu, ndoome pinani nogogwaarak. Ndi, nineenik ngget mendek a'nuk nogo logowok nduk, at ogoba Ala omaawi ambik menggerak nogo paga kanggo menggam nen at eenik agago mippege logonet, at ninom kunik me, ninom aret mippinaneegerak.

Kolote 2:12

Keritut kinom kunik logonet, kambunuk ndoome mambiigo menggam nen kinom kineenik agago mippinagareegerak nogo kwak, yiime wanggo nogogutik, lagi wogogutak nogo o. Kit kambunuk ndoome mambiigo menggam negen wonogwe me, Ala nen Keritut kambunuk nogo menggam nen at omaawi paga eenik agago mippereegerak me, “At omaawi ti paga at ninom nineenik agago mippinanigin kogo o,” yinuk, abet mbareegutak paga kineenik agago mippinagareegerak wonogo ogotik o.

Iberani 13:20

Ndi, yogondak abu aret o, noreewi. Nit niniki ugun tayenak ale'nggen logowok nduk eeppinanege menggerak Ala nogo nen wone koonogo yo'niragagerak nogo, “Mondok-mondok eerigin o,” yinuk, abet mbako logowok nduk, ndomba mondok liirogon ndegenninake menggerak ninowe Yetut nogo, ninake amiya kili'nage mbareegi, kambunuk nogo menggam nen eenik agago mippereegerak me,