1 Korindut 15:34 - Ala Wone Peenok Peebi Mbanak

³⁴ It ando kinenggela'me Ala wone ineenggo'lek iigak, kit maluk eekwi me, maluk eeko monggotak nogo mbo punuk, kiniki warak a'nip o. Wone yokkirage yi, kit kinenggali arubagip nduk, yokkiragi o.

1 Korindut 15:34 ပူးပေါင်းရင်းမြစ်များ

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 4:4

Kinanini nen maluk eeriyak mage o. Kit nogo yogo monggo'nom windak logonet, Kinoone lek kinikime mban kwaakkologo logonip o.

Yeremiya 9:3

Aliku ALA nen ari logonet, “It aakumi ti, inamili yigin agale wurik paga maale lumbunuk tekkoorak kwak logonet, Pilit pugunogo nappit noorak mban koonogo pugwi, It wone abet aret agan nugwi nogo o yime wiganogo pugwi lek pilit wone mban wiganogo pugwi, Ala ti, ninogoba aret o, yinuk, yaga'lek maluk ambi eekak mban eerit nugwi, Eeko menggaarak o,” yinuk, yegerak o.

Yowen 1:5

Kit niyo kumili aganaka mendek nengga yi wae. Kineenik a'nuk le yikkologwe, Kit anggur amburu nengga yi wae. Leenggu maakwi, Eeko logonip o. Anggur amburu ngget toolak nunggwi kiigak, kinambeme nen ndinogo nappegaarak me, Kit le yikkologo logonip o.

Yunut 1:6

aap yiiro unde nogo kwaakkage nagagerik, yoge logonet, “Yogop ee'ninake kagak nonggoti nogo mban yege agandik? At liippinaninuk, nit lek eerogo pinaniyak lek ninagap ndariyak kagak eerukwak, mi'na'nuk, kagugi yoru o.”

Matiyut 22:29

Yogo mbareegwa, at Yetut nen, “Ala wone liiru mbanak inom, Ala omaawi inom, kit liippega'lek logonet, wone ti, alik lombok yogwe kiigi o.

Yaya 5:14

Ti'nuk, peebi aap nogo Ala awi wurik me wonage Yetut enegen kage nagagerik, at yoge logonet, “Wulaga! Kat keebe obeelom aret agandak me, andi abunuk nggwok eekkake kero, maluk ambinom eerugun o,” yinuk, yoreegerak.

Yaya 8:11

Yoge mbareegi, kwe nen, “Abu lek o, nogoba.” Yoge mbareegi, at Yetut nen, “An kunduk, kat maluk eekendak o, yinuk, noone ambi koba pagagin lek me, kame nak o. Yogondak yi kuli paga nen maluk eeke menggendak nogo ambinom eeke logogun o,” yinuk, yoreegerak.

Nappiigak 26:8

Togop me, kit nonggop nduk at Ala nen aakumi kanggwi ineenik agago mippiyoorak meek mbako ogotik o?

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

Oroma 13:11

“O yogondak eraambe abu alik negen arit wage kagi,” mba'nuk, niniki-kiniki kunik aganako logonip o. Ninagap ndariyak nogo ti, nda negen kagak abet mbareegurak kwe, yogondak perak, abu panggo yi wagaarak me, kit nogo yugwi negen wonogwe yi, kineenik ariyak eyom panggo yi wagaarak me nduk, yokkiragi o.

1 Korindut 4:14

An wone liiru mbanggiragi yi ti, kinenggali wappinagakit nduk, mbanggiragi lek o. Ata, kit an napuri niniki kunik me, we kinaruk wake agarik o.

1 Korindut 6:5

Kit kinenggali arubagip nduk, yokkiragi o, noreewi. Aap iniki warak ambi nen oreewi maluk eekwi iinok, inawone amburu mbanogo yoroorak kinenggela'me wonage lek kenok, eeko ogotik ya?

1 Korindut 8:7

Wone ti, nit nineenu aret kwe, it ando perak, awo liippega'lek aret agaarik o. It nen maan kugi aanggo warak nonggo nogogwaarak me, yogondak iniki mari eeppunuk, wam ti, ugun noorak op aret kwe, iniki kole aga'lek me, “Inagugi aanggo wakaarak kagak, nonggo,” yinuk, abeko nagaatik, “Maluk eekkologoorak kogo,” yinuk, mbako menggaarak o.