1 Korindut 15:2 - Ala Wone Peenok Peebi Mbanak

² Yokkiragagirak nogo kit nen mondok nu'lek porogo logomonggotak kenok, wone ti paga kinagap ndarigin kwe, abet mbaka'lek logonet we aanom warogo waganeegutak kwa?

1 Korindut 15:2 ပူးပေါင်းရင်းမြစ်များ

Kini Wuppiige 23:23

Wone pilit lek abet yogwe nogo kunggolage logomenggendik, aap ambi inoba kuniyak mage o. Iniki warak ariyak wone inom, inaruk wariyak wone inom, ineenu ariyak wone inom, mugurok nage logot o.

Kini Wuppiige 3:1

Naput wae. Kogoba an nen wone mamunggege nogo mari eerogo mbo puurak mage o. Ata, “Yogop ee'nu ndogop ee'nu,” wone yokkege nogo kinikime liirogon porogo logot o.

Kini Wuppiige 4:13

An wone mamunggege yi, mbo puurak mage o. Ata, nggirik-nggerok porogo wonage, Wone yi eeke paga keenik logorak me, liirogon unde wake, Eeke logot o.

Lukat 8:13

Ndi, yugum eeri paga wambit nagagerak nogo ti, it aakumi Ala wone konembunuk, inale'nggen logonet, Ala wone waganggo nagaatik, luulu abet mbakwi kwe, inikime awi liirogon yakkoloolik me, peebi iniki abut mbangge eyom paga mbo pogo menggaarak nogo aret o.

Nappiigak 2:47

Ala alut eekwi iigak, aakumi abok nen it Ala apuri ti, iniki kunik aganako nogogwaarak. Ndi, ninogoba nogo nen ko'lu-kii'me it aakumi inagap ndarogo ambit nabek kuwak eeppiige nagagerak.

Nappiigak 8:13

At Timon nogo kunduk, iniki abet mbareegerak kenok, yiime wuppege mbareegi, at Piliput imbirak nege logonet, Piliput nen ineenu ariyak inagabiti warak mendek eeke, eerubok mendek eeke, eerit nage enegen kage nagagerik, “Wi!” yinuk, pi wake nagagerak.

Oroma 1:16

Obeelom wone ti, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake logorak Ala omaawi ti aret me, wone obeelom wone ti, an nagabiti lek logonet yokkirage agarik o.

Oroma 11:22

At Ala iniki yanggonak paga eeppiige, anini paga eeppiige, eeke menggerak nogo liippinip o. Aakumi maluk eekwi iinok, anini inoba piige menggerak kwe, “Ala iniki yanggonak paga eeppinanege me, at yo'nege kenok mban eerit nage logokit o,” yinuk, eerit nogwe kiinok perak, at yanggorogon aret eeppinagage logogin o. Ndi, lek kenok, kit togon Ala nen pendenogo nappinagagin aret o.

1 Korindut 1:18

It aakumi kanggo menggaarak nogo nen Yetut eyo karo-karo paga kambeegerak wone nogo konembunuk, “Yi wi inoone negen agan nugwi o,” yinuk, i'ndok kanggo menggaarak kwe, nit ninagap nda'ninake nogo nen perak, wone ti, waganggwi paga, Ala ninagap nda'ninake me, “Wone ti, Ala omaawi aret kogo o,” yinuk, mbako monggoorak.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

1 Korindut 11:2

Kit nen kulinik-kalinik noba aberak logonet, yi wone ndi wone yokkirage nagagirak nogo, liippunuk eerit nogwe me, “Kit iya lombok,” kinombake agarik o.

1 Korindut 15:14

Ndi, at Keritut kangge nagagerik, eenik a'netak lek nen, nit wone yokkirogo monggoorak nogo ti, we aanom warogo yiluk-yiluk negen yokkirogo logonetak me, kit kunduk, kiniki we aanom warogo abet mbareegurak mba'netak o.

2 Korindut 2:15

It aakumi inagap ndarak inom, inagap ndarak lek mendek lek eerogo piige inom, inenggela'me logonet, obari abe Keritut nen Ala ake kungge menggerak nogo pogom nit aret o.

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

Nggalatiya 3:4

Kit wone waganeegutak nogo paga mondok alik negen piyak-payak eerogo pinagagwi iigak, kiniki yanggonak logonet, waganggo nogogutak nogo ti, we aanom warogo waganggo nogogutak ya? An togop mbake lek o, noreewi.

Epetut 2:8

Kit abet mba'nuk, kiniki at oba panggombugwi kiinok, kinabuwa nen iniki kunik eekkinake logonet, kinagap ndareegerak o. Kit ambi eekkologogutak paga eeppinagulik o. Ata, Ala nen onggo lek we aret eeppinagareegerak o.

Kolote 1:23

Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

2 Tetalonika 2:15

Togop me, noreewi o. Ninoone paga yokkirogo nogogurak inom, liiru mbanak paga yokkirogo nogogurak nogo inom, kiniki nu'lek logonet, wone ti, nggirik-nggerok agago porogo logonip o.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,

Iberani 10:23

At nen, “Ndogop eeppinagagin o,” yinuk, abok yo'niragagerak nogo, alik ambi koonggak eekeelik, yegetak nogo a'me aret eeke menggerak me, nit eerogo pinaniyak wone abet mba'nuk, waganeegurak niniki lunik wonogwe nogo, mondok nggirik-nggerok agago porogo logowok o.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.

Iberani 3:14

Nit aa'nduk wone konembunuk, “Yi abet aret o,” yinuk, waganeegurak nogo, nggirik-nggerok agago porogo wonogwe niigak, o age yobok ari nage kenok, Keritut ninom kunik me, eeppinaniyak mbareegerak nogo, eeppinanege logogin aret o.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

Iberani 4:14

Nit Ala unde ninowe nggwok Ala aput Yetut nogo, mbogut ta'mban-mban aago kagak irimbaga agi lombok tiyarogon kwi'nari lagangge nagagerik, yogondak ninake eeke wonage me, nit wone abet mba'nuk waganeegurak yogo monggoorak nogo, mondok nggirik-nggerok agago porogo logowok o.

Yakobut 2:14

Nowe-nawot o. Kit ambi nen, “Niniki abet mbake o,” yogwe kwe, eebe eeka'lek kiinok, kit abet mbakwi nogo kin age mbakop? Ala wone yugu eebe eeka'lek logonet, we abet mbakwi paga mban Ala nen kinagap ndarigin mbakop?

Yakobut 2:17

Nit niniki abet mbakwi nogo ndak-ndak eebe inom eeka'lek logonet, abet mban mbakwi kenok ti, we aanom warogo abet mbakwi kogo o.

Yakobut 2:26

Ninagabolo wonage kagak, niniki nggigik togon nage kenok, “Aap ti kanggerak o,” yinuk, yogo monggoorak nogo ndak-ndak, niniki abet mbakwi kwe, wone ti eebe inom eeka'lek kenok ti, aanom warogo abet mbareegurak aret mbaruwok o.