1 Korindut 13:7 - Ala Wone Peenok Peebi Mbanak

⁷ It maluk eeppiigwi iigak kwe, inabuwa mbakwi, it-it yogo logonet, ambi ari kenok abet ari mbakak eekwi, iniki lunik nogo mondok eerigin aret mbakwi, eerulik kagak, “Eekotak o,” yinuk, inoone inoba piigwi iigak, yanggo yinuk, waganggwi, eekwi nogo ti, lek aga'lek mondok kundugu tit aret eeko menggaarak.

1 Korindut 13:7 ပူးပေါင်းရင်းမြစ်များ

Wakkagagerak 29:20

Yoge mbareegi, Yakup nogo kolaga Araken woorak nduk, yabu eeke kagak, tahun 7 eereegerak kwe, kolaga ti lombok koloorak iniki pereneegerak me, tahun 7 eereegerak kwe, “We ne mande wonage agarik,” mbareegerak.

Ayup 13:15

An ambi eeriyak niniki lunik lek me, nooriyak mbake kagak kwe, Nawone nogo at enggaanom paga an nen aret naana'le mbanggolaagin o.

Ndawi 119:66

Koone, “Yogop ee'nu ndogop ee'nu,” yugu nogo, Niniki panggombunuk wonage me, niniki warak ariyak inom, Yi wone ndi wone liirogon neenu ariyak inom, an mamunnake, Eeke logot o.

Kini Wuppiige 10:12

Neebi-keebi mbarit nogwe paga nen wone warit nogo menggaarak kwe, Nabuwa-kabuwa mbarit nogwe paga perak, wone yugu taganogo pugwi nogo obeelom eerogo pogo menggaarak.

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Marakut 9:23

Yoge mbareegi, at Yetut nogo nen, “Eeriyak op mbake keenok, eeriyak o, yo'negendak ti, aakumi abet mbakwi paga nen ambi eeriyak mbakwi kenok, eeriyak lek ti lek. Eeriyak aret o,” yoreegerak.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

Oroma 8:24

Niniki lunik ambi, “Nenegen kaakit lak, ao,” mbakwi nogo kogo logomonggoorik, ti'nuk, niniki lunik logomonggoorak nogo lek aret arigin o. Aap ambi, “Ti waakit o,” yinuk, iniki lunik wonagaatik, wagangge kenok, “Abu waganggirak me,” yinuk, iniki lunik wonage menggerak mbakop? Lek aret o.

1 Korindut 13:4

It aakumi inabuwa mbako logonet eekwi nogo ti, wone onggo mbet-mbet yoraga'lek puk wonogwe, inobaabut yanggonak wonogwe, eeko menggaarak. Ti eeko logonet neebi-keebi yogwe, iniki wogoppakwi, an iya mbakwi,

1 Korindut 9:12

It iyaalok Ala wone kinikime awi yappinagulik mendek nen, “It inamendek ando wo'niraagun,” mba'nuk, kinoba aberak wonogwe iinok, wogorogo monggotak kwe, nit iyaalok yappinagareegurak nogo nen, “Wo'niraanip o,” yinuk, yokkiroorak meek mbakop? Yokkiroorak op aret kwe, obeelom wone Keritut yo'niragagerak wone nogo wiganit nage me, non mbambukwak nduk, “Wo'niraanip o,” yokkiraga'lek nineenggi paga nen mban eekko'net nogo ogoorik o.

Nggalatiya 6:2

Aaninggin kinoba age kenok, yeenggwa-yeenggwa eerumonggotak paga Keritut nen, “Ndogop eeko logonip o.” yo'niragagerak wone yugu nogo ndak-ndak aret eeko logomunggup o.

Pelaareegerak 1:9

Yorage nagagerik, ambinom yorage logonet, “Ne ti eyom paga an nen kit yokkirage logonet, At Aliku kinogoba Ala nen laaluguragan mbogut paga menggerak nogo kokwak, yogondak kit kineebe ambik eerogo pinagareegerak wonage me, kit kinawone amburu mbangge logorak ti, aaninggin ambik me, nalik nen eeke logorak meek o, yinuk, yokkiragagirak nogo.

2 Tetalonika 1:4

Togop me, kit piyak-payak eerogo pinagagwi, aaninggin kinoba pinagagwi, eekwi kwe kagak, kinogogumbuk logonet waganggwi me, kiniki mondok nu'lek logonet abet mbakwi nogo, Ala apuri yi awi ndi awi kuwak eerit nogo menggaarak nit yoranet nogo logonet, tiyappinagit nogo monggoorak.

2 Timotiyut 2:24

Kat ninowe ayeloman aret kenok, ndugwi pegak eeriyak ti mage o. Ata, yi aakumi ndi aakumi abok aret koone yanggorogon yorage, wone mamunirage, maluk eeppagagwi kwe, onggo yoraga'lek puk wonage, eeke logot o.

2 Timotiyut 3:11

Ndi, an o Andiyokiya inom, o Ikoniyum inom, o Litera inom, wonage me, piyak-payak ee'-nakwi iigak, nogogumbuk logonet wagangge nagagirak kwak, yogondak ee'nakwi iinok, wagangge minggirak abok aret kat keenu aret o. An o time wonage me eeppanugwi iigak, nogogumbuk logonet wagangge neegak, nowe nen nagap ndareegerak me, iya!

2 Timotiyut 4:5

Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.

Iberani 13:13

Togop me, at o kota endekem ninake kambikit nduk nage kagak miyuk-meya eerogo pogo nogogwaarak nogo kokwak, nit kunduk ti ndak-ndak miyuk-meya eerogo pinanugwi iigak, at mugurok o kota endekem aret wundi nawok o.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.

1 Peterut 4:8

Aap ambi ore imbirak iniki kunik logomenggerak nogo nen ore maluk ambik eerogo pit nage logomenggerak kwe, imbirak iniki kunik me, “Op aret o,” ari menggi kwak, kit togop aret, “Niniki-kiniki kunik eeko logonip o,” yinuk, wone ambit ti aret yokkiragi o.