1 Korindut 13:4 - Ala Wone Peenok Peebi Mbanak

⁴ It aakumi inabuwa mbako logonet eekwi nogo ti, wone onggo mbet-mbet yoraga'lek puk wonogwe, inobaabut yanggonak wonogwe, eeko menggaarak. Ti eeko logonet neebi-keebi yogwe, iniki wogoppakwi, an iya mbakwi,

1 Korindut 13:4 ပူးပေါင်းရင်းမြစ်များ

Wakkagagerak 30:1

At Araken nogo nen ogonggelo Yakup obaane'me aagalogwe ambi abu ndaganaka'lek paga oweeluk eebi nen imbirak iniki ogoorak wonogo logonet, Yakup yoge, “An elege ambi mbet nda'niru o. Nda'nega'lek keenok, keraaket nen nggaruk togon aret kambigin o.”

Wakkagagerak 37:11

Yoge mbareegi, it at oweewi inikime nen, “Nit niigak at mban mippuurak ari ilik?” mbako logonet, mondok inanini agaket yogwe iigak, at ogoba perak, abi kagagerak nogo iniki nen liippunuk, abeke, koongge, eeke nagagerak.

Nekemiya 9:17

Koneniyak nineebi o, yinuk, it inenggela'me iya tit eeke nagagindak nogo mari eerogo mbo pugwi, ndi, inanobak yugum pogom a'nuk, Ala nen yo'nirage logorak nineebi o, yinuk, O Metit niniyokan nanuk, aakumi inayeloman ari noorak wo'niren nawak nduk, aap ambi mippuwok o, yinuk, yogwe, eereegwaarak kwe, kat Ala nen, Inomaluk nogo mbo nappikit lak, ao, mbake, kiniki yanggorogon teppiige, inabuwa mbake, kaan aganggenggwi lek yungguppunuk eeppiige, kat kiniki kunik aganake nogo, nggaruk yaga'lek kunik aret wonage, eeke menggendak me, it mbo piyoolik o.

Ndawi 10:5

It eerit nugwi nogo abe mban arit nage, “Nit iya,” mbako logonet, kat wone lengganogo yo'nirage nogo, Abu kobak eeppunuk wonogwe, Inom ogoorak wonogwe nogo mbelappiigwi, Eeko menggaarak.

Kini Wuppiige 10:12

Neebi-keebi mbarit nogwe paga nen wone warit nogo menggaarak kwe, Nabuwa-kabuwa mbarit nogwe paga perak, wone yugu taganogo pugwi nogo obeelom eerogo pogo menggaarak.

Kini Wuppiige 13:10

Aap iniki tiyappakwi paga nen ndugwi ineenggime piigo menggaarak kwe, Inaruk wakwi konenggo menggaarak nogo perak, iniki warak aret iigo menggaarak.

Kini Wuppiige 17:14

Ndugwi puwok nduk, eekwi nogo ti, niyo narak paarogo pugwi kwak aret me, Wone-wone yogwe nogo ndugwi puurak awo aga'lek kagak, mbo pogo logonip o.

Kini Wuppiige 17:9

Aap ambi nen at maluk eeppege kwe, “Op aret o,” yinuk, puk age kenok, at nabuwa-kabuwa mbakwi nogo aret mugurok nage menggerak kwe, Aap maluk eeppege nogo nen ambinom mban eeppit nage kenok perak, at ore nogo aret ogoorogo pege menggerak.

Kini Wuppiige 19:22

Aap iniki, “Ao,” mbakwi nogo ti, “It ninom monggoorak ninabuwa nen ninendage obeelom eerogo pinanit nogo logowak,” mbako menggaarak. Aap eenggi lek logorak ti op aret kwe, Aap pilit pugungga logorak ti perak, maluk aret o.

Kini Wuppiige 31:20

Iniki ndoobu me, aap tebenak wonogwe nogo wogorage, Aap ineenggi lek nogo yenggwaarage,

Kini Wuppiige 31:26

Iniki warak lombok logonet, wone kenaarogo mbangge, Oone liippunuk, yanggorogon mamunirage,

Wone Alom Kibingga 10:4

Iniki yanggoppunuk wonogwe paga maluk nggwok lombok eeriyak age nogo lek aret age menggerak me, Aap karum menggerak nogo nen mbekkege kenok, kat yabu unde logorak yokkereegim nen mbo punuk mbaganiyak mage o.

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

Oroma 1:29

Pulunogo mbo piyareegerak me, yi maluk ndi maluk alitik-alitak lombok ambik aret eeko nogogwaarak. Eeko logonet, maluk mban eerit nugwi, uugwe-uugwe mbakwi, inogogumbuk logonet agan nugwi, neebi-keebi yogwe, aap wakwi, yawi pugwi, inambokan laganggwi, inanini agaket yogwe, togot-togot wone yogwe,

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

1 Korindut 4:18

Kit ando nen, “At niya woraagin lek o,” yinuk, wogoppakwi kwe,

1 Korindut 4:6

Togop me noreewi o. “Wone liiru mbanak kagak, alik eekwi mage o,” yogwe nogo, Apolot nimbirak eeko monggoorak kit mamunggolaabagip nduk, an wone yokkiragi ti, nit nineebe paga wakkagak yokkiragi o. Mamunggologwe kiinok, kit nen, “At ambi iya, at ambi meek,” yogo logonet, wogoppako logomunggup lek o.

1 Korindut 5:2

Kit Ala apuri nen aap nogo maluk eekerak paga kiniki wakkologo logonet, kinenggela'me nen nggiginogo wumbuurak op aret kagak, “Yi iya eekerak lek o,” yinuk, taganogo punuk, wogoppatit nugwi kiigi o.

1 Korindut 8:1

“Wam kugi aanggo warak noorak ilik, mage a?” yinuk, wone ambi yokkira o. “Nit abok nineenu o,” yogwe ti, abet aret yogwe kwe, it aap nen “Abok nineenu,” mbakwi ti, wogoppako menggaarak. Ndi, aakumi inabuwa mbako logonet, obeelom eeppiigwi kenok perak, iniki kole eerogo piigo menggaarak o.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

2 Korindut 6:6

niniki mondok abe paga yokkirogwe, nit wone nineenu abok aret kineenu eeppinagagwi, ninaanaganggenggwi lek kwi'ndak logonet yokkirogwe, kinabuwa nen yanggorogon kinaruk wakwi, Aberiniki ninom kunik logonet mamunggirogwe, nineebi mbaka'lek ninom abu kunik logonet yokkirogwe,

Nggalatiya 5:26

Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Epetut 4:2

Eerit nogo logonet, kiniki tebe yinuk yanggorogon eeppiigwi, kiniki aanaganggenggwi lek nabuwa-kabuwa mbako logonet, yeenggwa-yeenggwa eekwi,

Epetut 4:32

Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Pilipi 1:15

It ando nen, “Nit togon ninoone konenggo logowak o,” yinuk, abet aret ineebi nombako logonet, “Tebembuwok,” mba'nuk, Keritut wone yorogo menggaarak kwe, it ando nen perak, iniki obeelom paga yorogo agaarik o.

Kolote 1:11

It Ala apuri ake leenak nogo, Ala abu'me eya aago menggim logonet, pipuk eerogo piyareegerak kolaawak nduk, kooneegerak nogo, ninom ndak-ndak kolaawok nduk, niniki koonogo pinaneegerak me, aaninggin-paaninggin kinoba age kenok, kinaanaganggenggwi lek kiniki kwi'ndak nu'lek logonet, kiniki ale'nggen paga, “Ninogoba Ala wa,” yinuk, waganggo logobagip nduk, tamban eeko monggoorak. Kit kiniki kwi'ndak logonet, waganggwi kiigak, at mondok tiyanak logonet omaawi paga yi mendek ndi mendek eeke menggerak nogo nen, kit ndak-ndak omaawi eeppinagage logowak nduk, kinake tamban eeko monggoorak.

Kolote 2:18

It aakumi nggween paga mendek mban iniki koonit nogo menggaarak nogo nen, it aap iya lek kagak iniki wogoppako logonet, “Nabinggaanggo paga wone yo'nege menggerak me, an iya o,” yinuk, inabi kagaatak mbinuk-mbenak agan wogo logonet, inoone omaawi paga, “Malayikat inalut eeko logonip o,” yinuk, yokkirogwe, ndi, iniki tebenak nege mbaruwak nduk, inagabiti nggo-nggo nugwi, eerit nogwe nogo, kit liippugwi kiinok, Ala nen wokkiroorak kiniki ale'nggen mbakwi nogo, lek eerogo pakwi kiyo, inoone konenggo logogup o.

Kolote 3:12

Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

1 Timotiyut 6:4

at nen, “An neenu o,” nduk, wogoppatit nage kwe, kobak kagak we ugun agan nege o. At aap ti nen wone, “Yi ndogop me, ti ndogop me,” ari logonet, wone wake, ndi, wone mbuuluk yugu kagak ndugwi pege, eerit nage logorak ti, inikilom lombok mbarit nage menggerak. At togop eerit nage kenok, it aap ando Ala ari menggerak wone nogo mondok kobak logonet, maluk mban koonggwi nogo nen, “At ari kenok mban koneniyak, yo'nirogwe me,” yinuk, neebi-keebi yogwe, “An iya, kat iya,” yogo logonet ndugwi pugwi, at meek ombako logonet abok mbanit nogwe, ndi, inom wone mondok wakak mban eekwi, eeko menggaarak. It aap ti, “Ala wone liippunuk eerit nogwe niinok, nineenggi warak eekkolaawok,” mbako menggaarak kwe

2 Timotiyut 2:25

It kinom ogoorak logonet, wone alik agan nugwi nogo, mbo punuk, abe wone ineenu aruwak nduk, Ala nen eeppiyoorak kagak eerukwak, koone yanggorogon mamunirage logot o.

2 Timotiyut 3:10

Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o.

2 Timotiyut 4:2

Ala wone yoranet nege logot o. Anggon kagak, anggon lek kagak, yiyom-ndiyom ugun yorage logonok nduk, pipuk aago logot o. “E o,” yuwak nduk yorage, maluk eekwi iinok mberirage, koone yanggorogon inaruk wake, eeke logonet, kaanaga-nggenggwi lek kiniki kwippunuk liirogon mamunirage logot o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Yakobut 4:5

“Ala nen Aberiniki ninikime mambinaneegerak wonage kagak, niniki nengge nogo mugurok nogwe niinok, Aberiniki nogo nen, Ao, yinuk, iniki wakkolage menggerak o,” yinuk, Ala wone liiru mbaneegerak nogo ti, we mbaneegerak mbakop?

1 Peterut 2:1

Ti kenok, kit pilit wone yogo monggotak inom, kinikime alik eeriyak mbako logonet, agan nugu monggotak inom, “An eerikit lak at mban eeke yi, neebi a,” yinuk, yogo monggotak inom, nabok-kabok yogo monggotak inom, yi maluk ndi maluk ti mendek abok aret mbo pogo logonip o.

1 Peterut 3:8

At Ala nen ari logonet, “Kit kineenik logorak kinikilom mbakwi, Nit obeelom aret wonogwe me, li a'nuk, kambuurak op aret, mbakwi, Eekwi ti, Taamini nen togop mbako ogotik? Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakkologwe, Maluk mendek mbo punuk, obeelom mendek kenok mban eerit nugwi, Nonggop agago niniki ambit lambunik logorak koonggwi, Abu koombunuk, ti aret kinomaawirogon mugurok nogwe, Eeko logonip o. Aap iniki koonak menggaarak nogo, Ala enegen wogoren nege, Tamban eekwi iinok, at aruk liirogon konengge, Eeke menggerak kwe, Aap maluk eeko menggaarak perak, Ala enggaawak omaawi paga lek eerogo piige menggerak o,” yinuk, yereegerak liiru mbanak ndak-ndak, kit togon Ala ale'nggen kinoba pinagakit nduk, kinayonggo pinagareegerak me, kit nen maluk onggo-onggo eekwi, ambi nen ambi meek eeppegak eekwi, eeko logogup o. Ata, it maluk eeppinagagwi nogo obeelom eeppiigo logonet, kinom kiniki ambit eeppunuk wone mbanggwi, kiniki eyak wat-wat eekkologwe, nore-kore yogwe, nabuwa-kabuwa mbakwi, kiniki tebenak nugwi, eeko logonip o, yinuk, eeko logorak irip paga ambi yokkiraakit mbakirak nogo ti aret yokkiragi o.

1 Peterut 4:8

Aap ambi ore imbirak iniki kunik logomenggerak nogo nen ore maluk ambik eerogo pit nage logomenggerak kwe, imbirak iniki kunik me, “Op aret o,” ari menggi kwak, kit togop aret, “Niniki-kiniki kunik eeko logonip o,” yinuk, wone ambit ti aret yokkiragi o.

2 Peterut 1:7

Ala ari menggerak ndak-ndak eerit nogwe paga kinoreewi inabuwa mbako logorak mamunggologwe, ndi, inabuwa mbakwi nogo paga irip paga aakumi abok aret kinom kiniki kunik eekkologo logorak mamunggologwe, eerit nogo logonip o.

1 Yaya 4:11

Noreewi niniki kunik yi, wae! At Ala nen togop aret ninabuwa mbake logonet, iniki kunik ee'ninabeegerak me, nit togon ndak-ndak niniki-kiniki kunik eeko logowok o.