1 Korindut 13:3 - Ala Wone Peenok Peebi Mbanak

³ An nen nayi mendek ndi mendek abok it aap ineenggi lek nogo tumburirage, ndi, Ala wone yorage paga onggo nggwok kolaakit mba'nuk, “Neebe inom noorogo kani kumbaninip o,” yorage, eeriminggirak kwe, aakumi inabuwa mbaka'lek logonet, eeriminggirak me, onggo an ambi kolaagin mondok lek aret o.

1 Korindut 13:3 ပူးပေါင်းရင်းမြစ်များ

Yetaya 57:12

Maluk kagak, Nit obeelom eekwi, mbakwi inom, eerit nogo menggaarak abok aret inom, kin paga yoroorak kwe, Wone ti, liippugun lek me, we aanom warogo aret yoroorak o.

Yeremiya 7:8

it aakumi nen wone pilit aanom warogo kagak agan nugwi nogo, Abet aret yaga, mbakwi iigirak o.

Matiyut 23:5

It yi mendek ndi mendek eekwi abok aret nogo ti, Aakumi inigen niyaawak o, yinuk, eerit nugu logonet, kiwone mbanak yonggolak inenggaawak paga nabenogo keele maakwi, inayum o'lu paga nggagik-nggogok eerak pugunogo wuppunuk tamban eekwi, eeko menggaarak.

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Lukat 18:28

Yorage mbareegi, at Peterut nen at yoge logonet, “Nit ninamindik-ninamendek abok aret mbo punuk, ninom nugu logowok nduk, wogoorak nogora?”

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”

Yaya 12:43

It nogo ti, Ala nen tiyappinaniyak mbaka'lek logonet, “Aakumi nen tiyappinanuwak,” mban inikilom mbako nogogwaarak ti paga, “Nit at oone waganggwi mendek aret o,” yinuk, pagangga'lek aret wonogogwaarak.

Yaya 13:37

Yoge mbareegi, at Peterut nen, “Ai, nogoba. An nonggop nduk yogondak nimbirak noorak meek yo'negen o? An kat kake kambuurak op mbake me.”

Yaya 15:13

Aakumi nen inoreewi we iniki kunik eeginakwi ti, meek negen kwe, aap ambi nen oreewi inagap ndarogo inake kangge kenok perak, oreewi mondok iniki kunik nggwok lombok mbake logonet, eeke me, iya tit mbariyak o.

Yaya 6:63

At Aberiniki nen aakumi ineenik eeginake menggerak aret. It aakumi nggween paga ndarak nen ambi eekkoloorak lek aret o. At Aberiniki nen wone an yokkirage nogo paga kineenik eekkinake menggerak kwe,

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.

Nggalatiya 5:26

Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.

Iberani 13:9

Yi wone ndi wone alik agan wogwe nogo konembunuk, kiniki nomonggiren nogwe iyo, liippogo logonip o. It ando nen, “Yi mendek ndi mendek nonggo logonet, Yogop ee'nu, ndogop ee'nu,” yinuk, wone lengganak nogo eekwi paga iniki kole eekkolaga'lek we aanom warogo eerit nogwe me, kit nen yogo logonet, “Wone ti paga niniki kole ee'ninaburak lek o. Ata, Ala iniki kunik en eeppinanege kagak niniki kole ariyak ti, op aret o,” yinuk, mbako logonip.