1 Korindut 12:16 - Ala Wone Peenok Peebi Mbanak

¹⁶ Ndi, aruk nen ari logonet, “An nogo, at enegen mendek lek me, at eebe paga kunik lek aret agarik o,” ari kenok, at eebe paga kunik lek abet aret mbakop?

1 Korindut 12:16 ပူးပေါင်းရင်းမြစ်များ

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

Oroma 12:3

Ala nen, “At yi, an noone yoranet nege logowak o,” yinuk, iniki kunik en onggo lek we aret unde eeppaneegerak nogo paga kit abok aret wone ambi yokkira o. Kit obeelom wone abet mbako mbareegup, Ala eyabu eeko logobagip nduk, kinalitak lombok unde eeppinagareegerak nogo, liippunuk, “An yi aret unde eeppanegerak kagi,” yinuk, ndak-ndak eerit nogo logonet, kat mbuuluk unde eeppagareegerak kagak, “An iya lombok unde eeppanegerak kagi,” yinuk, wogoppako logogup o. Ata, “An yi aret wo'negerak me,” yinuk, kiniki tebenak logonet, eerit nogo logonip o.

1 Korindut 12:15

Ti kenok, wone ogut wakkagak ambi yokkira o. Aap ambi iyok nen ari logonet, “An ti, at eenggi mendek lek me, at eebe paga kunik lek aret agarik o,” ari kenok, at eebe paga kunik lek abet aret mbakop?

1 Korindut 12:17

Nineebe abok tigitogon ti, ninigen mban ogobakkigi'netak en nonggop togon ninaruk konenggo logonetak mbakop? Ndi, nineebe abok tigitogon ti, ninaruk mban ogobakkigi'netak en, nonggop togon yi mendek ndi mendek obari kogo logonetak mbakop? Togop logorak meek o.

1 Korindut 12:22

Nit nineebe iya, ndi, nineenggi-niniyok yeregerak-peregerak nogo ti, meek mbakwi kwe, lek kenok, nineebe alik nen eeke logorak meek me, ti abu iya lombok aret o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.