1 Korindut 11:3 - Ala Wone Peenok Peebi Mbanak

³ At Ala abu'me ti, Keritut. Ndi, Keritut abu'me ti, aap. Ndi, aap inabu'me ti, kumi, togop aret monggoorak me, wone ti, liippubagip nduk, yokkiragi.

1 Korindut 11:3 ပူးပေါင်းရင်းမြစ်များ

Wakkagagerak 3:16

Yoge nagagerik, at Aliku Ala nen kwe nogo yoge, “Kat elege kabila a'nuk ndake logonet, enegen paganak yagan warogo ndarumunggun kwe, yagan ambinom anggon-panggon agago ndaganake logonok nduk, eeppagaminggirak paga elege enegen paganak andi yagan warogo ndake logomenggendak kwe, kogonggelo kiniki kunik eeppunuk at oone ari kenok mban, Konenikit o, yinuk, at abu'me tebe yinuk, logomunggun o,” yoreegerak.

Yetaya 52:13

Aliku ALA nen ari logonet, “An nayeloman nogo iniki warak lombok logonet eerit nagin me, Endage tiyappugwi, wogoppugwi, eerit nogo logogun o.

Yetaya 55:4

It aakumi inanebunu lombok abok aret ineenu aruwak nduk, an mippereegirak ti, kaawak o. An mippereegirak aakumi inarum waka yigin unde inowe at aret o.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Yaya 14:28

An nage logominggirik, kiya woraagin o, yokkiragarak nogo muk konenggotak o. An ti, mbuuluk negen. Ndi, an nogoba perak, nggwok aret me, kit kiniki kunik ee'nabenetak en, At ogoba ka nage me, yinuk, kiniki ale'nggen nggwok mbako logonetak.

1 Korindut 3:23

Ndi, kit kineebe ti, Keritut unde. Ndi, Keritut eebe ti, Ala unde aret o.

Epetut 4:15

Ata, nit aakumi niniki kunik en Ala ari menggerak wone nogo mban yorogo logonet, ninanobak kwak Keritut iniki abu koleewak menggi kwak, nit togop aret niniki kole ee'ninabuwak nduk, eerit nogo logowok o.

Kolote 1:18

Ala apuri yi awi ndi awi kuwak eerit nogo menggaarak lambuk togon Keritut eebe negen nit aret me, ninanobak kwak ti, at aret. Ndi, yi eekwi ndi eekwi alom unde nogo ti, at mban aret me, yi mendek ndi mendek abok aret tebenak kagak, at mban tiyanak logowak nduk, kambunuk nogo menggam nen aa'nduk at aret eenik agago mippereegerak.

Kolote 2:10

Ndi, kit Keritut kinom kunik wonogwe me, at Ala eebe li'luk aago menggerak nogo, kit kunduk kinoba li'luk agago pinagareegerak wonogwe me, alik ambi inom eeppinagarak mondok lek aret o. It wone lenggangga inom, inayuk warak inom, o oolo yayi menggaarak abok aret Keritut abu'me logonet, at oone mban aret konenggo menggaarak.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

Kolote 3:18

Kit kumi yi wae. Kit Ala apuri aret me, Ala apuri eeko mengga kwak, kinogonggelomini inabu'me logonet, inoone konenggo logonip o.

1 Peterut 3:1

“Kit aakumi inayeloman nen kinogobamini inoone liirogon konenggo logonip o,” yinuk, yokkiragarak nogo ndak-ndak, kit kumi kunduk kinogonggelomini inabu'me logonet, inoone liirogon konenggo logonip o. Kit Ala kinagabiti eeppunuk, kinobaabut obeelom logonet, kinogonggelomini inabuwa nen kinigen tebenak nugwi kiigo logomenggaarik, it kinogonggelomini ando iniki awo abet mbaka'lek nogo nen, “An ninom Yetut mugurok naakit,” mbaruwak nduk, inoone yokkirogwe iinok, kit nen wone onggo ambi yoraga'lek, we, “E o,” yinuk, liirogon eeko logonip o.