1 Korindut 10:32 - Ala Wone Peenok Peebi Mbanak

^32-33 An aakumi inale'nggen mbaruwak nduk, inake yi eekak ndi eekak eeke logonet, an obeelom logokit mba'nuk, eekkolage lek o. Ata, Ala nen it inagap ndaruwak nduk, obeelom eeppiinet nage minggirak nogo ndak-ndak, kit togon, it Yakuri mendek inom, Yunani mendek inom, Ala apuri yi awi ndi awi kuwak eerit nogo menggaarak abok aret eeppiinet nogo logonet, non mbanogo piyookwak, liippunuk, eeppiinet nogo logonip o.

1 Korindut 10:32 ပူးပေါင်းရင်းမြစ်များ

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 24:16

Togop me, Ala inom, aakumi inom, inenggaanom an ambi eeppiyaminggirak paga niniki penggenneegak eeke logokwak liippunuk eeke minggirak o.

Oroma 14:13

Togop me, nit-nit aret nabok-kabok yogo logorak mage o. Ata, nit ambi eerumonggoorak paga ninoreewi iniyogobit lik togon yigeebu wuppiigwi, inaru non mbanogo piigwi, eekwi niyo, liippogo logowok o.

1 Korindut 1:2

kit Ala apuri o Korindut kuwak eeko monggotak nogo, wone ambi yokkiraawi o. Kit Ala apuri logobagip nduk, kinayonggo pinaganuk, Keritut Yetut kinom kunik logobagip nduk, eerogo pinagage nagagerik, leenogo pinagareegerak inom, it yi awi ndi awi, “Ninowe Yetut Keritut aret o,” yinuk, yogo menggaarak inom, kit abok aret wone yokkirogo o. Yetut Keritut ti, nit inom, it inom, abok ninowe aret me,

1 Korindut 11:22

Wologwe! Kinagi-kinambi nonggo logorak kinawi wurik lek kenok, Ala awi wurik me ugun-ugun eeri unggwogo ogotik? Ndi, Ala apuri kuwak eeko menggaarak meek eerogo piigo logonet, it inamendek lek nogo inenggali kaawak nduk, eeginakwi lek mba'nuk yogo ogotik? Kit togop aret eekwi me, an nonggop yokkira? “Kit op aret eekwi o,” yinuk, yokkiroorak mbakop? Mondok lek o.

1 Korindut 12:28

Ndi, Ala nen at apuri kuwak eeko menggaarak inenggela'me nen aa'nduk nappiigak mendek leenogo piige, ti'nuk, it inabu'me Ala wone yorogo menggaarak mendek mippiige, ndi, it inabu'me Ala wone mamunirogo menggaarak mendek mippiige, ndi, it inabu'me eerubok mendek eekwi, aakumi andi obeelom eeginakwi, yeenggwaarogwe, wone koonogo piigwi, inoone lombok lalin yogwe, inalitak lombok eerit nogo logowak nduk, unde agago piinok mippiyareegerak me,

1 Korindut 15:9

An o maan nen Ala apuri kuwak eerit nogo menggaarak nogo piyak-payak eeginabit nege nagagirak me, “Nappiigak mendek,” yo'nogo logonetak lek kwe, an nogo, it aap nappiigak mendek inabu'me negen logokit nduk, leenogo paneegerak o, obak!

1 Korindut 7:17

Ala nen, “Aap ti, togop logowak o,” yinuk, koonogo pinagareegerak nogo togop aret logonet, ambi eeko logobagip nduk, unde eeppinagareegerak nogo ndak-ndak aret eeko logonip o. It Ala apuri kuwak eerit nogo menggaarak nogo, wone ambit ti mban aret lengganogo yorage minggirak.

1 Korindut 8:13

Togop me, an nengge paga noreewi yigeebu wanggwi iinok, an nen aret nggelenogo piyookwak me, an wam mondok nengga'lek aret logogin o.

2 Korindut 1:1

Ala iniki mbareegerak paga an Pawulut Keritut Yetut nen nappiigak agago paneegerak ninawot Timotiyut nimbirak nen, kit Ala apuri o Korindut kuwak eeko monggotak inom, it Ala apuri alik leenak o Akaya menggaarak inom, kinom abok aret wone ambi yokkiraawi o.

2 Korindut 6:3

Nit ambi eerumonggoorak paga yiluk ari kenok wone yokkirogo logorak unde eeppinaneegerak nogo, meek eerogo pukwak nduk, nit mondok liippunuk mban eeko ogoorik o.

Nggalatiya 1:13

An it Yakuri inoone mugurok nage logonet, eerit nege nagagirak nogo, kit muk konenggo nogogutak o. Ala apuri kuwak eerit nogo menggaarak nogo, ambi teppiyoorak mbarulik abok aret lek eerogo piyaakit nduk, mondok tigiren-muguren nege nagagirak nogo kineenu o.

Pilipi 1:10

Kit ti eeko logobagip nduk, kinake tamban eeke minggirak nogo ndak-ndak eekwi kiinok, yi mendek ndi mendek abut mbambunuk, abe kenok mban eeko logomonggotak me, Keritut woroorak eyom ti paga Ala endage alut eerak tiyanak logowak nduk, eyo anggen abu abe yi'nage menggi kwak, Yetut Keritut eeppinagage kagak obeelom mban eeko logomonggotak nogo paga at enegen kiige logomenggerik, “Kit maluk eerulik obeelom mban eeko nogotak o,” yinuk, oone kinoba pinagagin lek o.

Pilipi 3:6

Wone ti nogo, niniki kundugu lombok logonet, Ala apuri kuwak eerit nogo menggaarak nogo piyak-payak eerogo inoorit nege nagagirak. Obeelom eekkolaawak nduk, Muta wone ndak-ndak eeko menggaarak nogo, an togon ndak-ndak aret eeke nagagirak me, aakumi ambi nen inoone noba panega'lek aret wonogogwaarak.

1 Tetalonika 2:14

Noreewi o. It aap Yakuri nogo nen it Ala yorage kagak yoraga nogo inookwi, ninowe Yetut warogo pugwi, ndi, nit kunduk mugogo nappinanugwi, eeko nogogwaarak nogo nen it Ala apuri Keritut Yetut inom kunik logonet, o Yureya yi awi ndi awi kuwak eerit nogo menggaarak piyaginabit nogo nogogwaarak nogo ndak-ndak, it kinowe-kinawot nen kit togop aret eeppinagagwi iigak kinogogumbuk logonet, waganeegutak me, it inogogumbuk logonet, waganggo nogogwaarak ndak-ndak, kit togop aret waganggwi kiigi o. It Yakuri eereegwaarak nogo ti, it aakumi abok ineebi mbako logonet, inom ogoorak wonogwe me, Ala kunduk, inikilom inombakeelik mondok eebi inombake menggerak o.

1 Timotiyut 3:15

ambi yiluk ari kagak eerukwak, Ala apuri inenggela'me logonet, nonggop eerit nege logorak keenu a'nok nduk, liiru yi mbanggege agarik o. Wone Ala ari menggerak wone o eyak nu'lek wuraberak ti, Ala mondok eenik menggerak apuri kuwak eeko menggaarak nogo aret.

1 Timotiyut 3:5

Aap ambi nen at apuri lombok liirogon kooninake logorak kobak menggerak kenok, Ala apuri ti, nonggop togon kooninake logogin mbakop?

Urut 3:14

Yoge mbareegi, iyok irip me time aret nogo yege nagagerik, aakumi inete liippiyoorak meek, o awo weerikit nduk eeke kagak, at Mbowat nen yoge logonet, “Kwe ambi waabuk negen jelai anggen menenggo menggam wagaarak ineenu arukwak, aakumi abu yoroobok o.”