1 Korindut 10:18 - Ala Wone Peenok Peebi Mbanak

¹⁸ It aakumi Iterali eeko nogogwaarak nogo liippinip o. It Ala aanggo wonok wogwe inom, warogo Ala wogogo logonet, nunggwi inom, Ala nen ndak-ndak eeppiige menggerak lek mbakop?

1 Korindut 10:18 ပူးပေါင်းရင်းမြစ်များ

Ala Unde 3:11

mbi nake pogo mengga kwak, it an neebe unde nogo nen kani kunggo menggam taati kani kunuwak o. Ti eeko logorak nogo ti, Naliku ALA nake warogo kani kunggo logorak ti aret.

Ala Unde 7:6

Ndi, obaane'me pugu warak eebe nogo it an neebe unde aap kenok mban nonggo logorak kwe, abu mage lombok me, o mage leenak ambime nogome nen mban nonggo logowak o.

Ala Unde 7:7

An nake pugu lalenemenggaarak aberak wonogwe nogo lek aruwak nduk, obaane'me punuk, wako logonet, eeko logorak inom, inomaluk lek eerogo puwak nduk, wako logonet, eeko logorak inom, ti imbirak ndak-ndak aret me, inomaluk lek eerogo punuk, Ala inom lambunuwak nduk, it aap an neebe unde nogo nen nggami aanggo wakwi negen eekwi me, eebe warak ti, it aap an neebe unde inamendek aret o.

Oroma 1:3

Wone obeelom wone ti, Ala aput ninowe Yetut Keritut eereegerak wone nogo aret. At eebe ti, Ndawut ombooluk aakumi aret nda'nagagerak kwe,

Oroma 4:1

Togop me, wone yi, nit aakumi ninombo Abarakam eereegerak nogo nonggop yuwok o?

Oroma 4:12

Ndi, inagabolo mbanak ti kunduk, inombo Abarakam aret. We inagabolo mbanak ti paga inombo lek o. Ata, at Abarakam nen agabolo mbangga'lek kagak iniki Ala oba panggombunuk abet mba'nuk, eeke nagagerak nogo, nit togon ndak-ndak abet mba'nuk eekwi niinok ti, ninombo Abarakam aret o.

1 Korindut 9:13

It Ala awi wurik me yabu eeko menggaarak nogo, yabu eekwi onggo negen mbi Ala ake pugu nogo aret kologwe, ndi, it aap Ala aanggo warogo wogogo menggaarak nogo, warogo wogogo logonet, ando it nunggwi, eeko menggaarak nogo kineenggo'lek me yogo ogotik?

Nggalatiya 6:16

It wone ti paga panggombunuk, eerit nugwi nogo inom, ndi, Iterali mendek kwe, it abet mbakwi paga Ala apuri ogwe nogo inom, yi aakumi ndi aakumi abok aret Ala nen inabuwa mbake logonet, inomaluk mbo nappunuk iniki ugun tayenak ale'nggen logowak nduk, eeppiige logogin o.

Pelaareegerak 12:17

Ndi, at Aliku ALA ake pugu gandum inom, eyo anggur amburu ngget toolak inom, eyo tayitun amburu toolak inom, kinaanggumi lembu-tapi kambin-ndomba inaagalogwe aa'nduk ndarak inom, Ala togop wogorikit o, yinuk, kumbuk mbanogo puurak inom, onggo lek we aret Ala wogoriyak mendek inom, Ala wa, yinuk, wogoriyak inom, abok aret kiname time nen nonggo logorak perak, mondok mage o.

Iberani 13:10

It ooliya wuppunuk, Ala unde logonet, aakumi inake eeko menggaarak nogo nen nit Ala ake warogo wogogo monggom ndomba ninake warak yi, it na woroorak mondok lek o.