1 Korindut 1:26 - Ala Wone Peenok Peebi Mbanak

²⁶ Noreewi o. Ala nen awo yonggo pinagaga'lek kagak aa'nduk wonogogutak nogo kiniki abe'nip o. It aap iniki warak menggaarak inom, inayuk warak menggaarak inom, inendage tiyanak menggaarak nen ndarak inom, it aap nggween paga mendek nen, “Ia!” inombako menggaarak nogo abok aret kit aap togoti mendek kiinok, kinayonggo pinagulik o.

1 Korindut 1:26 ပူးပေါင်းရင်းမြစ်များ

2 Endagembogut 5:4

Kolaga Iterali mendek yereegerak nogo, at Naman aruk konengge nagagerik, ogoba endagembogut mbininogo yori nage mbareegi,

Ayup 37:24

Ndi, aakumi nen, Nit niniki warak aret o, yinuk, yogwe nogo at liippiigeelik me, Aakumi abok at mban ayuk wuko menggaarak o,” yinuk, yoreegerak.

Tepaniya 3:12

At kota enggela'me time it aap iniki tebenak logonet, yanggonak mban eekwi, It iniki Naliku an ALA noba panggombunuk, mu'neren wogwe, Eeko logomenggaarak nogo perak, O kota yime logowak nduk, teppiyaagin o.

Lukat 1:3

an kunduk, iyaalok nen eerit wage abok aret mondok liippit wagagirak me, yi wone ndi wone kat mamunggereegwaarak nogo, “Yi abet aret,” mba'nok nduk, mbininogo liiru mbanggiriyak ee'nake kenok, mbanggege agarik o.

Lukat 10:21

Ne ti eyom paga Aberiniki Yetut inikime mondok lik ari mbareegi, ale'nggen nen keyage wake logonet, “Mbogut nggween unde kat nogoba wa yokkege agarik o. Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, mbuulogwe ngget ndarak pogom paganogo yoragagindak me wa. Kinikilom mba'nuk eereegindak me, nogoba wa, yokkigi o.”

Nappiigak 13:12

Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 13:7

At ore ti, aap iniki warak lombok nggween kup mbanak arum menggerak gubernur endage Terigiyut Pawulut aret me, at ti nen Mbaranabat Tawulut imbirak Ala wone yo'niruwak, mba'nuk inayonggo pereegerak kwe,

Nappiigak 17:34

Wungge mbareegi, at o Areyopagut wone amburu mbangga mendek ambi Ndiyonitiyut inom, kwe endage Ndamarit inom, it ando inom, Pawulut inom lambunggo nogogwaarik, abet mbareegwaarak.

Oroma 11:29

At Ala nen miirogo obeelom eeppiyoorak koonggetak nogo ti, peebi iniki alik ambi koonggak eekeelik o.

1 Korindut 1:20

it aakumi iniki warak nogo ti, taani mbakop? It Ala wone unde ti, taani iigo ogotik? Ndi, wone alom kibingga ambi wonage nduk, yogo ogotik? Abu lek aret o. It nggween paga mendek nen, “Niniki warak logonet, koonggo o,” yinuk, yogo menggaarak nogo, at Ala nen, “It wi negen koombunuk, eekwi,” inombake kagak, yogo menggaarak nogo lek a?

1 Korindut 2:13

Ti kenok, Ala nen wo'niragagerak yokkirogwe nogo ti, it aakumi nggween paga mendek iniki nen, “An neenu nogo yokkira o,” yinuk, yorogo mengga kwak, yokkirogwe lek o. Ata, it aakumi Aberiniki inikime wonage kenok mban, Aberiniki ninikime logonet, mamunnirage kagak, wone alom nogo liirogon mbininogo yorogo monggoorak.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

Pilipi 4:22

Ala apuri ake leenak o yime wonogwe abok nen keyage wappinagagwi iigak, it Kayitat apuri logorogon nen kunduk, keyage wappinagaga mban o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

2 Yaya 1:1

Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.