1 Korindut 1:25 - Ala Wone Peenok Peebi Mbanak

²⁵ Aakumi nen wone aaninggin ambik me, iniki mondok kwippunuk togon kooniyak mbakwi nogo ti, Ala nen kooniyak teeluk aret kage, ndi, aakumi nen, “Aaninggin ambik me, nit apit ninomaawi paga eeriyak op,” mbakwi nogo ti, at Ala nen eeriyak teeluk aret mbake, eeke menggerak.

1 Korindut 1:25 ပူးပေါင်းရင်းမြစ်များ

Wundeegwaarak 13:17

At Pirawun nen Iterali mendek woraawak nduk teppiige mbareegi, Ala iniki mbake logonet, “Napuri Iterali yi, inawim nen inooriyak eekwi iinok, Ninooriyak kagak wogoorak nineebi o, yinuk, iniyokan yungguninuk o Metit nookwak me,” yinuk, aakumi Pilitin mendek wonogwe me, tu koorok ti paga wogoren noolik.

1 Korindut 1:18

It aakumi kanggo menggaarak nogo nen Yetut eyo karo-karo paga kambeegerak wone nogo konembunuk, “Yi wi inoone negen agan nugwi o,” yinuk, i'ndok kanggo menggaarak kwe, nit ninagap nda'ninake nogo nen perak, wone ti, waganggwi paga, Ala ninagap nda'ninake me, “Wone ti, Ala omaawi aret kogo o,” yinuk, mbako monggoorak.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

1 Korindut 2:14

Ala Aberiniki nen koonogo yo'nirage nogo ti, Aberiniki ninikime wonage kenok mban yelok kogo monggoorak me, it aakumi nggween paga mendek nogo, Aberiniki inikime wonage lek me, wone ti, konembunuk, ugun kobak logonet, “Yi wi wone negen aret kogo,” yinuk, mbo pogo menggaarak kwe,

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

2 Korindut 13:4

At aap nit kokwak eebe lebenak me nduk, abet aret eyo karo-karo paga warogo pereegwaarak kwe, Ala omaawi paga mippege mbareegi, eerit nege menggerak nogo kwak, nit togon, nineebe lebenak aret kwe, Keritut ninom abet aret kunik me, kinenggela'me logonet, Ala omaawi paga eerit nugwi niyaamunggup o.