1 Korindut 1:22 - Ala Wone Peenok Peebi Mbanak

²² It aap Yakuri mendek nen, “Niniki liippatuwok nduk, ninagabiti warak mendek ambi eeru o,” yinuk, yogwe, ndi, it Yunani mendek nogo nen, “It aakumi iniki warak mendek inoone yogwe liippuwok o,” yinuk, yogwe, eeko menggaarak kwe,

1 Korindut 1:22 ပူးပေါင်းရင်းမြစ်များ

1 Endagembogut 13:3

Ne ti eyom paga mban aap Ala wone liirogon eeka nogo nen ineenu agak ambi eeriyak nduk ari logonet, “Aliku ALA nen, Ineenu agak eerigin, yegerak nogo yi o. Warogo kani kunggak ogobakkigirik ti, yangguk ari logonet, wun a'nggan yumbu-yumbu wambigin, yegerak o,” yinuk, yoreegerak.

Marakut 8:11

O Ndalamanuta wunda wogo mbareegwa, it Pariti mendek nen at owagam nogo nogogwaarik, inom wone wako logonet, “Nineenu ariyak mbogut paga mendek ambi eeke keyaawi o,” yinuk, at eeke abut mbanuwok nduk yoreegwaarak.

Lukat 11:16

ndi, it ando nen at iniki abut mbanuwok, mbako logonet, “Mbogut paga nineenu ariyak ninagabiti warak mendek ambi eeru o,” yinuk, at yogwi, eereegwaarak.

Lukat 11:20

An nen Ala eenggi omaawi paga kugi nggiginogo wumbiige neenok perak, Ala abu'me pinagarak muk kinowagam wagaarak aret mbako logonip o.

Yaya 2:18

It aap Yakuri nen at yogo logonet, “Kat yi eekendak nogo, ta nen yokkereegerak paga eekendak nineenu aruwok nduk, ambi nano eeke keyaawi o.”

Yaya 4:28

Eeka'lek wonogwe iigak, kwe nogo nen agiiwak mbo punuk, ame o kota nogome nage nagagerik, aakumi yoranet nage logonet,

Yaya 4:48

Yoge mbareegi, Yetut nen at yoge logonet, “Eerubok mendek eeke, kineenu ariyak kinagabiti warak mendek eeke, eeke neyaamunggup lek kenok, kiniki noba panggombunuk, abet nombarumunggup lek kiigi o.”