1 Korindut 1:1 - Ala Wone Peenok Peebi Mbanak

¹ Ala iniki mbareegerak paga an Pawulut nappiigak mendek logonet, Keritut Yetut wone wonok nege logokit nduk, nayonggo paneegerak ninore Totenet nimbirak nen

1 Korindut 1:1 ပူးပေါင်းရင်းမြစ်များ

Lukat 6:13

O weege mbareegi, at oone waganggwi nogo woraawak nduk, wiiragagerak wogo mbareegwa, aap ineebe 12 miirogo leeninake nagagerik, inendage, “Nappiigak,” aret tooninabeegerak.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Yaya 20:21

Inale'nggen ambik mbakwi iigak, Yetut nen ambinom yorage logonet, “Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.”

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 18:17

Wumbiige mbareegi, mi'nogo logonet, it Yakuri tamban eeko menggam unde menggerak at Totenet nogo, pigogo, wone amburu mbanggo menggam taa'nogo nen yawi wakwi iigak, at Nggaliyo nen, “Inobaalombok,” mba'nuk, puk agagerak.

Nappiigak 22:21

Yoge mbareegi, ti'nuk, nogoba nen an yo'nege logonet, It aap endekem wonogo menggam o nda time nappagarak, mbakirak me, nak o, yo'nege kagagirak o,” yinuk, yoragagerak.

Oroma 1:1

At Ala nen an Pawulut Keritut Yetut ayeloman nogo, nappiigak mendek logokit nduk, yonggo panege, at oone obeelom wone yoranet nege logokit nduk, leenogo panege, eereegerak me, an wone ambi yokkira o.

Oroma 1:10

An pekkiya woroorak mbake minggirak me, Ala nen, “Yogondak aret pegiya nawak,” nomba'nuk, tu koonogo panuwak nduk, tamban mban eeke agarik o.

Oroma 1:5

Ninowe Yetut Keritut eereegerak paga, Ala iniki kunik en eeppanege kagak, it yi aakumi ndi aakumi abok aret iniki abet mba'nuk obeelom wone liirogon woppunuk, eeko logowak nduk yoranet nage, Yetut Keritut endage nggwok aruwak nduk, tiyappit nage, eeke logokit nduk, an neyabu nappiigak mendek agago paneegerak.

1 Korindut 15:9

An o maan nen Ala apuri kuwak eerit nogo menggaarak nogo piyak-payak eeginabit nege nagagirak me, “Nappiigak mendek,” yo'nogo logonetak lek kwe, an nogo, it aap nappiigak mendek inabu'me negen logokit nduk, leenogo paneegerak o, obak!

1 Korindut 3:9

Nit Ala ninom kunik logonet, eeko monggoorak me, Ala eyabu aago inom, at awi wurik inom, ti kit kineebe aret ogotik o.

2 Korindut 1:1

Ala iniki mbareegerak paga an Pawulut Keritut Yetut nen nappiigak agago paneegerak ninawot Timotiyut nimbirak nen, kit Ala apuri o Korindut kuwak eeko monggotak inom, it Ala apuri alik leenak o Akaya menggaarak inom, kinom abok aret wone ambi yokkiraawi o.

2 Korindut 11:5

It wone yokkira wagaarak mondok iya mba'nuk, tiyappiigwi nogo ti, it iya, ndi, an meek, an togop mbake lek o.

2 Korindut 12:12

Kit nen, “Pawulut yi, Ala nen nappiigak mendek logowak nduk, abet aret leenogo pereegerak,” nombarubagip nduk, an niniki kwi'ndak kinenggela'me logonet, yokkirage neegak, kineenu ariyak mendek inom, eerubok mendek inom, kinagabiti warak mendek inom, abok aret Ala nen eeke nagagerak nogo o.

Nggalatiya 1:1

It aakumi nen mippanugwi, aap ambi iniki koombunuk, mippanege, eerulik o. Ata, at Yetut kambunuk nogo menggam nen eenik agago mippereegerak ninogoba Ala ninowe Yetut Keritut imbirak nen, nappiigak mendek agago mippaneegwaarak an Pawulut nogo nen, kit Ala apuri o Nggalatiya kuwak eerit nogo monggotak nogo, wone ambi yokkira o. Noreewi apit ninom wonogwe nogo nen keyage wakkinako o.

Epetut 1:1

Ala mbareegerak paga Keritut Yetut ayonggo nappiigak mendek agago paneegerak an Pawulut nogo nen kit Ala apuri at ake leenak Keritut Yetut kinom kunik logonet, obeelom wone liirogon mugurok nogo monggotak o Epetut wonogwe nogo, wone ambi yokkira o.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

Kolote 1:1

Ala iniki mbareegerak paga Keritut Yetut ayonggo nappiigak mendek agago paneegerak an Pawulut ninawot Timotiyut nimbirak nen

1 Timotiyut 1:1

Naput Timotiyut wae. At ninagap ndaka Ala inom, niniki lunik Keritut Yetut inom, imbirak nen wone lengganogo yo'nereegwaarak paga an Pawulut Keritut Yetut ayonggo nappiigak mendek agago paneegwaarak nogo nen, nit apit abet mbakwi nogo paga an naput lombok agagindak me, wone ambi yokkiri o. At ninogoba Ala ninowe Keritut Yetut imbirak iniki kunik nen wokkugwi, kabuwa nen obeelom eeppagagwi, ndi, kiniki ugun tayenak ale'nggen logonok nduk, eeppagagwi, eeko logogun o.

1 Timotiyut 2:7

Ala nen yi aakumi ndi aakumi abok eeppiyoorak kooneegerak nogo, it aap endekem mendek Ala ari menggerak wone ineenu a'nuk, abet mbariyak wone nogo, agan nage logokit nduk mippanege, ndi, yi awi ndi awi yoranet nege logokit nduk, nappiigak agago panege, eereegerak o. Wone ti, pilit lek abu abet aret yokkigi o.

2 Timotiyut 1:1

Timotiyut wae. Kat naput niniki kunik aret me, at Ala mbareegerak paga nit Keritut Yetut ninom kunik logonet, nineenik mondok logorak wone abok yo'niragagerak nogo yorage logokit nduk, Keritut Yetut ayonggo nappiigak agago paneegerak an Pawulut nogo nen wone ambi yokkiri o.