1 Endagembogut 9:6 - Ala Wone Peenok Peebi Mbanak

⁶ Togop eeppagagin kwe, kat ilik, kapuri a, wone, Yogop ee'nu ndogop ee'nu, yugu inom, wone lengganak inom, an yokkiragagirak nogo eeka'lek taganogo mbo punuk, melak togon an Ala nalut eekwi nobaane'me kugi eerit nogo logonet, inayuk wukwi kiinok perak,

1 Endagembogut 9:6 ပူးပေါင်းရင်းမြစ်များ

2 Endagembogut 18:12

Ti eereegerak nogo ti, Aliku ALA nen wone it Iterali inom koonogo pereegerak ayeloman Muta nen, “Yogop ee'nu ndogop ee'nu,” yoragagerak nogo, inaruk konembunuk liirogon eekwi, Aliku inogoba Ala oone konembunuk mugurok nogwe, eeka'lek taganogo mbo pereegwaarak ti paga eereegerak.

1 Mbinineegwaarak 28:9

Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.

2 Mbinineegwaarak 15:2

aap Ata ka nage nagagerik, “Kat Ata inom, Yekura mendek abok aret inom, Mbeniyamin mendek inom, wone yokkirage yi, konenggo logonip o. Kit nen Aliku ALA ninom logorak, mbakwi kenok, at kinom aret logogin o. At kwaarit nogo logomonggotik, eebe aret kwaakkaamunggup kwe, at mbo pugwi kiinok perak, at nen kit mbo pinagagin o.

Ndawi 89:30

Togop eerigin kwe, at apuri-ombowologwe nogo nen Noone yugu liiru mbanak nogo munogo mbo pugwi, Eeko logorak wone koonogo pereegirak nogo Mugurok nogwe lek tayoppugwi,

Ndawi 89:31

Wone lengganogo yoragagirak nogo lalenogo pugwi, Wone, Yogop ee'nu ndogop ee'nu, yoragagirak nogo Eeka'lek mbo pugwi, Eekwi iinok perak,

Ndawi 89:32

Noone taganemenggaarak onggo yawi paga inooke, Inomaluk onggo ya'mbiran nggora eerogo piige, Eerigin o.

Yeremiya 26:4

Naliku ALA yagarak ambi yoroorak yi aret. Eeko logorak nawone yugu eeko logowak nduk, lengganogo yoragagirak nogo, konembunuk mugurok naga'lek mbo pugwi,

Leendawi 1:8

O kota Yerutalem ti, maluk lombok eerit nage nagagerak me, ogole warak aret wonage agaarik o. Aa'nduk at ayuk wuko nogogwaarak abok aret nogo nen agap mbelanak wonage inigen kenok, meek eerogo pugwi, Ndi, at kunduk, “Nonggop agi?” yinuk, enggali nen ena ambokan na'nagik wonage, Eeko agaarik o.

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,