1 Endagembogut 9:28 - Ala Wone Peenok Peebi Mbanak

²⁸ Talomo apuri inom o endage Opit ari nanuk, mbuti emas aaninggin empat belas ribu lima ratus wakkagak waganggo nogogwaarik, wonok aap endagembogut Talomo nogo wogori wogogwaarak.

1 Endagembogut 9:28 ပူးပေါင်းရင်းမြစ်များ

Wakkagagerak 10:29

Opit, Kawila, Yobap, aret ndaganabeegerak me, it yi abok at Yokatan apuri aret.

1 Endagembogut 10:11

Ndi, aap Kiram ayiiro nogo paga o endage Opit nen mbuti emas inom, eyo ndiindi ambik lombok inom, yugum onggo nggwok nogo mendek inom, wonok at Talomo wogori wogo nogogwaarak.

1 Endagembogut 10:14

Tahun ambi eekak paga mbuti emas Talomo wogori wogo nogogwaarak ti, aaninggin dua puluh tiga ribu aret age nagagerak.

1 Endagembogut 22:48

Ndi, o Erom nogome inowe endagembogut ambi logolik aret me, aap wone koongga inowe ambi nen inowe endagembogut negen a'nuk, inarum wonagagerak.

1 Endagembogut 22:49

Aap Yotapat nen mbuti emas o endage Opit time wa nawak nduk, yi mendek ndi mendek wonok nagak yiiro ambik ogobakkigirogo pereegerak kwe, awo wa naga'lek kagak, o Etiyon-Nggebet nogome yigirik-noonom eerogo pit nagagerak.

1 Mbinineegwaarak 1:23

Opit, Kawila, Yobap, ndaganabeegerak. At Yokatan nen apuri ndaganabeegerak nogo ti aret.

1 Mbinineegwaarak 29:4

Ala awi wuko logonet, kobat nabenggwi, yi mendek ndi mendek mbuti perak-emas paga ogobakkigikwi, ndi, it aap mbuti perak-emas paga yi mendek ndi mendek ineenggi amburu paga ogobakkigikwi, eeko logowak nduk, mbuti emas abu obeelom Opit mendek aaninggin seratus ribu inom, mbuti perak abu kigirikwe aaninggin seratus tujuh puluh ribu inom, ti muk pipuk eerogo pigirak me, o yogondak aap ambi ta nen Aliku ALA ake iniki ale'nggen nen wogoriyak mbake kenok, wogoriyak aret o.”

2 Mbinineegwaarak 8:18

O time nagagerak wonage me, at Kiram apuri niyo kole yenggenak laut eeke menggerak abu ineenu me, ayiiro it ti nen wonok woraawak nduk, nappiya wage mbareegi, Talomo apuri inom o Opit ari nanuk, mbuti emas aaninggin enam belas ribu wakkagak waganggo nogogwaarik, wonok, aap endagembogut Talomo nogo wogori wogogwaarak.

2 Mbinineegwaarak 9:10

Ndi, aap Kiram apuri inom, at Talomo apuri inom, nen o Opit nen mbuti emas wonok wogo logonet, eyo ndiindi ambik lombok inom, yugum onggo nggwok nogo mendek inom, wonok at Talomo wogori wogo nogogwaarak.

Ayup 22:24

Kawu mbuti emas nogo, Yi nggween mendek aret o, yinuk, mbo pege, Mbuti emas abu abe o Opit mendek kat porogo wonage nogo, Yi yugum anggen kwak aret o, yinuk, niyo inikime mbo mambege, Eeppunuk,

Ayup 28:16

Mbuti emas abu abe o Opit mendek nogo paga kunggwi, Yugum kere'li-kere'lo eerak onggo nggwok yebibit ilik, ye kibu-kibu a? ti paga kunggwi, Eeriyak meek o.

Ndawi 45:10

Togop me, kat kolaga yi wae. Karuk o! Wone an yokkege yi, liippege, karuk konengge, Eeke logot o. Kat abu kigirikwe keenok, aap endagembogut ti, Iniki kat paga perenggerak wonage me, “Nogoba at aret o,” yinuk, Kat mendek inom, kogoba inom menggaarak inom, Mbo piinok, at abu'me tebe yi namunggun o.

Ndawi 45:9

It kumi kake eekwi kiniki kunik aganake inenggela'me Aap inendagembogut inapurilogwe inom aret wonogwe, Ndi, keenggi abe'nggan kakwe kwe nggwok nogo Ayum mbuti emas o Opit mendek paga ogobakkigirik yirik mi'ndak wonage, Eeko agaarik o.

Wone Alom Kibingga 2:8

aap inendagembogut inom, it inabu'me logonet yi o ndi o unde menggaarak inom, inamendek iniki kundugu mbuti perak inom, emas inom, kuwak eerogo pako menggaarak mendek, an kuwak eerogo pake, ndawi tiyanggak kumi-aap koonogo piige, aap iniki ale'nggen eeppiigak kumi nogo kuwak eerogo piige, eeke nagagirak o.

Yetaya 13:12

Mbuti emas at mendek mban eerak ti, mbuuluk aret wonage kwe, Aakumi ineebe ti, abu lek ambitak negen teppiige, Ndi, mbuti emas o Opit mendek ti, mbuura'luk wonage kwe, Aakumi ineebe perak, abunuk mbuura'luk mban inili eerogo piige, Eerigin o.