1 Endagembogut 8:9 - Ala Wone Peenok Peebi Mbanak

⁹ Ala aloobut mbanak nogome ti, alik ambi inom yonggolak logolik. Ata, it aakumi Iterali mendek o Metit nen wundi wogo nogogwaarik, puut Korep paga ari wogogwaarak wonogwe me, at Aliku ALA nen aakumi Iterali inom wone koonogo pereegerak yugum tabak mbere paga mbanak Muta yonggoleegerak nogo mban aret wonagagerak.

1 Endagembogut 8:9 ပူးပေါင်းရင်းမြစ်များ

1 Endagembogut 8:21

Aliku ALA nen nit ninombomini o Metit nen wogoren wundi wage logonet, wone inom koonogo pereegerak aloobut mbanak me yonggolak wonage nogo logorak awi wukirak o,” yinuk, yoragagerak.

2 Mbinineegwaarak 5:10

Ala aloobut mbanak nogome ti, alik ambi inom yonggolak logolik. Ata, it aakumi Iterali mendek o Metit nen wundi wogo nogogwaarik, puut Korep paga ari wogogwaarak wonogwe me, at Aliku ALA nen aakumi Iterali inom wone koonogo pereegerak yugum tabak mbere paga mbanak Muta yonggoleegerak nogo mban aret wonagagerak.

2 Mbinineegwaarak 5:9

Eyo eewu'nuk nogo menggaarak nogo, nggorek lombok me, ko akem manggagak endekem nggwe mage menggim pugu me, irip kin kogo nogogwaarak kwe, mage menggim endekem nen inigen kaga'lek aret wonagagerak me, o yogondak kuli togop aret wonage o.

Wundeegwaarak 13:21

Wogwe iigak, at Aliku ALA nogo aa'nduk a'nuk, o liingge kenok, ndugwi paga mugurok wogo logowak nduk mippege, o kiip age kenok, ndi eya paga wogo logowak nduk, ndi wuninogo mippege, eereegerak paga aakumi Iterali nogo liingge-oonikiya aret wogo nogogwaarak.

Wundeegwaarak 14:24

kuubondendok towe oone awo ari kagak, at Aliku ALA ndi wuninik ndugwi enggela'me wonage nogo nen ena wu'nage logonet, aap ineegin warak Metit mendek Iterali muguren wogwe enegen iige nagagerik, inaganak waganogo piige,

Wundeegwaarak 16:10

Yoge mbareegi, at Karun nen aakumi Iterali kuwak aago abok aret wone awo yorage kagak, it nogo ina karume na'nogo nogogwaarik, ndugwi enggela'me nen Aliku ALA abinak pindanggage kogogwaarak.

Wundeegwaarak 16:33

Yorage nagagerik, Muta nen Karun yoge logonet, “Togolowak ambi wagangge logomenggendik, mbi nogo 2 liter wakkagak yonggoppunuk, ninombowologwe ineenu aruwak nduk, inake Aliku ALA enggaanom paga leenogo punu o.”

Wundeegwaarak 25:16

Ndi, naloobut mbanemenggaarak inikime ti, Yogop ee'nu ndogop ee'nu, yinuk, wone yugu yugum paga liiru mbanogo wokkirigin nogo aret yonggologo puwak o.

Wundeegwaarak 25:21

Ti piigo logomenggaarik, Yogop ee'nu ndogop ee'nu, wone yugu yugum paga ayo waganogo wokkirigin nogo naloobut mbanemenggenom time yonggoppunuk, abit narogo pumunggun o.

Wundeegwaarak 40:20

Eeke nagagerik, at Aliku ALA nen Muta yoreegerak nogo mondok ndak-ndak Ala wone yugum paga mbanak nogo waganogo aloobut mbanak me nogome yonggologo punuk, abiringga narogo pege nagagerik, eewu'nuk negak eyo loonak nogo tenggen yarak me nogome mambunuk, aloobut mbanak wonok ooliya wurik mage lombok logowam nogome pi unggwagagerak. Pi unggwage nagagerik, aloobut mbanak me Ala wone yugu yonggolak nogo taberak logowak nduk, yum tabak nogo tugunogo wuppi wagagerak.

Yetikiyen 10:4

Kage neegak, it kerub inirimbaga Aliku ALA abinak wonage nogo lagangge nagagerik, Ala awi wurik tu unggwogo menggam irimbaga ari nage mbareegi, at awi wurik inikime time ndugwi nogo, yagabit eerogo pege, oore'nggam nogome Aliku ALA abinak lombok pindanogo pege,

Ala Unde 16:2

“An ninom lambungge minggim naloobut mbanak abit narak irimbaga ndugwi enggela'me nen an neebe nigiige minggirak me, yum tugunik endekem nggwe kagak naloobut mbanak an ninom lambungge minggim o mage lombok menggim nogome kat kowe Karun ugun unggwi wage kenok, kambukwak me, ugun unggwi woroorak mage, yoru o.

Linggineegwaarak 17:10

Waganggwi iigak, at Aliku ALA nen Muta yoge, “It aakumi an noone taganogo pugwi yi, ineebi-ineeba yo'nugwi paga kambukwak, an ambinom konenigin lek ineenu ogo logomenggaarik, inoone lek logowak nduk, at Karun owaanggun ti wagangge logomenggendik, iyokan an noone yugu naloobut mbanak me wonage me enaame taati pi nak o.”

Linggineegwaarak 9:15

Ala wone yugu aloobut mbanak me yonggolak logorak awooliya nogo abu aret wurogo pogo mbareegwa, ne ti paga aret Aliku ALA awooliya wurik paga ndugwi lenggeni wage logonet, oonikiya nen kuubondendok kuli ti, kani wuninik abinak negen ooliya wurik irimbaga wonage, ndi, liingge ti, ndugwi pogom obaga lenggenak wonage, eeke nagagerak.

Pelaareegerak 31:26

“At Aliku ALA nen eeko logorak wone yereegerak mbuku paga liiru mbanogo pigirak yi, it aakumi Iterali mendek alik eekwi iinok, iniki mondok-mondok penggenggagak eeke logowak nduk, waganggo logomonggotik, at Aliku kinogoba Ala ninom wone koonogo pereegurak aloobut mbanak me yonggolak nogo eraanu time pinip o.

Pelaareegerak 4:13

Kit eeko logomunggup nduk, Yogop ee'nu ndogop ee'nu, yinuk, kinom eeko logorak wone 10 abuk nggaruk togon koonogo punuk yokkirage nagagerik, yugum tabak mbere'ndak paga liiru mbambunuk,

Iberani 9:4

obari abe kaga kunggo menggam mbuti emas paga ogobakkigirik nogo, time aret wonagagerak. Ndi, togolowak mbuti emas paga ogobakkigirik me, mbi mana ando yonggolak inom, aap Karun owaanggun paga agarip wundeegerak nogo inom, ndi, Ala nen wone yugum paga liiru mbanogo Muta wogoreegerak nogo inom, abok aret Ala aloobut mbanak enaagan-ambokan mbuti emas mban nabenak wonagagerak nogome yonggolak o akenggwe Mage Lombok Menggim time aret wonagagerak.

Wayu 15:8

Wogorage mbaki, Ala mondok omaawi ambik me, eebe eya ndelenak-welenak eeke paga nen ka'luk wungge logonet, Ala awi wurik me mondok endak wa'nage mbaki, it malayikat ineebe 7 nogo nen andi aganaburak kugi alom 7 aakumi inoba nappiigwi nogo, worok togon nappiiga'lek iigak, aakumi nen Ala awi wurik me time ungguurak meek aret age kagarak.