Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Endagembogut 8:61 - Ala Wone Peenok Peebi Mbanak

61 Togop aret me, wone lengganak inom, wone, Yogop ee'nu ndogop ee'nu, yugu inom, Mugurok nogo logowok o, yinuk, kiniki inom, kineebe inom, at Aliku ninogoba Ala mondok nggaruk togon wogo'nuk, yogondak eekwi yi kokwak aret eerit nogo logomunggup o,” yinuk, yoragagerak.

အခန်းကိုကြည့်ပါ။ ကော်ပီ




1 Endagembogut 8:61
14 ပူးပေါင်းရင်းမြစ်များ  

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”


Togop aret eereegerak me, at Talomo abu anggok ari nage kagak, akuwi nogo nen Ala mbo punuk, at Ala obaane'me kugi eerit nawak nduk, iniki nomoninuk nogo mbareegwa, ogoba Ndawut iniki inom, eebe inom, Aliku ogoba Ala panggombunuk, mugurok nage nagagerak ti kokwak, at eeke logolik.


At Ata nogo puut-puut paga kugi inake warogo wogogo menggam ogobakkigirik ando abok lek eerogo puulik kagak kwe, kangga'lek eenik wonage logonet, iniki mondok Aliku ALA oba panggombunuk, liirogon aret eerit wundi wage nagagerak.


At Abiya nogo, ombo Ndawut ogoba Aliku ALA iniki oba panggombunuk, abu liirogon eeke nagagerak ndak-ndak, at togop eeke logolik. At mi'naga'lek kagak, ogoba yi maluk ndi maluk eerit nage nagagerak kokwak, at maluk togop aret eerit nage nagagerak.


At Talomo nogo nen Aliku ALA iniki kunik kaawak nduk, ogoba Ndawut nen eeke logorak wone lengganogo yoreegerak nogo, ndak-ndak eeke nagagerak kwe, warogo wogogo menggam puut-puut time warogo wogoge, obari abe kaga nogo mendek inom wogoge, eeke nagagerak.


“Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.


Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.


It aakumi nogo inoweewi inamendek ili yuulik iniki ale'nggen nen, “Aliku ALA ake wogori o,” mba'nuk, nggaruk togon wogogwi iinok, it iniki ale'nggen mbakwi, ndi, at endagembogut Ndawut kunduk, togop aret iniki ale'nggen ambik age, eereegwaarak.


Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.


Yoge mbareegi, Aliku ALA nen Tile yoge logonet, “An nayeloman Ayup aakumi o nggween paga wonogwe ndak-ndak lek at iniki abu koonak kenok, aakumi inoone at oba pega'lek wonogwe iigak, an Ala nayuk wuke, ndi, Maluk neebi o, yinuk, mbo pege, eeke menggerak nogo liippege agandik ilik, lek a?”


It aap mage mili mbangga nogo Inapuri ambik wigannarit wundi wogo menggaarak me, It aap maluk inoba lenggenggulik nogo liippiigwi, It aap iniki koonak nogo maloppiigwi, Eeko logonip o.


Togop me, noreewi o. Kit an niniki kunik me, Ala nen wone yereegerak ti, nit niinok aret yo'niragagerak me, ninikime nen maluk eeriyak koonggwi, eebe aret eekwi, eeko monggoorak nogo abok aret mbo punuk, Ala ninagabiti mbako logonet, maluk eeka'lek at ake leenak obeelom mban eekwi niyaawak nduk, eeko logowok o.


Togop aret me, at Aliku kinogoba Ala enggaanom paga kineenik logonet, kinawinde-kinobaande eekkolaga'lek abu obeelom mban aret logomunggup o,” yoragagerak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ