1 Endagembogut 8:56 - Ala Wone Peenok Peebi Mbanak

⁵⁶ “At Aliku ALA nen, Ndogop eeppiyaagin o, yinuk, at ayeloman Muta wone obeelom mendek mban koonogo yoge mbareegi, nit yo'niragagerak nogo ndak-ndak, ambit-ambi yobonogo mbo puulik a'me lik togon aret eeke logonet, nit at apuri Iterali yonggonggologo logowok nduk, eereegerak me, Aliku ALA endage tiyappogo logowok o.

1 Endagembogut 8:56 ပူးပေါင်းရင်းမြစ်များ

2 Endagembogut 10:10

At Aliku ALA nen wone abuk nggaruk togon ayeloman Eliya yoge mbareegi, yoragagerak nogo ndak-ndak, Aliku ALA nen aap Akap paga wiganak inom eeppiyoorak yereegerak wone nogo, ambi yobonnarulik a'me lik yereegerak kineenu arumunggup nduk, yokkiragi o,” yinuk, yoragagerak.

1 Mbinineegwaarak 16:36

Iterali inogoba Aliku Ala ti, Aa'nduk nen nok age yobok kuli Endage mondok-mondok tiyanak menggerak me, Alut eekak mban yogo logowok o,” yinuk, ari mbareegi, it aakumi abok aret, “Ti abet aret yagan o,” yinuk, Aliku ALA alut eereegwaarak.

1 Mbinineegwaarak 22:9

Peebi kat kaput aap ndaremenggendak nogo ti, aakumi iniki ugun nu'lek logowak nduk eerogo piiga aret logogin o. At inom wim mbanak enaagan-ambokan wonogwe nogo, at ineebi mbarugun lek inom lambunik logowak nduk, eerogo piyaagin o. At endage ti, Talomo aret. Ndi, at inowe endagembogut logonet, wone lengganogo yorage kagak aakumi Iterali mendek abok aret wone ambi inoba aga'lek iniki ugun tayenak aret logogun o.

2 Mbinineegwaarak 14:6

At Aliku ALA nen o ti abolok lek logowak nduk, eeppereegerak paga yi tahun ndi tahun eeke ti eyom paga inom wim eeri woroolik o ti obeelom aret wonagagerak me, at Ata nen o Yekura kota-kota pak wurogo pit nagagerak.

Wundeegwaarak 18:10

Iniki ale'nggen mbake logonet, “At Aliku ALA nen at Pirawun awuri Metit mendek inom ineenggime nen inagap ndake, ndi, aakumi Iterali it Metit mendek inabu'me tebembiinok wonogogwaarak nogo wondet eerogo piige, eekerak me, Aliku ALA, Wa! yinuk, alut eeki o.

Lukat 21:33

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yinuk, yoragagerak.

Pelaareegerak 12:10

Ata, niyo Yoraran mbanogo pegak wunda nogo logomonggotik, at Aliku kinogoba Ala nen kineyate kokwak kinanggween wokkiramenggerak nogome unde eeppatinuk wonogwe kiigak, kiniki ugun tayenak aret logomunggup nduk, kinawim kinaagan-kinambokan nen maluk eeppinagukwak, Aliku ALA nen liirogon kinarum wonage kagak,

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

1 Tamuwen 3:19

Ndi, Tamuwen nogo tawe age kagak Aliku ALA imbirak wonagagerak me, Ala nen yi wone ndi wone yegetak nogo mbo puulik li'luk aret eeke nagagerak.