1 Endagembogut 8:47 - Ala Wone Peenok Peebi Mbanak

⁴⁷ keele maarak wonogo logonet, Nit abu maluk lombok eekoorak o, mba'nuk, iniki yungguk togon inomaluk mbo punuk, o keele maarogo piya namenggam nogome nen kat yokkogo logonet, Ninogoba o. Nit maluk lombok eekwi, ninobaabut maluk lombok logonet, ninggin-nanggin eekwi, eekoorak o, yinuk,

1 Endagembogut 8:47 ပူးပေါင်းရင်းမြစ်များ

1 Endagembogut 8:33

It kapuri Iterali mendek nen kat maluk eeppagamenggaarak paga inawim nen tebenogo piya unggwogwe iinok, it iniki yungguk togon kat kawi wurik me yime unggwi woraanuk, Kendage maluk eerogo pagago o, yinuk, inomaluk paganggwi, tamban eekwi, nggino yokkugwi, eekwi iinok,

2 Mbinineegwaarak 6:37

keele maarak time wonogo logonet, Nit abu maluk lombok eekoorak o, mba'nuk, iniki yungguk togon inomaluk mbo punuk, o keele maarogo piya namenggam nogome nen kat yokkogo logonet, Ninogoba o. Nit maluk lombok eekwi, ninobaabut maluk lombok logonet, ninggin-nanggin eekwi, eekoorak o, yinuk,

Ndawi 106:6

Ninombomini maluk eeko nogogwa kwak, nit maluk eekwi, Nit kat koone tagambunuk maluk lombok eerit nugwi, Eeko nogogurak o.

Yetikiyen 16:61

At oreewologwe aa'nduk ndarak inom, peebi ndarak inom, nogo ti, an nen at aagalogwe negen aruwak nduk, wogoge neenok, at maluk eerit nage nagagerak nogo abeke logomenggerik, Ndogop eekirak, ao, yinuk, yigin o. At aagalogwe negen aruwak nduk, wogoriminggirak nogo alom ti, nimbirak wone koonogo pereegirak paga eerigin lek o. Ata, an alik aret koombunuk eerigin o.

Yetikiyen 16:63

Ndi, at eerit nege nagagerak nogo lek eerogo punuk, nimbirak lambungge neenok, at eeke nagagerak abe'nage logonet, Ndogop eeriyak mendek eekirak, ao, yinuk, mbake, ndi, mondok enggali mbarit unggwage kenok, wone ambi yigin lek mondok-mondok puk age, eerigin o, yinuk, Naliku Nitok Minggirak an ALA nen aret yagarak me, yoru o,” yinuk, wone yi abok aret an yo'nege mbareegi, yoreegirak.

Yetikiyen 18:28

At maluk ambik eeke logomenggerak nogo, Abet aret eeke nagagirak o, yinuk, mbo pemenggerak ti paga at kambigin lek abet aret eenik mondok logogin o.

Agayi 1:7

Togop me, at Omaawi Lombok Menggerak Aliku ALA nen ambinom ari logonet,

Takariya 10:9

An nen it ineebe waganogo yi aakumi ndi aakumi inenggela'me nappiyaminggirak kwe, O nda time wonogo logonet, an abe'nako logogun o. It inapuri inom ineebe op aret logomenggaarik, ti'nuk, iniyokan iname woraagun o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

1 Tamuwen 7:6

Yorage mbareegi, it apit aret o Mitapa taati kuwak ari nogo nogogwaarik, niyo toologo Aliku ALA enggaanom paga kilirogo punuk, ne ti eyom paga inambe mage negen logonet, “Nit at Aliku ALA maluk nggwok eeppogoorak o,” yinuk, paganggo nogogwaarak. O Mitapa inomaluk paganggwi iinok, at Tamuwen nogo nen aret inowak loonogo, “Yogop ee'nip o,” yinuk, yorage nagagerak.