1 Endagembogut 8:44 - Ala Wone Peenok Peebi Mbanak

⁴⁴ Ndi, kat kapuri aakumi Iterali yi, inom wim mbanak inom namburuwok nduk, wundi nogwe iinok, Ndime nanip o, yinuk, nappiyamenggendak nogo logomenggaarik, o kota leenogo pereeginom kat kendage ki logorak kawi wukim yime ina na'nari wa'nuk, Kaliku ALA yokkugwi iinok,

1 Endagembogut 8:44 ပူးပေါင်းရင်းမြစ်များ

2 Tamuwen 5:19

at Ndawut nogo nen Aliku ALA yoge logonet, “An aap Pilitin mendek ninom wim perenggola na ilik? Ndi, perenggola nage neenok, kat nen neenggi paga panumunggun ilik, lek a?” Yoge mbareegi, Aliku ALA nen at yoge logonet, “An nen aret aakumi Pilitin mendek ti, waganogo keenggime pagagin me, kinom perenggola nak o.”

2 Tamuwen 5:23

at Ndawut nen Aliku ALA kin wokkage mbareegi, at nen wone onggo yoge logonet, “Kat nen it aakumi wonogwe enaame nggwe nagun o. Ata, inambo'me eyo tin logonak me time ari nanuk, inoba kwi'nari wundi woraanok nduk, enaa'nari nak o. Time namenggendak wonage me,

1 Endagembogut 8:16

At Aliku ALA nen ari logonet, O aa'nduk an napuri aakumi Iterali o Metit nen wogoren wundi wagagirak kuli nen aakumi Iterali inanebunu lombok abok aret inenggela'me o kota an nendage ki logorak nawi wuriyak ambi leenogo puulik kwe, endagembogut logonet, napuri Iterali inarum logowak nduk, at Ndawut aret leenogo mippigirak o, yinuk, yereegerak nogo o.

1 Endagembogut 8:45

kat mbogut paga logonet, it tamban eekwi, nggino yokkugwi, eekwi nogo, inoone karuk konembunuk, Eeppinanuwak lak, ao, mbakwi nogo aret eeppiige logomunggun o.

2 Mbinineegwaarak 18:31

Yorage mbareegi, it aap nggweendo paga wim eeka inoweewi nogo nen wim namburit nogo logonet, aap Yotapat nogo inigen kogo nogogwaarik, “Aap ti, Iterali inowe endagembogut aret o.” Yogo nogogwaarik, at wariyak nduk, eereegwaarak mendek, at Yotapat oone nggwok ari mbareegi, Aliku ALA nen yeenggwaarikit nduk, mugurok noorak lek teppuurak eeppiige mbareegi,

2 Mbinineegwaarak 20:5

Wogo nogogwaarik, it aakumi o Yerutalem wonogwe nogo inom Aliku ALA awi wurik me oore'nggam ngget ogobakkigireegwam taati kuwak eeko mbareegwa, at Yotapat nogo inenggela'me mi'nage nagagerik,

2 Mbinineegwaarak 32:20

Togop mban yogo mbareegwa, inowe endagembogut Kitikiya inom, aap Amot aput Ala nen yoge kagak yoraga Yetaya inom, nen tamban eeko logonet, inoone nggwok mbogut paga eerogo nippereegwaarak.

2 Mbinineegwaarak 6:34

Ndi, kat kapuri aakumi Iterali yi, inom wim mbanak inom namburuwok nduk, wundi nogwe iinok, Ena ndime nanip o, yinuk, nappiyamenggendak nogo logomenggaarik, o kota leenogo pereeginom kat kendage ki logorak kawi wukim yime ina na'nari wa'nuk, Kaliku ALA yokkugwi iinok,

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Owak Loongga 4:6

Ne ambi paga at Ndebora nen aap Abinowam aput Mbarak nogo o Kereti aap Natali mendek iname wonage me, woraawak nduk, yonggo nappiyareegerak yori nogogwaarak wage mbareegi, yoge logonet, “At Aliku Iterali inogoba Ala nogo nen, Aap Natali mendek inom, Tebulon mendek inom, ineebe sepuluh ribu aret wogoren, o puut Tabot paga lagi namenggendak keegak,

Owak Loongga 6:14

Yoge mbareegi, at Aliku ALA nen ena koonogo Nggireyon pekkaanuk, yoge logonet, “An nen kat ambi eeriyak nappagakit nduk woroolik mbaken? Ambi eeriyak nappagakit nduk, aret wagarak me, komaawi eeke menggendak ti paga aret aakumi Iterali it Miriyan mendek ineenggime nen inagap ndarenok nduk, pipuk eeke logot o.”

1 Tamuwen 15:18

Amburu eerogo mippagago mbareegwa, Aliku ALA nen kat yokkege logonet, It aakumi Amalek inobaabut maluk mendek ti, kinom wim nambuke logonet, ineebe mondok pup eerogo inoori nak o, yinuk, nappagagerak nogo lek a?

1 Tamuwen 15:3

it Amalek mendek tebenogo piinok, inamindik-inamendek wonage nogo, abok aret yigirik-noonom eerogo punuk, aap inom, kumi inom, inapurilogwe inom, awo ngget ndarak inom, inaanggumi tapi-ndomba inom, unta-keledai inom, ambiriluk ambi teppuurak lek tigitogon aret inoorogo piyaawak, yegerak o.”

1 Tamuwen 30:8

Ndawut nen Aliku ALA yoge, “It aap a'nggan wogonaka nen ninakuwi-ninapuri wogoren nagaarak nogo ti, muguren na ilik? Ndi, muguren nage neenok, ninom lambunugun ilik?” Yoge mbareegi, Ala nen wone onggo yoge, “Muguren nak o. Muguren nage logomenggendik, kinom abuk a'nuk, ndiniren woraamunggun me, nak o,” yoreegerak.