1 Endagembogut 8:39 - Ala Wone Peenok Peebi Mbanak

^39-40 yi aakumi ndi aakumi abok aret iniki keenu me, kat wonage menggenom mbogut paga nen inoone karuk konembunuk, o it ninombomini logowam wogoragaginom nogome wonogo logonet, kat paga inagabiti kombako logowak nduk, it inalitak lombok iniki keenu me, maluk eeremenggaarak ti mugurok inowak loongge, inomaluk lek eerogo piige, eeke logomunggun o.

1 Endagembogut 8:39 ပူးပေါင်းရင်းမြစ်များ

1 Endagembogut 8:32

Ndi, kumbuk mbani wage kenok, kat mbogut paga wonage logonet, karuk konembunuk, it kat kayeloman mini inowak looninake logonet, at ambi maluk abet aret eeke kenok, at eeremenggerak onggo ndak-ndak oba kwippege, ndi, at ambi maluk eerulik kin kaawak nduk, Kat maluk eerulik o, yinuk, yoge, eerumunggun o.

1 Endagembogut 8:36

kat mbogut paga logonet, inoone karuk konembunuk, kayeloman mini aakumi Iterali inomaluk nogo lek eerogo piige, it abe mban eerit nogo logowak nduk yorage, eeke logomenggendik, kapuri Iterali yate kwak inanggween wogoragaginom nogome mayu wuppi woraamungguno.

1 Endagembogut 8:38

aap ambit-ambi nen ilik, it kat kapuri Iterali yi abok aret nen a, it inalitak lombok maluk eeremenggaarak nogo paga iniki andi negen logonet, ineenggi kawi wurik me yime pa'nggwe nappi woraanuk, tamban eekwi, nggino yokkugwi, eekwi iinok,

1 Mbinineegwaarak 28:9

Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.

2 Mbinineegwaarak 6:30

yi aakumi ndi aakumi abok aret iniki keenu me, kat wonage menggenom mbogut paga nen inoone karuk konembunuk, o it ninombomini logowam wogoragaginom nogome wonogo logonet, kat paga inagabiti kombako logowak nduk, it inalitak lombok iniki keenu me, maluk eeremenggaarak ti, mugurok inowak loongge, inomaluk lek eerogo piige, eeke logomunggun o.

Ndawi 130:4

Kat nen ninomaluk lek eerogo mbo pege menggendak me, Kat paga ninagabiti kombako monggoorak o.

Ndawi 139:1

Kaliku ALA wae. Kat liirogon maloppanege, An nobaabut abu keenu age, Eeke menggendak o.

Ndawi 28:4

It maluk eerit nogwe nogo inom, Inobaabut nggolawe nen eerit nugwi nogo inom, Onggo eeppiige, Yi maluk ndi maluk eerit nugwi nogo onggo eeppiige, Eekaarak ndak-ndak aaninggin inoba piige, Eeru o.

Ndawi 33:14

At wonage menggim wonage logonet, aakumi nggween paga wonogwe abok aret liippiige, Eeke menggerak o.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yeremiya 32:19

Kat eeriyak kiniki koonit nage nogo ti, abu iya o! Ndi, eerit nage menggendak kunduk nggwok lombok aret o! It aakumi inalitak lombok iniki koombunuk eerit nugwi nogo abok aret kenegen wogoren nege, it aakumi maluk eerit nugwi paga, eerit namenggaarak anggen yugu paga, onggo ndak-ndak eeppiige, eeke menggendak o.

Yetikiyen 18:30

Togop me, it Iterali mendek ti, inalitik-inalitak eeriyak koonggwi paga inowak loonogo piinok, onggo ndak-ndak eeppiyaagin o, yinuk, Naliku Nitok Minggirak an ALA nen aret yagi o. It maluk eekwi paga ineebe nggelenggolookwak inomaluk mbo pugwi, noone yugu taganogo punuk, maluk eerit nogwe nogo yungguninuk wogwe, eeruwak o.

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

Nappiigak 1:24

eeppogo nogogwaarik, tamban eeko logonet, “Ninogoba o. Yi aakumi ndi aakumi iniki mbakwi abok keenu me, at Yurat ninom kat keyabu eerit nugu logowok nduk leenogo pinaneegindak kwe, teppinaninuk at noorak miikkolagagim nogome aret nagaarak me, it aap mbere punogo pigoorak yi, at obaane'me mippuurak koonogo pegendak nogo, yo'niret o,” yinuk,

Yotuwa 22:22

“At mondok omaawi menggerak ti, at Aliku ALA alik aret o. At mondok omaawi menggerak ti, at Aliku ALA alik aret o. Nit eekoorak at Aliku ALA eenu aret me, nit Aliku ALA wone taganogo punuk, niniki worokot logonet, nineebi kinombakwi, at Aliku ALA nineebi ombakwi, eeppunuk, yi eekoorak kenok, Aliku ALA nen ninili yuurak lek kit nen ninooriyak op aret o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.

Wayu 22:12

Yo'nege kage nagarik, at Yetut nen, “O maan aa'nduk togon wonagagirak alom Alpa inom, peebi irip paga mondok logorak Omega inom, ti an mban aret me, an logonuk lek mbet-mbet wage logominggirik, yi aap ndi aap eeko logomenggaarak paga onggo wogoroorak mbakirak nogo inalitik-inalitak ndak-ndak wogora woraagin me, liippogo logowak o,” yinuk, yo'nege kagarak.

1 Tamuwen 16:7

Aliku ALA nen Tamuwen yoge, “An nen aap ti, miirulik me, kat nen aap etenggen inom, eebe nggorek paga inom, liippunuk, mippugun o. An liippege minggirak nogo ti, aakumi nen liippiigo menggaarak ndak-ndak lek o. It aakumi nen ineebe paga liippiigo menggaarak kwe, an perak, aakumi inikime lombok liippiige minggirak o,” yoreegerak.

1 Tamuwen 2:3

Kaliku ALA kat aret me, yi wone ndi wone abok aret keenu age, Aakumi nen yi eekak ndi eekak eekwi nogo, inowak loongge, Eeke menggendak me, It aakumi nen, Nit iya o, yinuk, tiyappatit nugwi, Wi niruwak o, yinuk, inoone paga wogoppatit nugwi, Eerugwaarik o.