1 Endagembogut 8:34 - Ala Wone Peenok Peebi Mbanak

³⁴ kat mbogut paga wonage logonet, inoone karuk konembunuk, kapuri Iterali inomaluk lek eerogo piinok, it inombomini logowam inanggween wogoragaginom nogome iniyokan piya woraamunggun o.

1 Endagembogut 8:34 ပူးပေါင်းရင်းမြစ်များ

Wakkagagerak 13:15

Yoge nagagerik, “O yi taganak kat kenegen kagandak ti, abok aret kat inom, kat kapuri ndaganabemenggendak inom, unde eeppunuk, mondok-mondok logobagip nduk wokkiraagin o.”

1 Endagembogut 8:30

An kayeloman nggino yokkege, ndi, kapuri aakumi Iterali ina o wurik me yime na'nari wa'nuk, tamban eekwi, eekwi niinok, kat menggenom mbogut paga wonage logonet, karuk konenu o. Ndi, konengge logomenggendik, ninomaluk lek eerogo pinanumunggun o.

1 Endagembogut 8:33

It kapuri Iterali mendek nen kat maluk eeppagamenggaarak paga inawim nen tebenogo piya unggwogwe iinok, it iniki yungguk togon kat kawi wurik me yime unggwi woraanuk, Kendage maluk eerogo pagago o, yinuk, inomaluk paganggwi, tamban eekwi, nggino yokkugwi, eekwi iinok,

1 Endagembogut 8:35

Ndi, kat kapuri Iterali yi, maluk eeppagamenggaarak paga aaninggin inoba piige logonet, o mayu wage kero, mbogut narogo pege keenok, o wurik me yime ina na'nari wa'nuk, Kendage maluk eerogo pagago o, yinuk, inomaluk paganogo mbo pugwi iinok,

Ndawi 106:46

It aakumi keele maarogo piinok wonogwe nogo nen It inabuwa mbaruwak nduk, eeppiige nagagerak.

Ndawi 106:47

Kaliku ninogoba Ala wae. Kendage abu abe alik leenak me, “Wa,” yokkugwi, Kendage tiyappogo logonet, ninale'nggen mbakwi, Eeruwok nduk, Kat nen ninagap ndake, Yi aakumi ndi aakumi inenggela'me nen Kuwak eerogo pinani wage, Eeru o.

Ndawi 85:2

Kapuri maluk eeko nogogwaarak nogo mari eerogo mbo pege, Inomaluk taborogo piige,

Wundeegwaarak 6:8

Ti'nuk, at Muta nen aakumi Iterali wone ti yoragagerak kwe, inayeloman eeppiinok, inoone omaawi paga yorogo logonet, yawi inom inookwi paga iniki ale'nggen abu lek agagerak me, wone yoragagerak ti, abet mbarulik.

Yeremiya 31:27

At Aliku ALA nen ari logonet, “It Iterali wonogwe me inom, Yekura wonogwe me inom, inapuri kunduk, inaanggumi kunduk, wigak yogo logowak nduk, eerogo piyoorak eyom panggoni woraagin o.

Yeremiya 32:37

Nanini lombok mbake, nanini kani kunik negen wunuk togon wungge, eeke logonet, napuri yi o ndi o mak eerogo nappiyaminggirak logowam time nen, abok aret kuwak eerogo piinok, iniyokan o yime piya wage neenok, it nen o yime iniki ugun tayenak aret logogun o.

Ndaniyen 9:12

Maluk eekwi iinok, ndogop eeppiyaagin o, yinuk, yereegindak nogo, a'me lik togon nit inom, ninoweewi inendagembogut inom, aaninggin mondok alik negen ninoba kwippinanggendak o. Nit o Yerutalem wonogwe me, aaninggin ninoba kwippinanggendak nogo ti, o mbogut abu'me nggween paga yime togop ambi eeppiige kogoolik nogo mendek ninoba kwippinanggendak o.

Ndaniyen 9:19

Ninogoba o. Karuk konenu o! Ninogoba o. Ninomaluk lek eerogo pinanu o! Ninogoba o. Liippinaninuk, mbet-mbet yeenggwaanirage logot o. Ninogoba Ala wae. Kat kendage kumbunuk, kagota endage yogwe, kapuri inendage yogwe, eekwi me, kat kendage ti, maluk age kero, puk ariyak lek mbet-mbet yeenggwaanirage logot o,” yinuk, tamban eereegirak.

Ndaniyen 9:25

Wone yokkege yi, kinikime mondok liippege, liirogon wagangge, eeke logot o. O Yerutalem obaane'me mondok wuriyak o, yinuk, wone lengganogo wumbemenggerak kuli nen nok, at Ala nen leenogo punuk amburu eeppereegerak aap endagembogut nogo woroorak eyom kuli ti, tujuh kali tujuh inom, enam puluh dua kali tujuh inom, eerigin o. Ti eerit nage kagak, o Yerutalem maluk aago wonage nogo obaane'me wuko logonet, tu koonogo yarit nogwe, yugum pak yengget-wangget wurogo pit nogwe, eerugun kwe, aaninggin inoba piigwi iigak eeko logogun o.

Amot 7:2

Kuwak eerogo piyareegerak nogo, “Nenet nanip o,” yorage mbareegi, wurin ti nen iri'ngga o time wonage abok aret pup eerogo nenet nugwi iige nagagirik, “Kaliku Kitok Menggendak ALA wae. Kapuri inomaluk kami eerogo piyet o. It Yakup mendek ineebe mbuuluk me, inenggaawak lek arukwak nonggop togon eeko logogun o?”

Pelaareegerak 30:1

Yorage nagagerik, ambi yorage logonet, “At Aliku kinogoba Ala nen kit mak eerogo yi aakumi ndi aakumi inenggela'me nappinagamenggerak time wonogo logonet, Ala ale'nggen nen obeelom eerogo pinagarak wone inom, pulunogo pinagarak wone inom, yogondak an nen yokkirage yi, abu aret kinoba age kenok, Nit ndogop eekoorak paga ee'ninake kogo o, yinuk, mbako logomunggup o.

Pelaareegerak 30:4

Ndi, kit ando nggween irip me mak eerogo pinagamenggerak nogo kunduk, ne ambit ti paga mban kuwak eerogo wokkiren,

Yotuwa 21:43

At Aliku ALA nen aakumi Iterali inombomini, “Kinanggween wokkiraagin o,” yinuk, wone abuk nggaruk togon kumbuk mbanogo yoragagerak nogo, abok aret aakumi Iterali wogorage mbareegi, kologo nogogwaarik, time aret ye mbambatinuk, wonogogwaarak.