1 Endagembogut 8:29 - Ala Wone Peenok Peebi Mbanak

²⁹ Kat nen ari logonet, Time nen nendage ki logowam, yereeginom wurik yi, o liingge-oonikiya kenegen wagangge logoto. Kenegen wagangge wonage me, an kayeloman nena o wurik me yime na'nari wa'nuk, tamban eeke neenok, karuk konengge logomunggun o.

1 Endagembogut 8:29 ပူးပေါင်းရင်းမြစ်များ

1 Endagembogut 11:13

Wogoriyak nogo ti, kaput abu'me piinok wonage menggim ti, abok aret ndinogo wogorigin lek o. Ata, nayeloman Ndawut niniki kunik eeke, ndi, o Yerutalem miirogo pake, eereegirak me, anebunu ambiriluk ambi at porogo wonage kagak, inanebunu Iterali mendek abok aret kawot ambi unde logowak nduk, wogorigin o,” yinuk, yoreegerak.

1 Endagembogut 14:21

Aap Talomo aput Erekabeyam nogo ndarak kagak tahun 41 age paga aakumi Yekura inowe endagembogut age mbareegi, at Aliku ALA nen endage ki logowam aakumi Iterali inawi kota-kota abok aret wonogwe iigak, at leenogo pereegim kota Yerutalem nogome logonet, it Yekura mendek wone lengganogo yorage kagak, tahun 17 eereegerak. At agalo ti, kwe Amon mendek endage Naama aret.

1 Endagembogut 8:16

At Aliku ALA nen ari logonet, O aa'nduk an napuri aakumi Iterali o Metit nen wogoren wundi wagagirak kuli nen aakumi Iterali inanebunu lombok abok aret inenggela'me o kota an nendage ki logorak nawi wuriyak ambi leenogo puulik kwe, endagembogut logonet, napuri Iterali inarum logowak nduk, at Ndawut aret leenogo mippigirak o, yinuk, yereegerak nogo o.

1 Endagembogut 8:43

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

1 Endagembogut 8:52

Kaliku nogoba ALA wae. Nit ninombomini o Metit nen wogoren wundi wage logonet, kayeloman Muta nen it yoraawak nduk yoreegindak nogo ndak-ndak, it yi aakumi ndi aakumi o nggween paga yime wonogwe iigak, inenggela'me nen it mban kat kapuri keyate kwak kiniki kundugu aruwak nduk, leenogo piyareegindak me, it kapuri aakumi Iterali yi inom, an kayeloman inom, nit nggino yokkugwi nogo liippinanege, ndi, it kapuri inoone nggwok paga yokkugwi iinok, inoone konengge, eeke logomunggun o,” yinuk, tamban eereegerak.

1 Endagembogut 9:3

yoge logonet, “Kat tamban eeke logonet, nggino yo'negendak nogo, an muk naruk konenggirak me, nendage mondok-mondok ki logorak nawi wukendak yi, nake leenogo pakirak o. Leenogo pakirak me, niniki mondok-mondok time wonage logonet, nenegen wagangge logogin o.

2 Endagembogut 19:16

Kaliku nogoba ALA wae. At yo'nege yi, naruk koneni o, yinuk, karuk konengge, ndi, it eeppiigwi yi, nenegen pegiya o, yinuk, kenegen pe'niige, eeke logonet, at Tanerip nen kat keenik menggendak nogoba Ala meek eerogo pagage yi, liippege logot o.

2 Endagembogut 21:4

Aliku ALA nen, “O Yerutalem nendage ki logorak,” yereegim at awi wurik me kagak, kugi ake warogo wogogak ogobakkigirogo pege,

2 Endagembogut 21:7

At Aliku ALA nen Ndawut aput Talomo imbirak yorage logonet, “It aakumi Iterali inanebunu lombok inawi kota-kota iigak, an leenogo pereegim o Yerutalem nawi wurik yime mban nendage mondok-mondok ki logogin me, it aakumi Iterali, Yogop ee'nu ndogop ee'nu, yoragagirak nogo ndak-ndak eekwi, ndi, an wone lengganogo yoragagirak nayeloman Muta nen liiru mbanogo wogoragagerak nogo porogo logonet, liirogon mugurok nogwe, eekwi iinok, it inombomini logowam inanggween wogoragagim nogome nen yagak-ndagak nugu logowak nduk, eeppiyaagin lek o,” yinuk, yoragagerak kagak kwe, at Manate nen kugigwe Atiyera ageyo arelen ogobakkigirogo Aliku ALA awi wurik time pi unggwagagerak.

2 Endagembogut 23:27

Kunik aret wonage logonet, Aliku ALA nen, “It aakumi Iterali mendek abera'lek mbo piyareegirak nogo ndak-ndak, it Yekura mendek togop aret abera'lek mbo piyaagin o. Ndi, o kota Yerutalem leenogo pereegim yi inom, Nawi wurik me yime mban nendage ki logowak o, yinuk, yereegim inom, mbo pigin mban o,” yinuk, yereegerak.

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

2 Mbinineegwaarak 20:8

Unde eeppiige mbareegin, it nen o yime logonet kat kendage ki logowam kawi wurogo pagago nogogwaarik, yokkogo logonet,

2 Mbinineegwaarak 33:4

Aliku ALA nen, “O Yerutalem paga nendage mondok-mondok ki logorak,” yereegim Aliku ALA awi wurik me kagak, kugi ake warogo wogoragak ogobakkigirogo pit nage,

2 Mbinineegwaarak 33:7

At Aliku ALA nen Ndawut aput Talomo imbirak yorage logonet, “It aakumi Iterali inanebunu lombok inawi kota-kota iigak, an o leenogo pereegim o Yerutalem nawi wurik yime mban nendage mondok-mondok ki logogin me, it aakumi Iterali nen eeko logorak wone inom, wone lengganak inom, Yogop ee'nu ndogop ee'nu, wone inom, an yoragagirak nayeloman Muta nen liiru mbanogo wogoragagerak nogo, porogo logonet, liirogon eerit nogwe iinok, it inombomini logowam inanggween wogoragagim nogome nen ya agak nda agak nugu logowak nduk, eeppiyaagin lek o,” yinuk, yoragagerak kagak kwe, at Manate nen kugigwe Atiyera ageyo arelen ogobakkigirogo pereegerak nogo wonok, Aliku ALA awi wurik me yinogo pi unggwagagerak.

2 Mbinineegwaarak 6:20

Kat nen ari logonet, Time nen nendage ki logowam, yereeginom wurik yi, o liingge-oonikiya kenegen wagangge logot o. Kenegen wagangge wonage me, an kayeloman nena o wurik me yime na'nari wa'nuk tamban eeke neenok, karuk konengge logomunggun o.

2 Mbinineegwaarak 6:40

Togop aret me, nogoba Ala wae. Nit o yime logonet, tamban eekwi niinok, kenegen pe'niige, karuk liirogon konengge, eeke logot o.

Nekemiya 1:6

an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Wundeegwaarak 20:24

Ata, an nake warogo kani kunggak yuurak nduk nggween ambi waganogo ogobakkigirogo punuk, at paga kambin-ndomba inom, tapi inom, warogo nake kani kunggwi, ninom lambunuwok nduk, warogo an wo'nugwi, eeko logowak o. Ndi, an eeginabeegirak abeko logonet, nendage tiyappanugo logowak nduk, ogobakkigirogo pit namenggam nogome abok aret pegiinet nage logonet, nale'nggen inoba piinet nage logogin o.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Ndaniyen 9:18

Ninogoba Ala wae. It yo'nugwi ti, konenikit o, yinuk, karuk konengge, ndi, kat kendage kumbunuk kota endage yogo menggam maluk agaarak yi, Pekka o, yinuk, kenegen pekkage, eeru o. Nit nggino yokkugwi yi nogo ti, nit aap abe me nduk yokkugwi lek o. Ata, kat ninabuwa lombok mbake logonet eeppinanit wundi wage menggendak me nduk, yokkogo o.

Takariya 12:4

Ne ti eyom paga an nen it kuda abok aret ambime lingga nagak, ambime lingga nagak, eerit nugu logowak nduk, eerogo piige, aap at paga kwi'ndak wogwe nogo, kumili-kumili eerogo piige, eerigin o,” yinuk, Aliku ALA nen aret yegerak o. “It Yekura paga wiganak mendek an nenegen wogonake logogin kwe, it yi aakumi ndi aakumi inaguda nogo perak, inigen mbuk eerogo piyaagin o.

Pelaareegerak 12:11

at ake kani kuniyak mendek inom, warogo wogoriyak mendek inom, kinamendek ambi 10 wonage kenok, ambi yendenogo Ala ake puurak mendek inom, Ala wa, yinuk, wogoriyak nogo mendek inom, kinamendek abe, Kat Ala kake pi o, yinuk, kumbuk mbanogo puurak inom, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, leenogo patemenggim nogome mban pi nogo logomunggup o.

Pelaareegerak 12:14

Ata, kit kinanebunu ambi anggween at Aliku ALA nen leenogo patemenggim time nen mban Ala ake warogo kani kunggwi, ndi, an nen, Yogop eeko logorak o, yinuk, wone lengganogo yokkiragarak nogo abok aret time nen eekwi, eeko logonu o.

Pelaareegerak 12:5

Ata, at Aliku kinogoba Ala nen kit aakumi Iterali kinanebunu abok aret kinenggela'me kinanggween ambi, An wonage me yime nen mban nendage tiyappogo logowak o, yinuk, leenogo patemenggerak kineenu a'nuk, ambit me time mban nogo logonet,

Pelaareegerak 16:2

Laago ti, lako logonet, kit nen kambin-ndomba inom, lembu-tapi inom, inoorogo piinok, Aliku ALA nen, O yime nen mban nendage ki logowak o, yinuk, o leenogo patemenggim time nen Aliku kinogoba Ala ake laago endage Obagambo Nagagerak ti, lako logomunggup o.

Pelaareegerak 16:6

Ata, kit o Metit nen o kiyoma paga wundi wogogutak me, o kiyoma oonegen kilu yi nage kagak, Aliku kinogoba Ala nen, O yime nen mban nendage ki logowak o, yinuk, leenogo patemenggim nogome nen mban laago endage Obagambo Nagagerak lariyak nduk, kinaanggumi inoorogo piigo logomunggup o.

Pelaareegerak 26:2

at Aliku kinogoba Ala nen kinanggween wokkirage ti paga yi mendek ndi mendek awi yarumonggotak anggen iyaalok yemenggerak nogo mbanogo muun yarak me yonggologo punuk, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, o leenogo patemenggim nogome pi nogo logomunggup o.