1 Endagembogut 8:26 - Ala Wone Peenok Peebi Mbanak

²⁶ Togop aret me, aakumi Iterali inogoba Ala wae. Kayeloman nogoba Ndawut wone koonogo yoreegindak nogo, o yogondak aret kin aruwak nduk, eerit nage logot o.

1 Endagembogut 8:26 ပူးပေါင်းရင်းမြစ်များ

1 Endagembogut 8:23

Aliku ALA yoge logonet, “Kaliku Iterali inogoba Ala wae. Mbogut paga inom, nggween paga yime inom, kat Ala kokwak ambi wonage abu lek aret o. It kayeloman mini nen iniki inom, ineebe inom, mondok nggaruk togon kat paga panggombunuk, kenggaanom paga liirogon eerit nogo menggaarak nogo, kiniki kunik aganake logonet, kinom wone koonogo pereegindak nogo mbeyok yukwak, a'me nggelok eeke menggendak me, wa!

1 Endagembogut 8:27

Togop aret kwe, kat Ala o nggween paga yime logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

1 Mbinineegwaarak 17:23

Togop aret me, Kaliku nogoba ALA wae. An kayeloman inom, napuri-nombowologwe wigannarugun inom, eerogo pinaniyak wone koonogo yo'negendak nogo, a'me lik togon aret eeppinanege logomunggun o. Kat kendage mondok-mondok tiyanak logowak nduk, wone yagandak nogo ti, a'me nggelok togon eeke keenok, it aakumi nen, At Omaawi Lombok Menggerak Iterali inogoba Ala nogo ti, aakumi Iterali inogoba Ala aret kogo o, yinuk, yogo logogun o. Ndi, kat kenegen wo'ninake keegak, an kayeloman Ndawut napuri-nombowologwe wiganak nen mban it kapuri Iterali mondok-mondok inarum logogun o.

2 Mbinineegwaarak 1:9

Togop aret me, o yogondak Kaliku nogoba Ala wae. Aakumi ambik lombok liirubu kwak wonogwe nogo, inowe nendagembogut logokit nduk, mippaneegindak me, wone abuk nggaruk togon koonogo nogoba Ndawut yoreegindak nogo eeke keyaakit nduk, eeru o.

Ndawi 119:38

It aakumi kayuk wuko logowak nduk, An kayeloman yi, wone koonogo yo'nireegindak nogo Ndak-ndak eerogo panege,

Ndawi 119:49

Niniki ambi lunik logokit nduk Wone koonogo pereegindak me, An kayeloman yo'nireegindak nogo aberu o.

Ndawi 41:13

Togop aret me, Iterali inogoba Kaliku ALA nogo o! O aa'nduk nen, yogondak nen nok, peebi nen Mondok-mondok kendage tiyanak aret logowak o. Abet aret yagi o. Abet aret yagi o.

Wundeegwaarak 24:10

yugum nilam mbogut mili ket yanggo aago ndik tabak ndoonak negen me, Iterali inogoba Ala iyok ti paga punuk mi'ndak wonage inigen kogogwaarak.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Yetaya 45:3

Iterali inogoba Naliku ALA nen kat kendage kunogo wiigigirak keenu arenok nduk, Yi mendek ndi mendek oome aken time kumaarogo pegaarak nogo wokkege, Yi aap ndi aap ineenggi warak inamendek kumaarogo pakaarak wonage nogo pelenogo wokkege, Eerigin o.

Yeremiya 11:5

Eekwi kiinok, an nen kit kinombomini inanggween abu abe yilak amburu inom, nggiin amburu inom, niyo eneeri negen kila-kila wungge menggim time wogoraagin o, yinuk, kumbuk mbanogo yoragagim nogome kit wokkiraagin o, yinuk, yoragagirak it yogondak unde eeppatinuk wonogwe nogo nen wone yugu ti, liirogon eeka'lek iinok, pulunik aret logogun, yegerak, yoret o.” Yo'nege mbaki, an nen, “Kaliku ALA wae. Abet aret yagan o.”

1 Tamuwen 1:17

Yoge mbareegi, at Eli nen, “Ti kenok op aret o. Kat nen Iterali inogoba Ala nen wo'niruwak, mba'nuk, yogendak nogo, wokkirigin aret me, kiniki teeluk obeelom paga aret kame nak o.”