1 Endagembogut 8:22 - Ala Wone Peenok Peebi Mbanak

²² Yorage nagagerik, at Talomo nogo Aliku ALA ake warogo wogogo logowam ogobakkigirik me enaame taa'nogo mi'nari nage nagagerik, aakumi Iterali wonogwe abok aret inenggaanom paga eenggi mbogut paga nippege nagagerik,

1 Endagembogut 8:22 ပူးပေါင်းရင်းမြစ်များ

1 Endagembogut 8:54

At Talomo nogo Aliku ALA ake warogo kani kunggak enaame taati endobanggun yindumbege nagagerik, eenggi mbogut paga nippunuk, tamban eeke, Aliku ALA nggino yoge, eeke nogo abok aret yoge nagagerik, mi'na'nuk,

2 Endagembogut 11:14

aap inowe endagembogut nen wone yoroorak kenok mi'nari laganggo menggam mi'nari laganeegerak wonage, ndi, it aap endagembogut inom eeko menggaarak inom, it aap oone nggwok eeka trompet oone eeko menggaarak inom, eraanu wonogwe, eekwi iigak, it aakumi o time abok aret inale'nggen yogwe, trompet nogo oone pu eekwi, eekwi nogo enegen iige nagagerik, ayum nibinogo patinuk, oone nggwok paga, “Nambokan lagangga o! Nambokan lagangga o!” yinuk, yereegerak.

Etara 9:5

Ari nage mbareegi, niniki wakkolagagirak nogo lek eerogo punuk, nayum nggorek inom, nayum neebe paga yirik inom, nibinogo pateegirak nogo kagak aret nendobanggun yindumbunuk, neenggi Aliku nogoba Ala titik ege logonet,

Ayup 11:13

Togop aret kwe, Kat yi, kiniki pipuk eekkolage, Ala o, yinuk, tamban eeke logonet, keenggi nippege,

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 63:4

An kambuurak kuli ari nage kagak, tiyappagit nage, Neenggi nippege logonet, “Nogoba Ala o,” yinuk, nggino yokkege, Eeke logogin o.

Wundeegwaarak 33:10

It aakumi Iterali mendek nogo Ala awooliya wurik tunggambe paga ndugwi nogo nobappunuk wonage inigen kogo nagaatik, inarungga ambe paga lombok inalitik-inalitak mi'ndak logonet, alut eeko nogogwaarak.

Wundeegwaarak 9:29

Yorage mbareegi, it nen at yogwi, “O nggween yi, Aliku ALA mban unde menggerak keenu arenok nduk, o ngguurubu eeke nogo lek age, o mayu kumulinggen wangge nogo mbangge, eeruwak nduk, an o kota yime nen wundi nage logominggirik, neenggi titik eerogo Aliku ALA yori nagin kwe,

Wundeegwaarak 9:33

Ndi, Muta nen Pirawun nogo o kota nogome teppunuk, wungge nagagerik, eenggi titik eeke logonet, at Aliku ALA nogo yoge mbareegi, o mayu kumulinggen wangge nogo puk age, o ngguurubu eeke nogo lek age, eeke logonet, o mayu lubu-lubu nggween paga wangge nogo, mbaneegerak.

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.